Навіны за 2 ліпеня 2008
Назіральнікаў АБСЭ будзе больш за 300
Місія Бюро дэмакратычных інстытутаў і правоў чалавека АБСЭ апублікавала справаздачу, у якой зьмясьціла рэкамэндацыі для назіраньня за выбарамі ў Палату прадстаўнікоў. Бюро дэмакратычных інстытутаў і правоў чалавека АБСЭ рэкамэндуе стварыць стандартную місію па назіраньні за выбарамі, якія адбудуцца 28 верасьня. Экспэрты зьвяртаюць увагу на перашкоды, якія былі на ранейшых выбарах для эфэктыўнага назіраньня за падлікам галасоў. У гэтым пляне Бюро спадзяецца, што беларускім бокам будзе гарантаваны доступ назіральнікаў да падліку галасоў.
Барысаў: Працягваецца вылучэньне ў акруговыя камісіі
Сёньня, 2 ліпеня, прадстаўнік Аб'яднанай грамадзянскай партыі перадаў у Менскі аблвыканкам пратаколы збору Палітрады АГП аб вылучэньні прадстаўнікоў партыі ў акружныя выбарчыя камісіі. У прыватнасьці, для ўдзелу ў працы Барысаўскай гарадской акруговай камісіі №62 па правядзеньні парламенцкіх выбараў вылучаны старшыня Менскай абласной арганізацыі АГП барысаўчанін Леў Марголін.
Апытаньне пра фальсіфікацыю
Што можна зрабіць, каб парламенцкія выбары прайшлі без фальсіфікацый вынікаў галасавання? На гэтае пытанне “Народная воля” папрасіла адказаць самых розных людзей Беларусі.
Аўтухоў падаў у абласны суд
Старшыня Гарадоцкай арганізацыі Партыі БНФ, актывіст Руху "За Свабоду" працаўнік ГРУП ЖКГ “Гарадок” Леанід Аўтухоў працягвае абскарджваць незаконнае звальненне.
АДС вылучылі 76 кандыдатаў у склад акруговых выбарчых камісій
Па стане на 1 ліпеня суб'екты Аб'яднаных дэмакратычных сіл вылучылі 76 кандыдатаў у склад акруговых выбарчых камісій.
Новыя арышты маладафронтаўцаў
На 10 сутак арыштавалі актывіста Маладога фронту з Баранавічаў Зьмітра Станкевіча. Хлопца затрымалі ў цэнтры гораду на плошчы Леніна, калі ён раздаваў улёткі зь інфармацыяй пра Андрэя Кіма. Міліцыянты склалі на яго пратакол аб дробным хуліганстве. Суд арыштаваў актывіста на 10 сутак.
У Брэсце пададзена заяўка на правядзенне “Маршу дробных хуліганаў”
Актывіст руху “За Свабоду” Раман Кісляк падаў у Брэсцкі гарвыканкам заяўку на правядзенне 30 ліпеня вулічнага шэсця “Марш дробных хуліганаў”. Па словах праваабаронцы, мэта дадзенага мерапрыемства — прыцягнуць увагу грамадскасці да патрабаванняў спыніць адміністрацыйныя затрыманні актывістаў дэмсіл пад выглядам справаў аб дробным хуліганстве.
Лукашэнка: Шантажаваць Беларусь санкцыямі — беспэрспэктыўна
Шантажаваць Беларусь і душыць яе якімі‑небудзь санкцыямі беспэрспэктыўна. Пра гэта заявіў 2 ліпеня Аляксандар Лукашэнка на ўрачыстым сходзе ў Палацы Рэспублікі, прысьвечаным Дню Незалежнасьці.
Гомель: Збор подпісаў выбаршчыкаў як дадатковы аргумент за ўключэньне ў акруговыя камісіі
3 ліпеня ў Гомелі стартуе кампанія па зборы подпісаў за вылучэньне прадстаўнікоў АДС у склад акруговых выбарчых камісій па выбарах дэпутатаў Палаты прадстаўнікоў Нацыянальнага сходу РБ чацьвёртага скліканьня.
Мазырскую актывістку выключаюць з унівэрсытэту
Актывістка моладзевага дэмакратычнага руху Кацярына Манчук лічыць, што прычынамі яе выключэньня з Мазырскага дзяржаўнага ўнівэрсытэту стала палітычная дзейнасьць. Раней дзяўчыну выклікалі на размовы ў дэканат і прасілі спыніць грамадзкую актыўнасьць. Адміністрацыя ўнівэрсытэту катэгарычна настойвае, што дзяўчына пацярпела, бо кепска падрыхтавалася да сэсіі.
Ад Віцебскай вобласьці ў парламенце стане на два дэпутаты меньш
У газэце "Савецкая Беларусь" (№ 117 ад 26.06.2008 г.) была апублікавана пастанова Цэнтравыбаркаму № 16 ад 25 чэрвеня гэтага года "Аб стварэньні выбарчых акругаў па выбарах дэпутатаў Палаты прадстаўнікоў Нацыянальнага сходу Рэспублікі Беларусь чацьвёртага скліканьня" з адпаведным дадаткам межаў выбарчых акругаў.
Незалежны прафсаюз у Рэчыцы непажаданы
Рэчыцкі райвыканкам адмовіўся паставіць на ўлік раённую арганізацыю незалежнага Беларускага прафсаюзу працаўнікоў радыёэлектроннай прамысловасьці. “Начальніца ідэалягічнага аддзелу райвыканкаму Натальля Цярэня нават не схацела патлумачыць прычыну адмовы. Сказала толькі, што ўсё напісана ў лісьце ў Менск на адрас кіраўніцтва прафсаюзу”, — паведаміў рэгіянальны прадстаўнік прафсаюзу РЭП Віктар Казлоў.
