Праваабаронцы патрабуюць спыніць катаванні ў турмах

Праваабаронца Раман Кісляк падаў у суд скаргу на ўмовы знаходжання ў ізалятары часовага ўтрымання Ленінскага раённага аддзела ўнутраных спраў Берасця.

Як паведаміў БелаПАН праваабаронца, адпаведны дакумент ён накіраваў 17 снежня ў суд Ленінскага раёна.

У кожнай мінскай установе павінна быць створана ячэйка БРСМ

Еўрарадыё здабыла цікавы ліст, які рассылае БРСМ па мінскіх прадпрыемствах. У лісце напісана, што па даручэнні прэзідэнта і рашэнні Мінгарвыканкаму ў кожным сталічным прадпрыемстве мусіць быць створана ячэйка БРСМ. Тэрмін – да Новага года. Подпіс – в.а. першага сакратара Фрунзенскага РК ГА БРСМ Вольга Баяровіч. У лісце нават узор заявы для ўступлення і ведамасці па членскіх унёсках.

Прадпрымальнікаў запужваюць перад страйкам

У Віцебску  прадпрымальнікаў, якія збіраюцца заўтра падтрымаць аднадзённы страйк, будуць пазбаўляць працоўных месцаў.

Каго ня пусьцяць за мяжу

У банк звестак аб грамадзянах Беларусі, якім часова абмежавана права на выезд з краіны, уключаюцца шэсць катэгорый асоб. Пра гэта БелаПАН паведамілі ў МУС.

Нагадаем, 17 снежня прэзідэнт падпісаў указ № 643 "Аб спрашчэнні парадку выезду з Рэспублікі Беларусь". Ім устаноўлена, што з 1 студзеня 2008 года часовы выезд грамадзян Беларусі за мяжу будзе ажыццяўляцца без прастаўлення ў пашпарце дазвольнай адзнакі.

У Берасці затрыманы ўдзельнікі пікету

Як паведамляе сайт http://www.milinkevich.org/, у Берасцi моладзь пратэставала супраць адмены льготаў студэнтам. Затрыманыя актывiсты Руху «За Свабоду» Юры Бакур i Канстанцiн Балагур.

У Гародне ўзбуджана новая крымінальная справа

Сёньня ў Горадні распачата крымінальная справа (артыкул 341КК РБ) супраць 23-гадовага Аляксея Сарнова па факту нанясеньня графіці на сьценах дамоў. Ён напісаў адну фразу: “Вярніце ільготы”.