Навіны за 18 ліпеня 2008
Аляксандра Дабравольскага дапыталі па справе аб выбуху ў Мінску
Паводле яго словаў, супрацоўнікі спецслужбаў цікавіліся магчымай датычнасцю да выбуху былога ўдзельніка незарэгістраванай арганізацыі "Правы альянс" Юрыя Карэтнікава.
Усе канцэрты фестывалю «Be Free» будуць бясплатнымі
У фестывалі "Be Free", які пройдзе ў Львове 9 і 10 жніўня, возьмуць удзел 26 гуртоў з Беларусі, Украіны, Польшчы і Францыі. Для гледачоў усе канцэрты будуць бясплатнымі. Для начлегу публікі ўлады Львова выдзяляюць месца пад намётавы гарадок.
Бабруйскія дэмакраты ў акруговыя камісіі не патрапілі
Увайсьці ў склад аруговых выбарчых камісій у якасьці назіральнікаў выказалі жаданьне некалькі бабруйскіх дэмакратычных актывістаў, - шляхам збору подпісаў. Тым не менш, ніводзін з іх туды не прайшоў.
Склад акруговых камісій амаль не зьмяняецца на працягу чатырох выбарчых кампаній
У Маладзечанскую гарадскую выбарчую акругу № 70 з 13 сяброў камісіі 8 займалі адпаведныя пасады падчас мінулых выбарчых кампаній - парламентскіх выбараў і рэферэндума 2004 года, прэзідэнцкіх 2006 і выбараў у мясцовыя саветы дэпутатаў у 2007 годзе. У Маладзечанскай сельскай выбарчай акрузе №71 - для 6 з 13 сяброў камісіі гэта будуць ужо ня першыя выбары ў гэткай якасьці. Такім чынам, відаць, уладам выгадна, каб у камісіі ўваходзілі "правераныя" людзі.
Акруговыя камісіі дагэтуль не пачалі сваёй працы
Назіральнік ад БХК Эдуард Баланчук ня змог 17 ліпеня патрапіць у 71-ую маладзечанскую сельскую акруговую камісію. Яму патлумачылі, што камісіія яшчэ не пачала стала працаваць, і нават яшчэ ня мае ўласнага памяшканьня.
У Зэльве нішчаць парк
У Зэльве пачалася грамадская кампанія па зборы подпісаў у абарону гораду. Яе ініцыятарам выступіў Малады Фронт.
Полацак: У складзе камісій апазіцыянеры, якія “ня будуць ствараць перашкодаў”
У склад некаторых акруговых камісій па Полацкім рэгіёне ўключаныя па адным прадстаўніку апазіцыйных партый. Так, у склад акружной камісіі Полацкай гарадской выбарчай акругі № 28 увайшла прадстаўніца ПКБ Любоў Шчадрова, у склад Міёрскай выбарчай акругі № 24 – Аляксандр Юдаў ад АГП.
Галоснасьці на Гарадзеншчыне ўсё меней
Інфармацыя пра ўтварэньне акруговых выбарчых камісій на Гарадзеньшчыне меньш адкрытая ў параўнаньні з мінулымі выбарамі ў палату прадстаўнікоў. Так, цяпер раённыя газеты не друкуюць падрабязнай інфармацыі па кожнаму ўлучанаму ў склад камісіі сябру. Напрыклад, ваўкавыская раённая газета “Наш час” ад 16 ліпеня 2008 году абмежавалася толькі публікацыяй імёнаў і прозьвішчаў членаў камісіі па 48-й выбарчай акрузе. Трэба азначыць, што прадстаўнік ад партыі БСДГ Сяргей Антошанкаў там ня ўключаны ў камісію.
Сьпісы ініцыятыўных групаў павінны быць прадстаўлены ў выбаркамы да 24 ліпеня
Сьпісы сябраў ініцыятыўных групаўпа зборы подпісаў у падтрымку кандыдатаў у дэпутаты і заявы аб рэгістрацыі гэтых групаў павінны быць прадстаўлены ў акруговыя выбарчыя камісіі да 24 ліпеня ўключна. Пра гэта паведаміла старшыня Цэнтрвыбаркама Лідзія Ярмошына.
"Мы ўзялі ўсю адказнасць за будучыню краіны"
З-за сваёй актыўнай грамадскай пазіцыі Артур Фінкевіч правёў больш за два гады ў зняволенні, стаўшыся адным з рэпрэсаваных на сумленні сённяшняй улады.
Вынікі прызыўной кампаніі – «ваенная таямніца» для недзяржаўнай газеты?
Карэспандэнту «Нясвіжскага часу» (Мінская вобл.) адмовіўся прадаставіць інфармацыю супрацоўнік мясцовага ваенкамата.
Кандыдаты атрымаюць па 800 даляраў
Старшыня Цэнтральнай выбарчай камісіі Лідзія Ярмошына сёньня паведаміла, што дзяржава выдзяляе кожнаму кандыдату ў дэпутаты 1,75 мільёна рублёў (каля 800 даляраў) на падрыхтаваньне агітацыйных і рэклямных матэрыялаў.
Дакументы на рэгістрацыю ініцыятыўнай группы падалі з цяжкасьцямі
Першы на Берасьцейшчыне прадстаўнік ад Аб'яднаных дэмакратычных сілаў Ігар Маслоўскі, ён жа - старшыня абласной арганізацыі БСДП (Грамада), падаў дакументы на рэгістрацыю сваёй ініцыятыўнай группы ў Брэсцкай Усходняй выбарчай акрузе №3 - па вылучэньню яго кандадатам у дэпутаты Палаты прадстаўнікоў Нацыянальнага сходу РБ. У групу увайшло 65 чалавек.
Беларусь выйшла ў сусветныя лідэры па самагубствах
Навукоўцы зьвязваюць гэта з дэградацыяй сацыяльнага капіталу і дэгуманізацыяй. Ёсьць і сувязь з рэлігійнасьцю насельніцтва. Затое ўзровень суіцыдаў мала зьвязаны з заможнасьцю.
Лукашэнка падпісаў загад аб 11‑гадовай сярэдняй адукацыі
17 ліпеня прэзідэнт Беларусі Аляксандр Лукашэнка падпісаў дэкрэт № 15 «Аб асобных пытаннях агульнай сярэдняй адукацыі». «Прыняцце дэкрэта дазволіць стварыць роўныя ўмовы для атрымання ўсімі школьнікамі якаснай 11‑гадовай сярэдняй адукацыі, якая адпавядае патрэбам беларускай эканомікі і пажаданням большасці грамадзян», — гаворыцца ў паведамленні прэс‑службы прэзідэнта.
У Магілёве ні адзін з незалежных назіральнікаў ня здолеў патрапіць на першыя паседжаньні акруговых выбарчых камісій
Гэта стала вядома ў выніку размовы з магілёўскім праваабронцай Барысам Бухелем. “Гэта звязана з тым, - гаворыць праваабаронца, - што ў заканадаўстве існуюць прававыя “дзіркі”. Ні ў Выбарчым Кодэксе, ні ў пастановых цэнтрвыбаркама не прапісана працэдура рэгістрацыі назіральнікаў ва ўсе выбарчыя камісіі да моманту іх першага паседжаньня. Таксама адсутнічае механізм, якім чынам назіральнікам можна патрапіць на гэтыя паседжаньні
На волю выйшла Таццяна Пякун, могуць адпусціць былых легіёнаўцаў
Студэнтка біяфаку БДУ Таццяна Пякун учора выйшла на волю з ізалятара на Акрэсціна, дзе знаходзілася на працягу 10 сутак. Яе падазравалі ў датычнасці да выбуху 4 ліпеня ў Мінску.
Прадстаўнікі АДС застаюцца ў выбарчым працэсе
Фармат далейшага ўдзелу Аб’яднаных дэмакратычных сілаў у выбарах дэпутатаў Палаты прадстаўнікоў быў галоўнай тэмай паседжання Прэзідыума АДС, які адбыўся 17 ліпеня ў Мінску.
