Навіны за 30 красавіка 2008
Алесь Бяляцкі: "Правы чалавека не зьяўляюцца для беларускіх уладаў самадастатковай рэальнай каштоўнасьцю"
Надрукаваны "Аналітычны агляд парушэньняў правоў чалавека ў Беларусі ў 2007 годзе". У зборніку прадстаўлены аналіз сітуацыі з правамі чалавека за мінулы год, прыведзены найбольш відавочныя і характэрныя факты парушэнняў правоў і свабод грамадзянаў краіны за гэты перыяд. Агляд падрыхтаваны на падставе асабістых зваротаў ахвяраў парушэнняў правоў чалавека, фактаў, зафіксаваных праваабаронцамі, а таксама інфармацыі з адкрытых крыніцаў.
Спецслужбы працягваюць цікавіцца дзейнасьцю "Маладога Фронту"
Гомельскі дарожна-будаўнічы каледж, у якім навучаецца актывіст мясцовага Маладога Фронту Жуковіч Кірыл, наведалі супрацоўнікі КДБ.
З Вiталя Алейнiка дзяржава патрабуе 12 мiльёнаў рублёў
На пачатку мая ў судзе Маладзечанскага раёна павiнны пачацца слуханнi па справе аб кампенсацыi з аспiранта Вiталя Алейнiка сродкаў за навучанне. Iсцец па гэтай справе — пракурор Мiнскай вобласцi ў iнтарэсах дзяржавы. Трэцяй асобай з'яўляецца Мiнiстэрства замежных спраў Беларусi.
У Салігорску грамадзкі транспарт загучаў па-беларуску
Год таму салігорскія маладафронтаўцы ўсяго за некалькі тыдняў сабралі каля 2000 подпісаў гараджан пад зваротам аб беларусізацыі мясцовага грамадзкага транспарту. Звароты былі перададзены ў выканкам і дырэкцыю аўтапарка. Калі ад вертыкалі зразумелага і адэкватнага адказу атрымана не было, то ў аўтапарку просьба гараджан была ўспрынята з павагай і ініцыятарам кампаніі далі станоўчы адказ.
Дзе працаваць і як пісаць, я буду вырашаць сам
Журналіст "Народнай волі" даведаўся на ўласным вопыце, што трэба зрабіць для таго, каб апынуцца ў міліцыі
Тысяча звольненых іншадумцаў
Паводле Камітэту ў падтрымку рэпрэсаваных “Салідарнасьць”, усяго ў краіне з-за сваёй грамадзка-палітычнай дзейнасьці працы ня маюць каля тысячы чалавек.
Валадарка не прымае лекі для Парсюкевіча
Адміністрацыя Валадаркі тлумачыць гэта тым, што адбыўся суд і вязня ў хуткім часе перавядуць у калонію.
Небясьпечны прэцэдэнт
Менскі гаспадарчы суд прыняў рашэньне прызнаць сайт www.ucpb.org уласнасьцю Аб’яднанай грамадзянскай партыі.
Міліцыя шукае мастоўскіх актывістаў
Капітан міліцыі Мастоўскага РАУС Аляксандр Данільчык хоча сустрэцца з актывістамі Руху “За Свабоду” Язэпам Палубяткам, Зміцерам Кухлеем і Алесем Зарэмбюком.
Да апазыцыі прыйдзе падатковая
Аляксандр Лукашэнка лічыць неабходным «узмацніць падатковы кантроль за прыбыткамі прафесійных апазіцыянераў», якія «жывуць за кошт замежных сродкаў». Такое даручэнне прэзідэнт даў 29 красавіка старшыні Камітэта дзяржкантролю Зянону Ломацю. Праблему «ценявых прыбыткаў прадстаўнікоў апазіцыі» ўзняў член cаветe Рэспублікі Мікалай Чаргінец падчас сумеснага паседжання абедзвюх палат нацыянальнага сходу.
У Гомелі на КДБ выклікалі міліцыю
Гомельскі актывіст апазіцыі Канстанцін Жукоўскі выклікаў міліцыю пасля адмовы супрацоўнікаў упраўлення КДБ па Гомельскай вобласці даць яму кнігу скаргаў.
Падаткавікі зацікавіліся даходамі Сяргея Салаша
Не пасьпеў Лукашэнка крыкнуць “ату!”, як зграя кінулася выконваць загад. Чалавек, які займае пасаду прэзыдэнта РБ, раптам палічыў, што варта было б “узмацніць падатковы кантроль за прыбыткамі прафэсійных апазыцыянэраў”, якія “жывуць за кошт замежных сродкаў”.
«Прессболу» акрэдытацыі не вярнулі
Найбуйнейшае спартовае выданьне краіны газэту «Прессбол» пазбавілі двух месцаў на Алімпіядзе 28 лютага на выканкаме НАК. Афіцыйнай прычынай стаў артыкул мэдалісткі Алімпійскіх гульняў у біятлёне Сьвятланы Парамыгінай «Алімпійская сьметніца».
Суд вярнуў адміністратыўную справу актывіста на дапрацоўку
Сёння ў Брэсцкім раённым судзе разгледжана адміністрацыйная справа Дзяніса Турчаняка, затрыманага ў Дзень Волі і абвінавачанага міліцыянтамі ў дробным хуліганстве.
Сітуацыя з правамі чалавека ў краіне год ад году пагаршаецца
29 красавіка ў Менску ў сядзібе БНФ адбылася прэс-канферэнцыя "Ацэнка сучаснай сітуацыі з правамі чалавека ў Беларусі" і прэзентацыя штогадовага Аналітычнага агляду “Парушэньні правоў чалавека ў Беларусі ў 2007 годзе”. Удзел у прэс-канферэнцыі прынялі вядомыя беларускія правабаронцы, прадстаўнік чэшскай дыпмісіі, ахвяры палітычных рэпрэсій.
«Товарищ» запрашае на «маёўку»
Прэзентацыя недзяржаўнай грамадска-палітычнай газеты «Товарищ» адбудзецца 1 мая ў сталічным парку Дружбы народаў каля плошчы Бангалор у межах санкцыянаванага святочнага мерапрыемства з нагоды «свята вясны и працы». Рэдакцыя недзяржаўнага незаалежнага выдання запрашае мінчан і гасцей горада прыйсці на свята, якое пройдзе з 12 да 15 гадзін.
Консул ЗША: амерыканскага адваката збілі ў турме КДБ Беларусі
Консул Злучаных Штатаў Амерыкі Кэралайн Сэвэдж паведаміла, што арыштаваны ў Мінску амерыканскіх грамадзянін адвакат Эмануілам Зэльцэр быў збіты на другі і трэці дзень затрымання.
Свабода слова: Беларусь паміж Зімбабвэ і Узбэкістанам
188-е месца са 195-ці займае Беларусь у Індэксе Свабоды слова за 2007 год, складзеным амэрыканскім дасьледным цэнтрам Freedom House. Летась паводле Freedom House Беларусь была на 186-м месцы, сёлета — на 188-м. Ужо шмат гадоў краіна знаходзіцца ў катэгорыі несвабодных краін, такіх, у якіх свабодныя мэдыі ці адсутнічаюць наагул ці распаўсюджваюцца ў мізэрнай колькасьці
Моладзь БНФ правяла акцыю абароны помніка Максіма Багдановіча
29 красавіка моладзевыя актывісты Партыі БНФ зладзілі ў сталіцы акцыю пратэсту супраць дэмантажу помніка Максіма Багдановіча ў сквэры Нацыянальнага Тэатра Опэры і Балету.
Алеся Пушкіна будуць судзіць за пэрформанс да Дня Волі
Суд над вядомым мастаком Алесем Пушкіным адбудзецца 3 траўня аб 11-й гадзіне. Мастака судзяць за пэрформанс, наладжаны ім сёлета да Дня Волі.
Сталічная пракуратура паўторна разгледзіць пытанне аб вяртанні журналістам маёмасці
Пытанне аб вяртанні журналістам камп’ютараў і іншай маёмасці, адабранай падчас ператрусаў 27 і 28 сакавіка, «будзе разгледжана паўторна пасля заканчэння даглядаў гэтай маёмасці». Пра гэта паведамляецца ў чарговым адказе з пракуратуры г. Мінска на зварот ГА «БАЖ».
Моладзевая актывістка прыцягнутая да адміністратыўнай адказнасьці
Камісія па справах непаўнагадовых Чыгуначнага райвыканкаму Віцебску вынесла папярэджаньне моладзевай актывістцы Партыі БНФ Юлі Міхайлавай. Прычына - удзел дзяўчыны ў акцыі салідарнасьці 16 красавіка. Яшчэ дзьве актывісткі Моладзі БНФ Хрысьціна і Вікторыя Чыж выкліканыя на паседжаньне гэтай жа камісіі 2 траўня.
Жана Літвіна: "Мы па рознаму разумеем сваё прызначэньне ў грамадзтве"
Грамадзкі рэдактар тыдня на «Свабодзе» старшыня «Беларускай асацыяцыі журналістаў» Жана Літвіна разважае аб праблематыцы айчыннай журналістыкі.
Медыйная выстава без незалежных СМІ
28 красавіка ў Мінску распачалася ХІІ Міжнародная выстава “СМІ ў Беларусі – 2008”, на якой не прадстаўлена аніводнага незалежнага грамадска-палітычнага беларускага выдання.
