Навіны за 15 жніўня 2007
Кіраўнік Шклоўскай суполкі партыі БНФ А.Фёдараў застанецца ў турме
Старшыня Шклоўскай суполкі партыі БНФ Аляксандар Фёдараў застанецца ў турме – прынамсі, да сканчэньня сьледзтва. Пракурор Шклоўскага раёну Ігар Сьніткоў не задаволіў хадайніцтва адваката пра вызваленьне шклоўскага палітыка пад падпіску пра нявыезд.
Еўрапарламент устаў на абарону гістарычнай Гародні
У сувязі з разбурэннем гістарычнай часткі Гародні Камітэт па культуры і адукацыі Еўрапарламента звярнуўся ў ЮНЭСКА з просьбай абараніць гістарычную частку цэнтра каралеўскага горада над Нёманам. У заяве змешчаная просьба аб стварэнні міжнароднай камісіі, якая занялася б назіранням за рэстаўрацыйнымі працамі ў Гародні.
У Клецку ўзбудзілі крымінальную справу за самвыдат
Супраць стваральніка самвыдавецкага бюлетэня «Бойкий Клецк», актывіста дэмакратычных сілаў Сяргея Панамарова ўзбуджаная крымінальнае справа. Гэта адбылося праз некалькі гадзін пасля таго, як Панамароў падаў у мясцовы райвыканкам заяву аб правядзенні пікету ў абарону палітвязняў.
Кіраўнік Цэнтра Візенталя даслаў ліст Лукашэнку ў справе антысемітызму
Кіраўнік Цэнтра Візенталя даслаў ліст Аляксандру Лукашэнку ў справе антысемітызму. У ім кіраўнік габрэйскай праваабарончай арганізацыі па міжнародных сувязях Шымон Самуэльс выказаў сваё абурэнне фактам вольнага распаўсюду ў Беларусі антысеміцкіх выданняў.
Бунтаўцамі зацікавіліся пракуратура і КДБ
На допыты ў менскую гарадзкую пракуратуру выклікаюць сябраў незарэгістраванага руху «Бунт». Праваабаронцы не выключаюць, што ў хуткім часе можа быць распачата новая крымінальная справа.
“Малады фронт” рыхтуецца адзначыць свой дзесяцігадовы юбілей
Як паведаміў першы лідэр самай вядомай моладзевай апазіцыйнай арганізацыі найноўшай гісторыі Беларусі, палітык Павал Севярынец, мерапрыемствы адбудуцца ў Менску і на Крапівенскім полі.
На беларускай мяжы канфіскавалі кнігі Васіля Быкава
Супрацоўнікі Берасцейскай мытні канфіскавалі ў сакратара аргкамітэта па стварэнні партыі "Беларуская хрысціянская дэмакратыя" (БХД) Дзяніса Садоўскага інфармацыйныя матэрыялы.
