Навіны за 12 чэрвеня 2008
Справу аб палітычных мультфільмах не спынілі
Менская пракуратура прыпыніла крымінальную справу, распачатую ў 2005 годзе паводле фактаў пашырэньня ў інтэрнэце сатырычных мультфільмаў палітычнага зьместу.
"Вясна" заклікае Томаса Хамарберга наведаць Беларусь
Праваабарончы цэнтр "Вясна" накіраваў ліст Камісару па правам чалавека Савета Еўропы Томасу Хамарбергу з прозьбай зьвярнуцца да беларускіх уладаў з тым, каб атрымаць магчымаць наведаць нашу краіну з афіцыйным візітам, улічваючы той факт, што ўрад краіны ў апошні час заяўляе аб сваёй зацікаўленасьці ў аднаўленьні статуса Беларусі ў Савеце Еўропы.
Аляксандра Атрошчанкава арыштавалі на 15 сутак
Сёньня ў судзе Цэнтральнага раёну Менску адбыўся судовы разгляд адміністратыўнай справы актывіста дэмакратычнага руху Аляксандра Атрошчанкава, якога абвінавацілі ў абразе судзьдзі Алены Ільіной. Вынесены прысуд - 15 сутак арышту.
Праваабаронцы пачынаюць маніторынг выбараў
12 чэрвеня ў офісе РПГА “Беларускі Хельсінкскі Камітэт” адбылася прэс-канферэнцыя праваабаронцаў у сувязі з пачаткам маніторынга маючых адбыцца выбараў. На пытаньні журналістаў адказвалі старшыня РПГА “Беларускі Хельсінкскі Камітэт” Алег Гулак і праваабаронца віцэ-прэзідэнт Міжнароднай Федэрацыі Правоў Чалавека Алесь Бяляцкі.
Выстава “Мастацтва супраць дыктатуры” у эстонскім парлямэнце
11 чэрвеня ў эстонскім парлямэнце адкрылася выстава беларускіх мастакоў «Мастацтва супраць дыктатуры». Выстава задуманая для прадстаўленьня альтэрнатыўнай Беларусі, краіны з глыбокімі гістарычнымі традыцыямі і эўрапейскай культурай, з творчай элітай, якая не гатовая пагаджацца з існуючым у краіне парадкам рэчаў. Аўтарамі выставы зьяўляюцца як вядомыя беларускія мастакі, так і маладыя.
Прагрэс у адносінах Беларусі з ЕС будзе пасля адкрытых парламенцкіх выбараў
Беларусь можа разлічваць на паляпшэнне адносін з Еўрапейскім саюзам, калі правядзе адкрытыя і празрыстыя парламенцкія выбары. Такую заяву на прэс-канферэнцыі зрабіў амбасадар Вялікабрытаніі ў Беларусі Найджэл Гулд-Дэвіс, перадае "Інтэрфакс".
Пракуратура закрывае справу "Мультклуба"
Вінаватыя ня знойдзеныя. Сканфіскаваную ў журналістаў 27 сакавіка падчас ператрусаў аргтэхніку, абяцаюць вярнуць.
Фота зьніклых надрукуюць на запалках
Беларуская міліцыя ня мае зьвестак на больш як 2000 дарослых і дзяцей. Яны выйшлі па нейкіх клопатах, справах і больш не вярнуліся да родных і знаёмых.
ТБМ вырашыла прыняць удзел у школьнай рэформе
Таварыства беларускай мовы вырашыла таксама прыняць удзел у школьнай рэформе. З гэтай нагоды сакратарыят ТБМ прыняў заяву пра пашырэнне выкарыстання беларускай мовы ў айчынных школах. Пра гэта заявіў у інтэрвію Еўрарадыё кіраўнік арганізацыі Алег Трусаў.
Па 30 базавых велічынь штрафу кожнаму з ўдзельнікаў акцыі ў Полацку
У Полацку завяршыўся суд над моладзевымі актывістамі, затрыманымі 11 чэрвеня ў цэнтры горада. Нагадаем, учора Кацярына Салаўёва, Алесь Круткін, Сяржук Каралёнак, Мікалай Дземідзенка і Дзяніс Хабераў разгарнулі расьцяжку “STOP ДЫКТАТУРА” насупраць Полацкага выканкаму, за што былі затрыманы і абвінавачаны ў несанкцыянаваным пікетаваньні. Ноч маладзёны правялі ў ізалятары часовага ўтрыманьня. Дзянісу Хабераву стала дрэнна з сэрцам, і яго забрала “хуткая дапамога”.
Міліцыянты зьбівалі моладзевых актывістаў
Падчас музычнага фэсту “Beatles назаўсёды”, што праходзіў у суботу ў Лагойску, некалькі маладых людзей узьнялі бел-чырвона-белыя сьцягі. Празь некалькі хвілін разьюшаны АМАП уварваўся ў натоўп за нацыянальнымі сьцягамі, зьбіваючы пры гэтым юнакоў, сярод якіх быў актывіст Менскага Маладога Фронту Вадзім Ханяўка.
Іван Шыла: Ніхто з маіх настаўнікаў не прагаласаваў за выключэньне
11 чэрвеня восем юнакоў і дзяўчат зладзілі акцыю салідарнасьці з Іванам Шылам. Маладзёны выйшлі да Міністэрства адукацыі з расьцяжкай «Школа для ўсіх». Так яны прастаялі каля пятнаццаці хвілін, а пасьля перадалі ў ведамства зварот у падтрымку хлопца. Літаральна за паўгадзіны да акцыі Іван Шыла адказаў на пытаньні «Нашай Нівы».
Еўропа: пра якую свабоду слова ў Беларусі можна гаварыць, калі «Народная воля» амаль тры гады вымушана друкавацца ў Расіі
Як вядома, напрыканцы мінулага тыдня ў Варшаве адбылася канферэнцыя па праблемах дэмакратызацыі СМІ ў Беларусі. Яе правядзенне ініцыявала Парламенцкая асамблея Савета Еўропы. Увага міжнароднай супольнасці да нашай краіны не выпадковая: лукашэнкаўскі рэжым душыць свабоду слова, жорстка парушае правы як журналістаў незалежных сродкаў масавай інфармацыі, так і чытачоў, тэлегледачоў і радыёслухачоў.
Затрыманы Аляксандар Атрошчанкаў
Супрацоўнікі КДБ арыштавалі грамадзкага актывіста Аляксандра Атрошчанкава. Па зьвестках ягонай жонкі Дар'і, яго выклікалі ў КДБ па факту канфіскацыі ў Атрошчанкавых летась аргтэхнікі.
Ваенкаматы атакуюць моладзевых актывістаў
У розных рэгіёнах Беларусі ў ваенныя камісарыяты пачалі актыўна выклікаць актывістаў розных дэмакратычных моладзевых арганізацыяў для праходжаньня мэдычных камісіяў з наступнай адпраўкаю ў войска. Не пасьпела сьціхнуць гісторыя з гвалтоўным прыводам у ваенкамат Савецкага раёну Менску актывіста “Моладзі БНФ” Франака Вячоркі, як у іншых рэгіёнах пачалі адбывацца аналагічныя рэчы.
Праваабаронцы за свабодныя выбары
Па папярэдняй інфармацыі Цэнтральнай камісіі па выбарах і правядзенні рэспубліканскіх рэферэндумаў, чарговыя выбары дэпутатаў Палаты прадстаўнікоў Нацыянальнага сходу Рэспублікі Беларусь адбудуцца 28 верасня 2008 года. У сувязі з гэтай значнай палітычнай падзеяй у жыцці нашай краіны мы, беларускія праваабаронцы, заяўляем, што заўсёды выступалі і выступаем за свабодныя і справядлівыя выбары, правядзенне якіх здолела б умацаваць давер грамадзянаў да новаабранага прадстаўнічага органа дзяржаўнай улады, паспрыяла б развіццю дэмакратыі ў краіне.
"Рэпарцёры без межаў" супраць цэнзуры ў байнэце
Міжнародная праваабарончая арганізацыя "Рэпарцёры без межаў" зьвярнуліся з заявай да міністра інфармацыі Беларусі Ўладзімера Русакевіча. Падставай для звароту стала нядаўняя заява першай намесьніцы міністра Ліліі Ананіч аб кантролі беларускімі інтэрнэт-СМІ, агучаная ў выданьні “Беларуская думка”.
У Полацку затрыманыя актывісты "Маладога Фронту"
11 чэрвеня ў Полацку супрацоўнікі міліцыі затрымалі і даставілі ў мясцовы РАУС пяцёх актывістаў Маладога Фронту: Кацярыну Салаўёву, Алеся Круткіна, Мікалая Дземідзенку, Сяржука Каралёнка, Алеся Хаберава. Маладафронтаўцы разгарнулі расьцяжку "STOP-ДЫКТАТУРА" насупраць Полацкага выканкаму.
