Навіны за 25 лютага 2008
Форум "За Незалежнасьць" пачаў працу ў інтэрнэце
Заплянаваны агульнаграмадзкі форум "За Незалежнасьць" пачаў працу ў інтэрнеце па адрасе http://dziarzava.org. Працягнецца форум да 30 сакавіка. Заключная яго частка адбудзецца ў адной з найбуйнейшых менскіх заляў.
Алесь Бяляцкі: Паводзіны Лукашэнкі гаворыць пра ягоную абсалютную слабасьць як палітыка, так і чалавека.
Сітуацыю вакол трагедыі сям'і Казуліных каментуе праваабаронца Алесь Бяляцкі.
Улады Віцебскай вобласці знізілі кошт арэнды для дзяржаўных СМІ
Рэдакцыі дзяржаўных СМІ Віцебскай вобласці, заснаваныя органамі мясцовага кіравання і самакіравання, цяпер будуць плаціць за арэнду сваіх рэдакцыйных памяшканняў толькі 15% ад звычайнай сумы. Адпаведнае рашэнне прыняў Віцебскі аблвыканкам.
Юлія Казуліна зьвярнулася да А.Лукашэнкі
Малодшая дачка палітвязьня Аляксандра Казуліна Юля зьвярнулася зь лістом да кіраўніка Беларусі.
«Дэпартамент добрых спраў КДБ» цікавіцца журналістамі
Cябру ГА «БАЖ» Марыю Савушкіну настойліва выклікае па тэлефоне на сустрэчу невядомы, які называе сябе супрацоўнікам «дэпартаменту добрых спраў КДБ».
Судовае паседжаньне па зыску «Гаррамаўтадору» да заяўнікаў Еўрапейскага маршу працягнецца 11 сакавіка
Як паведаміў лідэр АГП Анатоль Лябедзька, судзьдзя Сяргей Баразна прыняў рашэньне зрабіць перапынак у судовым паседжаньні з прычыны хваробы аднаго з арганізатараў акцыі Віктара Івашкевіча.
Васілевіч прыняў праваабаронцаў у справе вызваленьня Казуліна
Генэральны пракурор Рыгор Васілевіч сёньня правёў сустрэчу з праваабаронцамі зь Беларускага Хельсінскага Камітэту Гары Паганяйлам і Аленай Танкачовай.
Суд над Барысам Хамайда і Аленай Залескай перанесены на 4 сакавіка
У судзе Чыгуначнага раёну Віцебску адбылося судовае паседжаньне над затрыманымі сёньня падчас жалобнай акцыі ў сувязі са сьмерцю Ірыны Казулінай дэмакратычнымі актывістамі. Рэгіянальны распаўсюднік незалежнай прэсы Барыс Хамайда і Алена Залеская абвінавачваюцца ў адміністратыўным правапарушэньні па арт. 23.34 КаАП - "Парушэньне парадку арганізацыі і правядзеньня масавага мерапрыемства".
У Баранавічах затрыманы Яраслаў Грышчэня
Як толькі што стала вядома ПЦ "Вясна", міліцыянты затрымалі баранавіцкага моладзевага актывіста на вуліцы і павезьлі ў РАУС складаць пратакол за дробнае хуліганства - нібыта хлопец брыдкасловіў.
Дочкі Казуліна заклікаюць беларусаў на жалобную акцыю на Кастрычніцкай плошчы
Прэс-служба Аляксандра Казуліна паведаміла, што запланаваная ў Чырвоным касьцёле грамадзянская паніхіда і пахаваньне Ірыны Казулінай адкладаюцца да вызваленьня палітвязьня. Вольга і Юлія Казуліны зьвярнуліся да беларусаў з заклікам выйсьці сёньня ў 18.00 на Кастрычніцкую плошчу Менска са сьвечкамі і партрэтамі іх маці, якая заўчасна сышла з жыцьця 23 лютага.
Заява Праваабарончага цэнтру "Вясна"
Праваабарончы цэнтр “Вясна” патрабуе ад кіраўніцтва Беларусі спыніць зьдзек з Аляксандра Казуліна і ягонай сям’і, а таксама безумоўнага і неадкладнага вызваленьня палітычнага зьняволенага
У судзе Савецкага раёну распачаўся працэс над заяўнікамі Еўрапейскага маршу
Заяўнікаў Ерапейскага маршу, што адбыўся ў Мінску летась 14 кастрычніка, вінавацяць у тым, што падчас руху калоны дэманстранты засмецілі сталічныя вуліцы ад Кастрычніцкай плошчы і да самой плошчы Бангалор.
Прыпынена следства ў адносінах моладзевага актывіста Андрэя Цянюты
Упраўленьне КДБ па Гомельскай вобласьці прыпыніла сьзлества ў дачыненьні да моладзевага актывіста Андрэя Цянюты.
Сьвятлана Алексіевіч: Хацелася б, каб у гэтай сытуацыі Лукашэнка павёў сябе як мужчына
Я жыву з Казулінымі ў адным пад’езьдзе. І заўжды было радасна іх бачыць. Было відно, што людзі любяць адно аднаго, што шчасьлівыя гэтым. Тут было усё – посьпех, годнасьць, любоў.
У Віцебску затрыманыя Барыс Хамайда і Алена Залеская
Актывістка віцебскай арганізацыі АГП Алена Залеская і вядомы распаўсюднік незалежнай прэсы Барыс Хамайда выйшлі сёньня ў цэнтар гораду, на плошчу Леніна, дзе каля так званага Сіняга дому запалілі сьвечку на знак жалобы з заўчасна пайшоўшай з жыцьця Ірынай Казулінай і распаўсюджвалі ўлёткі аб сьмерці жонкі палітвязьня. Праз некалькі хвілінаў яны былі затрыманыя супрацоўнікамі міліцыі Чыгуначнага РУУС і дастаўленыя ў пастарунак для складаньня пратаколаў.
Палітвязню адмаўляюць у праве пахаваць жонку?
Начальнік калоніі "Віцьба-3" Віталь Агністыкаў раніцай 25 лютага адмовіўся размаўляць з журналістамі, але паведаміў праваабаронцу Паўлу Левінаву, што рыхтуе адмову Аляксандру Казуліну на выезд на пахаванне жонкі, якая сканала 23 лютага.
Вянок памяці: Ірына Казуліна
Жонка Аляксандра Казуліна -- былога кандыдата ў прэзыдэнты Беларусі, якая пасьля арышту мужа, нягледзячы на цяжкую хваробу, працягвала ягоную справу, сышла з жыцьця ўвечары 23-га лютага. Ёй ішоў толькі 49-ы год.
