Навіны за 21 красавіка 2008
БАЖ атрымаў адказ з пракуратуры
Пракуратура г. Мінска лічыць, што ператрусы ў кватэрах незалежных журналістаў 27 і 28 сакавіка «былі праведзеныя абгрунтавана і ў адпаведнасці з законам». Пра гэта паведамляецца ў лісце з пракуратуры, які ГА «Беларуская асацыяцыя журналістаў» днямі атрымала ў адказ на свае звароты.
Прысуд па "справе 14-ці" будзе абвешчаны заўтра аб 11 гадзіне
Сёньня ў судзе Цэнтральнага раёну Мінска працягваўся разгляд крымінальнай справы супраць дэмакратычных моладзевых актывістаў, якіх абвінавачваюць у крымінальным злачынстве па ч.1 арт. 342 КК РБ – “Арганізацыя альбо актыўны ўдзел у групавых дзеяньнях, якія груба парушаюць грамадзкі парадак”. Заслуханыя апошнія словы падсудных. Абвяшчэньне прысуду прызначана на 22 красавіка аб 11 гадзіне.
«Працэс 14-ці». Дзень чацьвёрты.
У судзе Цэнтральнага раёну Менску завяршаецца суд над удзельнікамі акцыі пратэсту прадпрымальнікаў 10 студзеня.
Дзяжурны СІЗА на Валадарскага: людзі не пацярпелі
Абвалілася вежа Пішчалаўскага замку, дзе месьціцца сумнавядомая турма Валадарка.
Заяўнікаў Чарнобыльскага Шляху выклікалі ў Менгарвыканкам
21 красавіка ў Менгарвыканкам на 15:00 выкліканыя заяўнікі акцыі Чарнобыльскі Шлях. Сёньня - апошні дзень, калі ўлады павінны даць адказ на заяўку.
У абарону помніка Максіму Багдановічу
Старшыня Беларускага добраахвотнага таварыства аховы помнікаў гісторыі і культуры Антон Астаповіч звярнуўся да прэзідэнта краіны Аляксандра Лукашэнкі наконт вяртання на месца ў Мінску помніка класіку беларускай літаратуры Максіму Багдановічу.
Пракурор патрабуе для Кіма 2 гады турмы
Пракурор запрасіў пакараць Андрэя Кіма 2 гадамі пазбаўленьня волі агульнага рэжыму. Моладзевых актывістаў М. Пашкевіча, А. Дубскага і А. Бондара – па 2,5 гады абмежаваньня волі (хіміі), астатнім – па 2 гады папраўчых працаў без накіраваньня в папраўчыя ўстановы. Адвакат Тацяны Цішкевіч Аляксандр Галіеў хадайнічае, каб дзяўчыну вызвалілі ад адбыцьця пакараньня.
Працэс па "справе 14-ці" завяршаецца
Сёньня ў судзе Цэнтральнага раёну сталіцы у 11 гадзінаў пачаўся працяг разгляду крымінальнай справы па абвінавачанньню 10 моладзевых актывістаў у актыўных дзеяньнях, якія груба парушаюць грамадзкі парадак. Абвешчана пра завяршэньне судовага сьледзтва. Судзьдзя Алена Ільіна адхіліла хадайніцтва пра допыт сьведкаў з боку абароны. Пашкевічу і Койпішу судзьдзя вынесесла судовую перасьцярогу. Пачаліся судовыя спрэчкі. Выступае пракурор.
Улады не дазволілі сустрэчу мінчукоў з Мілінкевічам
Намеснік старшыні Мінгарвыканкама М. Ціценкоў лічыць яе не адпавядаючай заканадаўству.
Сустрэча Мілінкевіча з гарадзенцамі сарваная
Аляксандра Мілінкевіча і трох ягоных супрацоўнікаў дзьве гадзіны дапытвалі ў Гарадзенскім РАУС.
Жодзінскі праваабаронца Аляксей Лапіцкі звярнуўся ў Канстытуцыйны суд Беларусі
Ён заклікаў суддзяў выканаць свае абавязкі адносна пытаньняў імплементацыі міжнародных стандартаў права ў беларускую Канстытуцыю. 18.09.2007г. праваабаронцам з Жодзіна, Аляксеем Лапіцкім пададзена індывідуальная Канстытуцыйная скарга па пытаньнях неадпаведнасьці палажэньняў Канстытуцыі РБ абавязковым для выкананьня Беларусьсю міжнародным стандартам права, замацаваным у Міжнародным Паке аб грамадзянскіх і палітычных правах.
Тры лісты пра ідэалёгію
Гэнік Лойка скульптар, аўтару пленэраў «Легенда зь пяску», настаўнік скульптуры менскай сярэдняй школы №185 з архітэктурна‑мастацкім ухілам звольнены з працы "па згодзе бакоў". Аднак на ягоны сыход са школы паўплываў той факт, што ён паведаміў вучням гістарычныя факты, зьвязаныя з 25 сакавіка - Днём Волі. Кіраўніцтва СШ № 185 характарызуе гэта як «вовлечение детей в политику».
Паўла Севярынца будуць судзіць за “хрысціянскіх дэмакратаў”
22 красавіка ў Маскоўскім раённым судзе Менска а 14 гадзіне адбудзецца судовы працэс над сустаршынем "Беларускай хрысьціянскай дэмакратыі" Паўлам Севярынцам.
У Гародні яшчэ адзін выклік у КДБ
Яшчэ адзін гарадзенскі актывіст – Уладзімір Ларын – быў выкліканы на гэтым тыдні ў УКДБ па Гарадзенскай вобласці. Па словах сябра партыі АГП ён атрымаў папярэджаньне, што ў разе далейшага ўдзелу ў дзейнасьці апазіцыі, на яго можа быць распачата крымінальная справа паводле 342 артыкулу Крымінальнага Кодэксу (арганізацыя і падрыхтоўка дзеянняў, якія сур’ёзна парушаюць грамадскі парадак).
