Навіны за 11 сьнежня 2007
Затрыманыя пасьля мітынгу прадпрымальнікі атрымліваюць суткі
Актывіст – прадпрымальнік Аляксей Кашкароў судом Цэнтральнага раёна Менска абвінавачаны ў парушэньні артыкулаў 17.1 і 23.34 КаАп РБ і пакараны арыштам на 15 сутак. Столькі ж атрымаў і Віктар Крываль. Віну Віктара Калея суддзя Ясімовіч “узважыў” на 10 сутак. У Судзе Маскоўскага раёна вынесены прысуд Аляксандру Макаеву. Ен пакараны арыштам на 7 сутак.
Прызначана дата судовага паседжаньня над палітвязьнем Артурам Фінькевічам
Як паведаміў ПЦ "Вясна" магілёўскі праваабаронца Барыс Бухель, толькі што ў канцэлярыі суду ён даведаўся, што разгляд крымінальнай справы, узбуджанай у дачыненьні да палітвязьня Артура Фінькевіча, прызначаны на 20 сьнежня, пачатак паседжаньня ў 10-30.
Затрыманых у Баранавічах падлеткаў адпусьцілі без складаньня пратаколу
Баранавіцкія “маладафронтаўцы” Вадзім Аўраменка, Вадзім Логіш і Павал Крываносаваў былі затрыманыя ўвечары 10 снежня за распаўсюд улётак.
Кампанія салідарнасьці з Артурам Фінькевіча будзе моцная
10 сьнежня ў сядзібе БНФ засядаў грамадзкі камітэт салідарнасьці з палітвязьнямі. Галоўнае пытаньне на парадку дня – акцыі салідарнасьці з Артурам Фінькевічам, суд над якім можа адбыцца ўжо найбліжэйшым часам.
Абвешчаны першыя прысуды затрыманым на мітынгу прадпрымальнікаў
Сёньня ў судах Цэнтральнага і Маскоўскага раёнаў праходзяць суды над затрыманымі на мітынгу прадпрымальнікаў на Кастрычніцкай плошчы Віктарам Гарбачовым, Віктарам Крывалем, Крысьцінай Шацікавай ды Віктарам Калеем.
10 сьнежня ў Варшаве адбылася прэм’ера дакумэнтальнага фільму “Музычная партызанка”
Рэжысэрам фільму зьяўляецца Міраслаў Дэмбіньскі. Гэта ўжо другая дакумэнтальная кінастужка рэжысэра, прысьвечаны беларускай тэме.
Адзін дзень з жыцьця палітвязьня Вадзіма Лабковіча
На хвалях Радыё Свабода працяг тэмы з цыклю “Адзін дзень у сям’і палітвязьня”.
Аргкамітэт Хартыі’97 вызначыў лаурэатаў Нацыянальнай прэміі ў галіне абароны правоў чалавека за 2007 год.
Гэтая ўзнагарода была заснаваная Хартыяй’97 у 1998 годзе. У намінацыі “За абарону правоў чалавека і хрысціянскіх каштоўнасцяў” узнагароджваецца старшыня камітэта парафіі святога Язэпа ў г.Менску Івонна Мацукевіч. У намінацыі «За абарону правоў чалавека і свабоды творчасці» прэмію атрымоўвае творчая суполка «Пагоня». У намінацыі «За асабістую мужнасць у абароне правоў чалавека» ўзнагароджваецца праваабаронца і жонка палітвязня Таццяна Клімава-Леановіч.
Сьмерць на працоўным месцы
За 11 месяцаў гэтага года ў Беларусі ў выніку няшчасных выпадкаў на вытворчасці загінулі 210 работнікаў. Як паведамляецца на афіцыйным сайце Міністэрства працы і сацыяльнай абароны, гэта на 13,6% (33 чалавекі) менш, чым за аналагічны перыяд мінулага года.
Гарбачоў: Прадпрымальнікі адмаўляюцца ад перамоваў з дзяржавай
"Калі сёння прадпрымальнікаў прысудзяць да адміністратыўных арыштаў, то перамоваў з уладамі, прызначаных на 19 снежня, не будзе", - заявіў Рацыі за некалькі хвілін да паседжання суда Цэнтральнага раёну Мінска затрыманы ўчора лідэр прадпрымальнікаў Віктар Гарбачоў.
Лідэры БНФ склікаюць 12 сьнежня на акцыю ў абарону незалежнасьці
12 сьнежня а 18-й гадзіне ў сталіцы на Кастрычніцкай плошчы адбудзецца акцыя ў абарону незалежнасьці Беларусі. Гэта было вырашана на зьезьдзе Партыі БНФ.
