Навіны за 4 ліпеня 2007
Алесь Каліта арыштаваны на 15 сутак
Суд Цэнтральнага раёну сталіцы вынес пакараньне старшыні моладзевай камісіі Партыі БНФ Алесю Каліта - 15 сутак арышту.
Дзесяць сутак за дробнае хуліганства - Павалу Серадзенку
Cёньня ў судзе Цэнтральнага раёна Менска праходзіць суд над затрыманымі 3 ліпеня старшынёй Рады моладзі БНФ Алесем Калітой і сябрам моладзі БНФ Павалам Серадзенкам. Пакуль вядома, што яны абвінавачваюцца ў дробным хуліганстве. Менавіта па гэтым артыкуле Адміністратыўнага кодэксу 10 суткамі арышту пакараны Павал Серадзенка. Прысуд Алесю Каліце пакуль не абвешчаны.
Грамадзкаму аб’яднаньню “Ліквідатар”адмовілі ў рэгістрацыі
Міністэрства юстыцыі адмовіла ў рэгістрацыі грамадзкаму аб’яднаньню “Ліквідатар”. Устаноўчы зьезд удзельнікаў ліквідацыі аварыі на Чарнобыльскай АЭС адбыўся 19 траўня ў Менску.
Актывіста Руху “За Свабоду” у Салігорску выклікаюць у Пракуратуру
Актывіста Руху “За Свабоду” і Маладога Фронту Івана Шылу выклікаюць у раённую Пракуратуру для азнаямлення з крымінальнай справай, па якой ён праходзіць у якасці падазраванага. Позва выпісаная на пятніцу, 6 ліпеня.
Палітвязень Артур Фінькевіч застаецца на «хіміі»
Дэпартамэнт па выканьні пакараньняў не задаволіў скаргі Артура Фінькевіча на адмову ў яго ўмоўна-дэтарміновым вызваленьні. Сваю пастанову дэпартамэнт матываваў нібыта кепскімі паводзінамі Фінькевіча.
Рух “За Свабоду” запрашае на Басовішча
Рух “За Свабоду” дапаможа аматарам беларускай музыкі патрапіць на фестываль “Басовішча”, які пройдзе ў польскім горадзе Гарадок з 19 па 21 ліпеня.
Сёння - суд па зыску Юрыя Алейніка да Акадэміі кіравання
4 ліпеня ў 14.00 суд Кастрычніцкага раёна г. Мінска пачне разгляд зыску сябра ГА “Беларуская асацыяцыя журналістаў” Юрыя Алейніка – былога студэнта Акадэміі кіравання пры прэзідэнце РБ, адлічанага ў траўні г.г.
Маладых абаронцаў Гародні пераследуе міліцыя
Навучэнцаў гарадзенскіх школ, якія бяруць актыўны ўдзел у грамадзянскай кампаніі “Выратуем Гародню”, выклікаюць у інспекцыю па справах непаўнагадовых. Міліцыянты маюць намер паставіць маладзёнаў на ўлік, і гэтым самым перашкодзіць іх удзелу ў абароне роднага гораду.
Алеся Каліту і Павала Серадзенку абвінавачваюць у дробным хуліганстве
Старшыня Рады моладзі БНФ Алесь Каліта і сябра моладзі БНФ Павал Серадзенка, якія былі затрыманыя ўчора каля сядзібы Партыі БНФ, на працягу некалькіх гадзін знаходзіліся ў Цэнтральным РУУС гораду Менску. На моладзевых актывістаў склалі пратакол і абвінавацілі ў дробным хуліганстве.
Наваполацак: акцыя пратэсту ў Дзень Незалежнасьці
У Наваполацку ўчора адбыўся чарговы пікет пратэсту супраць ліквідацыі льготаў сацыяльна неабароненым катэгорыям грамадзянаў. Такія акцыі ладзяцца ў гэтым горадзе штодня ад 27 чэрвеня.
Затрыманых удзельнікаў флэш-мобу у Гародні выпусьцілі з пастарунку
Затрыманых у Горадні 3 ліпеня ўдзельнікаў флэш-мобу выпусьцілі ўчора каля 18 гадзінаў.
Пасля працяглага ператрусу актывістаў БХД адвезьлі ў міліцыю
Учора, 3 ліпеня, у Менску супрацоўнікамі міліцыі былі затрыманыя актывісты партыі “Беларуская хрысьціянская дэмакратыя”, якія займаліся зборам подпісаў аб зьмене закону аб свабодзе сумленьня.
