Навіны за 31 кастрычніка 2007
Улады ня хочуць гаварыць аб правах чалавека?
Працягваецца візыт у Беларусь прэзыдэнта Міжнароднай фэдэрацыі правоў чалавека Сугайр Бэльхасэн. Яна пажадала сустрэцца з прадстаўнікамі чатырох міністэрстваў — юстыцыі, інфармацыі, замежных і ўнутраных справаў. Як рэагуюць улады на гэты візыт?
Колькі каштуе пазбегнуць суду?
Падчас абмеркавання праекту Закону “Аб амністыі” дэпутат Сяргей Касцян выказаў меркаванне, што калі скрадзеш 3-5 мільёны, але потым вернеш іх – адказнасці пазбегнеш, у адрозненне ад таго, хто ўзяў хабар у 100 долараў.
30 кастрычніка прадстаўнікі Рух “За свабоду” ўганаравалі пераможцаў конкурсу "Свабода - гэта..."
У журы увайшлі пісьменьнік Уладзімер Арлоў, сьпявачка Кася Камоцкая, паэт і мастак Міхал Анемпадыстаў, а таксама лідэр руху “За свабоду” Аляксандар Мілінкевіч. Пераможным стаўся слоган “Свабода -- гэта жыцьцё бяз страху”.
Пінск: аднаўляецца суд над лідэрам прадпрымальнікаў
Сёньня ў другой палове дня Пінскі гарадзкі суд працягне разгляд адміністрацыйнай справы мясцовага лідэра прадпрымальнікаў Аляксандара Васільева. Яго вінавацяць у арганізацыі 2 кастрычніка несанкцыянаванага ўладамі сходу на калгасным рынку ў Пінску і агітацыі да ўдзелу ў агульнабеларускім страйку прадпрымальнікаў.
У Беларусі чакаецца значнае павышэнне цэн на стаматалагічныя паслугі
У Беларусі са студзеня 2008 года чакаецца значнае павышэнне цэн на стаматалагічныя паслугі. Аб гэтым журналістам паведаміў галоўны пазаштатны стаматолаг Міністэрства аховы здароўя Беларусі доктар медыцынскіх навук, прафесар Сямён Навумовіч.
Праблемы з донарамі ўжо ўзніклі
З-за скарачэння колькасці донараў, якія здаюць кроў на Мінскай абласной станцыі пералівання крыві, што ў Маладзечне, станцыя мае патрэбу ў павелічэнні запасаў крыві розных груп з адмоўным рэзус-фактарам.
Антыкамуністычны форум адбудзецца 3 лістапада ў мінскай штаб-кватэры Партыі БНФ.
Пра гэта паведаміў старшыня аргкамітэту Алесь Міхалевіч. Раней дырэктар сталічнага Палаца культуры МАЗ адмовіў арганізатарам-антыкамуністам у арэндзе памяшкання.
Андрэй Бастунец: «Ужо сёньня ўлады адсочваюць публікацыі ў інтэрнэце»
Міністар інфармацыі Беларусі Ўладзімер Русакевіч заявіў, што інтэрнэт-вэрсіі пэрыядычных выданьняў павінны рэгістравацца як сродкі масавай інфармацыі. Цяпер у краіне створана адмысловая група, якая аналізуе сусьветную практыку па гэтым пытаньні. Калі група зьбярэ адпаведныя матэрыялы, то ўнясе свае прапановы аб прававым рэгуляваньні дзейнасьці інтэрнэт-СМІ – адзначыў Русакевіч.
Суд пакараў штрафамі віцебскіх грамадзкіх актывістаў
30 кастрычніка пасьля правядзеньня акцыі па ўшанаваньню ахвяраў сталінскіх рэпрэсіяў ва ўрочышчы Паляі пад Віцебскам быў затрыманы аўтобус з 27 мясцовымі прадстаўнікамі грамадзкасьці. Усіх даставілі ў пастарунак, на 5 былі складзеныя адміністратыўныя пратаколы за ўдзел у несанкцыянаваным мерапрыемстве.
У Віцебску канфіскаваная "Народная Воля"
30 кастрычніка ўвечары ў цэнтры Віцебску супрацоўнікі міліцыі затрымалі актывістаў, якія забралі з камеры захоўваньня чыгуначнага вакзалу асобнікі зарэгістраванага недзяржаўнага выданьня "Народная Воля"
"Дзеяслоў" адзначыў пяцігодзьдзе. Замежныя дыпламаты - ізраільскі і швецкі - прамаўлялі па беларуску
30 кастрычніка ў гістарычнай майстроўні на вуліцы Сухой адбылася вечарына, прысьвечаная пяцігодзьдзю літаратурнага часопісу “Дзеяслоў”. Пісьменьнікі хацелі правесьці імпрэзу ў Доме літаратара, але ім адмовілі ў арэндзе памяшканьня. Невялікая заля майстроўні ледзьве магла зьмясьціць усіх жадаючых трапіць на прэзэнтацыю.
У СІЗА павесіўся асуджаны да пажыцьцёвага зьняволеньня
Пракуратура Цэнтральнага раёну Гомелю праводзіць расьследаваньне па факце сьмерці асуджанага, якога знайшлі павешаным у адзіночнай камеры СІЗА № 3 абласнога цэнтру.
Аб'ектыўнасць дзяржвыданьняў журналісты паставілі на апошняе месца
Ананімнае анкетаванне сярод журналістаў было праведзена нядаўна ў Гомелі. Удзел у ім узялі прыкладна 20% журналістаў, якія працуюць у абласным цэнтры: супрацоўнікі дзяржаўных газет, радыё і тэлебачання, а таксама журналісты недзяржаўных сродкаў масавай інфармацыі.
Магілёўская пракуратура выставіла абвінавачаньне палітвязьню Артуру Фінькевічу ў новай крымінальнай справе — за парушэньне рэжыму падчас адбываньня пакараньня.
30 кастрычніка палітвязень сустэўся са сваёй адвакаткай ў магілёўскім ізалятары часовага ўтрыманьня. Гутарка доўжылася блізу чатырох гадзінаў. Магілёўскі праваабаронца Барыс Бухель паведаміў, што сьледзтва ў справе Артура Фінькевіча распачалося яшчэ 24 кастрычніка, і цяпер яму пагражае да трох год зьняволеньня. Магілёўская пракуратура для дакладнасьці вядзеньня справы знайшла перакладчыка, бо Артур Фінькевіч адмаўляецца гаварыць па-расейску.
