Навіны за 28 верасьня 2007
На 620 тысяч рублёў аштрафаваная берасьцейская актывістка Кацярына Бельская.
Суд палічыў яе ўдзельніцай несанкцыянаванага сходу. Нагадаем, 19 жніўня ў Берасьці адбылася прэзэнтацыя кнігі Паўла Севярынца “Лісты зь лесу”, удзельнікаў якой затрымала міліцыя.
Актывісты з маладзёвага руху незалежных прафсаюзаў распачалі масавыя раздачы спецвыпуска газеты “Партызанская”.
Гэта ёсць акцыя па інфармававанню насельніцтва, дзе вачыма моладзі адлюстроўваецца сітуацыя ў краіне, парушэнні у галіне правоў чалавека, распавядаецца аб руху незалежных прафсаюзаў у Беларусі. Нам ёсць што сказать людзям”.
Магілёўскі аблвыканкам зацьвердзіў усе прапановы станцыі пераліваньня крыві, якая прасіла захаваць льготы донарам вобласьці.
Цяпер гэтыя прапановы вынесуць на разгляд дэпутатаў абласнога савету. У аблвыканкаме не сумняюцца, што савет іх таксама зацьвердзіць. Донары-страйкоўцы пастанову аблвыканкаму называюць сваёй перамогай.
Касацыйны разгляд скаргі экс-дэпутата Андрэя Клімава адбудзецца 2-га кастрычніка ў Мінскім гарадскім судзе.
Аднак жонка палітвязьня не ўступае ў зносіны з журналістамі, бо лічыць, што гэтым абумоўлены праблемы Андрэя Клімава.
Газета "Мясцовы час" прыпыніла выхад
Недзяржаўная газета “Мясцовы час”, якая распаўсюджвалася ў Пінску і рэгіёне, 27 верасня развіталася са сваімі чытачамі. Грамадска-палітычны тыднёвік, які праіснаваў чатыры гады, вымушаны быў спыніць выхад з эканамічных прычын.
Горадня: пікетаў супраць адмены льготаў не дазволілі
27 верасьня сябры гарадзенскай філіі Аб’яднанай грамадзянскай партыі атрымалі 21 адмову з гарвыканкаму — менавіта столькі заявак і падавалі на правядзеньне пікетаў супраць адмены сацыяльных ільготаў.
Начальнік упраўлення адукацыі Баранавіцкага гарвыканкама Ігар Стасевіч адмовіў у інфармацыі журналісту мясцовай недзяржаўнай газеты “Intex-press”.
27 верасня карэспандэнт незалежнай газеты Наталля Семяновіч, рыхтуючы матэрыял да Дня настаўніка, звярнулася да І. Стасевіча, каб удакладніць, колькі ў школах горада працуе педагогаў. Аднак чыноўнік адмовіўся адказаць на пытанне і заявіў, што гэта закрытая інфармацыя.
Рэпрэсіі актывістаў апазыцыі перад Эўрапейскім маршам узмацняюцца
У Менску і іншых гарадах працягваюцца судовыя працэсы над актывістамі апазыцыі. Многія справы зацягваюцца. Працяг судовых пасяджэньняў прызначаюць на кастрычнік – за тыдзень да правядзеньня Эўрапейскага маршу “За Свабоду”. Актывісты апазыцыі лічаць, што гэта робіцца наўмысна, каб ізаляваць іх потым на час правядзеньня акцыі.
Старшыню КДБ просяць ушанаваць памяць рэпрэсаваных
27 верасня кіраўнікі грамадскага аргкамітэта па ўвекавечанні памяці ахвяр сталінскіх рэпрэсій накіравалі ліст старшыне Камітэта дзяржбяспекі Юрыю Жадобіну з просьбай дазволіць ускладанне кветак да будынка ўнутранай турмы КДБ у Менску, дзе ў ноч з 29 на 30 кастрычніка 1937 года былі расстраляныя каля 100 чалавек.
Новы падазраваны ў крымінальнай справе па 193.1 артыкуле - моладзевы актывіст з Гомелю Андрэй Цянюта
27 верась на допыт па справе Маладога Фронту ў мясцовае упраўленьне КДБ быў выкліканы моладзевы актывіст Андрэй Цянюта. Сьледчы Андрэй Коласаў уручыў хлопцу пастанову аб прызнаньні яго падазраваным у дзейнасьці ад імя незарэгістраванай арганізацыіпа крымінальным артыкуле 193.1 КК РБ. Моладзевы актывіст адмовіўся адказваць на пытаньні без адваката і сьведчыць супраць сябе, аднак падпісаў дакумент, згодна з якім мусіць абавязкова зьяўляцца на допыты і сьледчыя мерапрыемствы.
Старшую дачку палітвязня Аляксандра Казуліна звольнілі з працы
Раней ёй вынесьлі дысцыплінарнае спагнаньне. Вольга Казуліна працавала на прадпрыемстве «Альактив» намесьнікам дырэктара ў прававых і кадравых пытаньнях.
Былым падазроным у віцебскіх выбухах Мурашкам далі грошы за 6 месяцаў у СІЗА
Абвінавачванні ў арганізацыі выбухаў два гады таму ў Віцебску з братоў Мурашкаў былі знятыя цалкам. За 6 месяцаў знаходжання ў следчым ізалятары ім выплацілі кампенсацыю. А новым падазроным па справе стаў маёр УКДБ па Віцебскай вобласці Андрэй Дзямідаў, былы ўдзельнік следчай групы па расследаванні выбухаў у Віцебску.
