Навіны за 12 лютага 2008
На Баранавіцкім мясакамбінаце — пратэсты
На Баранавіцкім мясакамбінаце прайшоў стыхійны мітынг супраць закрыцьця цэхаў і масавага звальненьня людзей.
Райвыканкам не дазволіў выданьне новых газэт
Горацкі райвыканкам не дазволіў партыйнаму актывісту Эдуарду Брокараву выдаваць газэты. Паводле пастановы, падпісанай старшынём райвыканкаму Міхаілам Анікеевым, у раёне афіцыйна выходзяць тры газэты, якія цалкам забясьпечваюць насельніцтва інфармацыяй
Таццяну Садоўскую ўзнавілі на працы
Чашніцкі раённы суд узнавіў на працы актывістку “Руху “За Свабоду” юрыста ЖКГ “Камунальнік” г.Навалукомля Таццяну Садоўскую.
А.Бяляцкі: “Гэтае адзінае сьвята, якое трэба сьвяткаваць на вуліцы”
25 сакавіка 1918 у Менску лепшыя прадстаўнікі беларускай інтэлігенцыі абвясьцілі пра стварэньне Беларускай народнай рэспублікі. Гэткім чынам было заяўлена пра зьяўленьне на мапе сьвету самастойнасьць і незалежнай дзяржавы. Дзесяцігодзьдзямі гэтая падзея была выкрасьленая з гісторыі краіны. Замоўчваецца яна і ў сучаснай Беларусі. Сёлета спаўняецца 90-год абвяшчэньню БНР. Дэмакратычная грамадзкасьць краіны прымеркавала да гэтай даты шэраг мастацкіх імпрэзаў, а таксама шэсьце і мітынг. Як юбілейныя ўгодкі будуць адзначаць сёньняшнія прадстаўнікі беларускай інтэлігенцыі? Пра гэта кажа адзін тых, хто распачынаў адзначаць Дзень Волі ў сярэдзіне 80-х, сябра літаратурнай суполкі “Тутэйшыя”, праваабаронца і вылучэнец на Нобэлеўскую прэмію Алесь Бяляцкі.
Прадпрымальніка М.Чарнавуса выклікаюць у міліцыю
Актывіста прадпрымальніцкага руху з Баранавічаў Мікалая Чарнавуса выклікаюць у міліцыю.
Хто будзе праходзіць прафэсійна псыхалягічны тэст пры паступленьні ў ВНУ
Стаў вядомы пералік спецыяльнасцей, пры паступленні на якія да абітурыентаў будуць прад’яўляцца «асаблівыя патрабаванні» і будзе праводзіцца прафесійна псіхалагічнае сумоўе або тэставанне. Нагадаем, 8 лютага прэзідэнт падпісаў указ аб змяненнях у правілы прыёму ў вышэйшыя і сярэднія спецыяльныя навучальныя ўстановы Беларусі. Тэкст дакумента абнародаваны на Нацыянальным прававым інтэрнет партале.
Дэманстрацыя ў абарону маладых актывістаў Беларусі
10-га лютага Беларускі Маладзевы Рух Амэрыкі правёў вялікую дэманстрацыю ў абарону маладых актывістаў Беларусі, якiя рэпрэсаваны сучасным таталітарным рэжымам. Больш за 40 хлопцаў і дзяўчат прыйшлі да будынка Арганізацыі Аб’яднаных Нацый у Нью-Йорку, каб патрабаваць ад афіцыйных уладаў Беларусі спыніць крымінальны перасьлед актывістаў Маладога Фронту : Андрэй Цянюта, Кірыл Атаманчык, Арсень Ягорчанка, Кацярына Салаўёва. А таксама выказаць падтрымку ўсім, хто змагаецца за дэмакратыю ў Беларусі
Новыя затрыманьні моладзі
Учора ўвечары за распаўсюд інфармацыйных матэрыялаў пра Еўразвяз былі затрыманыя трое моладзевых актывістаў. Паводле папярэдняй інфармацыі Сяргей Розум, Дзяніс Ганчароў і Паліна Кур'яновіч былі затрыманыя міліцыянтамі ў раёне вуліцы Гарадскі Вал і дастаўленыя ў РУУС Цэнтральнага раёну. Іншых падрабязнасцяў пакуль няма, паведамляе сайт “JEANS – за свабоду!”
“Малады Фронт” падтрымаў вылучэньне Зьмітра Жалезнічэнкі на Студэнцкую прэмію за мір
Незарэгістраваны “Малады Фронт” падтрымаў ініцыятыву беларускіх праваабаронцаў, праваабарончага цэнтру “Вясна” і Моладзі БНФ аб вылучэньні актывіста Моладзі БНФ Зьмітра Жалезьнічэнкі на сусьветную Студэнцкую прэмію за мір.
