Навіны за 27 ліпеня 2007
Суд над актывістам Зміцерам Хведаруком завяршыўся
Актывіст незарэгістраванай арганізацыі “Малады фронт” Зьміцер Хведарук цэлы дзень правёў у будынку суду Маскоўскага раёну Менску. Яго затрымалі ўчора раніцай, калі хлопец ішоў на прыпынак ад будынку Дому правасудзьдзя, дзе ён быў на судзе ў Канстанціна Лукашова. У міліцыі Зьмітра, як і іншых арыштаваных моладзевых актывістаў, абвінавацілі ў нецэнзурнай лаянцы і да вечара трымалі ў дзяжурнай частцы. Зьміцер стаў пятнаццатым арыштаваным апазыцыянэрам за апошнія двое сутак.
Бел-чырвона-белы сцяг на Святой гары
Актывісты грамадзянскай кампаніі «Джынс за Свабоду» сёння адзначылі Дзень Аднаўлення Незалежнасці сімвалічнай акцыяй. Ранкам 10 чалавек выехалі з Мінску да Святой гары (пры савецкай уладзе яе перайменавалі ў Дзяржынскую), якая з`яўляецца вышэйшай кропкай Беларусі. Яе вышыня – 345 метраў над узроўнем мора. Там быў замацаваны шасціметровы флагшток. Адзін з удзельнікаў акцыі распавёў пра сённешняе свята, пра значэнне "Дэкларацыі аб дзяржаўным суверэнітэце" для краіны. Пасля быў узняты бел-чырвона-белы сцяг. Акцыя скончылася гучнымі воклічамі "Жыве Беларусь!"
27 ліпеня: Святкаваньне Дэкларацыі «Аб дзяржаўным суверэнітэце Беларусі» ў Менску. Новае аднаўленьне!
Хроніка падзеяў і затрыманьняў (Аднаўляецца)
Сілавікі “рыхтуюцца” сустрэць 17 гадавіну Дэкларацыі «Аб дзяржаўным суверэнітэце Беларусі»
Як паведамляе “Наша ніва”, зараз на Плошчы Незалежнасьці — шмат людзей у цывільным і з рацыямі.
У Наваполацку пройдуць пікеты ў падтрымку Казуліна
Наваполацк стаў адзіным на сённяшні дзень горадам у краіне, у якім ўлады дазволілі пікет у падтрымку былога кандыдата на прэзідэнты, а зараз палітзняволенага Аляксандра Казуліна.
У Магілёве затрыманы распаўсюднік незалежнага друку
Сёньня ў цэнтры Магілёва на вуліцы Ленінскай быў затрыманы і дастаўлены ў Ленінскі РАУС моладзевы актывіст Сяргей Гуркоў.
31 ліпеня Мінюст паспрабуе прыпыніць дзейнасць ПКБ
На 31 ліпеня (бліжэйшы аўторак), прызначанае паседжанне Вярхоўнага суда Рэспублікі Беларусь па позве Міністэрства юстыцыі аб прыпыненні дзейнасці Партыі камуністаў Беларускай.
Удзельнікаў "Басовішча" звальняюць з працы за прагулы
Супрацоўнікі Берасцейскага тэлебачання збіраюць подпісы супраць рашэння кіраўніцтва. Прычыну расправы з гукарэжысёрамі яны лічаць абсурднай.
Горадня: устаноўчы сход прагаласаваў за мясцовы рэфэрэндум
Учора, 26 ліпеня ўвечары ў Горадні адбыўся ўстаноўчы сход ініцыятыўнай групы для правядзеньня гарадзкога рэфэрэндуму, прысьвечанага праблемам захаваньня гісторыка-культурнага ансамблю цэнтральнай часткі гораду.
Сёння гадавіна Дэкларацыі «Аб дзяржаўным суверэнітэце Беларусі»
Роўна 17 год таму Вярхоўным саветам БССР падаўляючай большасцю галасоў была прынятая Дэкларацыя «Аб дзяржаўным суверэнітэце Беларусі». Такім чынам была перагорнутая новая старонка ў гісторыі краіны. Сваім рашэннем, не ўсведамляючы гэтага, пракамуністычны дэпутацкі корпус заклаў падмурак для пабудовы свабоднай, дэмакратычнай, заможнай краіны. Беларусь была скіраваная на цалкам натуральны для яе еўрапейскі шлях развіцця.
Магілёў: затрыманыя грамадзкі актывіст і журналістка
Незалежную журналістку Ганну Ільіну і кіраўніка гарадзкой арганізацыі Аб’яднанай грамадзянскай партыі Сяргея Стральцова затрымалі ў Магілёве на месцы, дзе невядомыя вывесілі бел-чырвона-белы сьцяг. Ільіну і Стральцова зьвінавацілі ў тым, што яны без дазволу фатаграфавалі міліцыянтаў.
Акцыя з нагоды 27 ліпеня адбудзецца пры любым надвор’і
Паводле старшыні аргкамітэту 27 ліпеня, намесніка старшыні Партыі БНФ Віктара Івашкевіча, нягледзячы на затрыманні напярэдадні акцыі, яна абавязкова пройдзе ў сталіцы.
Эўразьвяз занепакоены арыштамі моладзевых актывістаў
Камісар Эўразьвязу у вонкавых сувязях і палітыцы добрасуседзтва Бэніта Фэрэра-Вальднэр выказала трывогу ў зьвязку з паведамленьнямі аб арыштах і затрыманьнях, якія паступаюць зь Менску.
