Навіны за 22 ліпеня 2008
Аналіз фармаваньня акруговых камісіяў
Фармаванне акруговых выбарчых камісій па правядзенні выбараў дэпутатаў Палаты прадстаўнікоў Нацыянальнага сходу Рэспублікі Беларусь.
Гомель: “Удзельнічаць у фарсе няма сэнсу”
На канфэрэнцыі Гомельскай абласной арганізацыі АГП аднагалосна прынята рашэньне ня ўдзельнічаць у парлямэнцкіх выбарах, калі ўлады праігнаруюць патрабаваньні, выстаўленыя рэгіянальнымі аб’яднанымі дэмакратычнымі сіламі.
Затрыманыя актывісты апазіцыі Цімафей Дранчук і Зміцер Каспяровіч
21 ліпеня на беларуска-літоўскай мяжы былі затрыманыя актывісты апазіцыі Цімафей Дранчук і Зміцер Каспяровіч — каардынатары аргкамітэта аб'яднання ў абарону правоў зняволеных "Над бар'ерам", паведамляе БелаПАН.
Палажанка: канфіскавалі матэрыялы да кампаніі байкоту
Як мы ўжо паведамлялі раней, увечары 21 ліпеня адбыўся ператрус кватэры моладзевай арганізацыі “Малады фронт”. Сярод затрыманых была Наста Палажанка. Яна паведаміла падрабязнасці гэтага здарэння:
Супрацоўнікі КДБ шукаюць Віктара Сазонава
Супрацоўнікі камітэта дзяржаўнай бяспекі па Гродзенскай вобласці шукаюць кіраўніка абласной суполкі партыі Беларуская сацыял-дэмакратычная грамада Віктара Сазонава, які не выключае, што захады службоўцаў звязаныя з яго грамадска-палітычнай дзейнасцю.
У складзе акруговых камісій - "дэ жа вю"…
У склад Салігорскай гарадской акруговай выбарчай камісіі было ўключана 13 чалавек, 8 з якіх былі вылучаныя ад грамадзян шляхам збору подпісаў, 4 чалавекі - ад палітычных партый і грамадскіх аб'яднаньняў, такіх як Ліберальна-дэмакратычная партыя, Рэспубліканская партыя працы і справядлівасьці, ГА "Беларускі рэспубліканскі саюз моладзі", ГА "Беларускі саюз жанчын", 1 чалавек - ад Менскага абласнога выканаўчага камітэта.
Кобрын: Зарэгістраваная ініцыятыўная група Аляксандра Меха
21 ліпеня камісія Кобрынскай выбарчай акругі № 12 зарэгістравала ініцыятыўную групу прэтэндента ў кандыдаты Аляксандра Меха, сябра Партыі БНФ, уключанага ў адзіны сьпіс кандыдатаў ад АДС.
Орша: Сябра Партыі БНФ Ганна Леўчанкова падала ў акруговую камісію спіс ініцыятыўнай групы
На Аршаншчыне пачаўся працэс вылучэньня кандыдатаў у дэпутаты Палаты Прадстаўнікоў НС РБ. 21 ліпеня ў акруговую камісію № 27 спіс ініцыятыўнай групы перадала сябра Партыі БНФ Ганна Леўчанкова. У складзе групы 30 чалавек, якія прадстаўляюць Партыі БНФ, АГП, ПКБ. Ёсьць і беспартыйныя ўдзельнікі. Група ўлічаная ў журнале пад нумарам 1. На працягу 5 дзён акруговая камісія павінна прыняць рашэньне аб яе рэгістрацыі.
Светлагорскі райвыканкам зьбірае звесткі пра Сяргея Дайнеку
Намеснік старшыні Светлагорскага райвыканкама Сяргей Меркулаў выклікаў да сябе кіраўніка, які з’яўляецца начальнікам па месцы працы Сяргея Дайнекі – актывіста Партыі камуністаў Беларускай у Светлагорску (Гомельская вобласць). Прычына выкліку – магчымае вылучэньне С. Дайнекі кандыдатам у дэпутаты Палаты прадстаўнікоў Нацыянальнага сходу.
Па Барысаўскай гарадской выбарчай акрузе №62 зарэгістраваныя тры ініцыятыўныя групы
21 ліпеня ў Барысаўскім райвыканкаме адбылося паседжаньне акруговай выбарчай камісіі па Барысаўскай гарадской выбарчай акрузе №62, якая зарэгістравала тры ініцыятыўныя групы па зборы подпісаў для вылучэньня ў кандыдаты ў Палату прадстаўнікоў Нацыянальнага сходу.
Актывіста затрымалі за майку з надпісам “Жыве Беларусь”
Тры гадзіны ўтрымлівалі ў Ленінскім аддзеле міліцыі непаўналетняга актывіста Стаса Сенакосава. Хлопца затрымаў нарад міліцыі а палове на сямнаццатую. Паводле міліцыянтаў, актывіст нібыта расклейваў маладафронтаўскія налепкі. Сябрам жа падчас канваіраваньня Стас пасьпеў паведаміць, што прычынай яго затрыманьня сталася апранутая на ім майка з надпісам “Жыве Беларусь”.
Місіі назіральнікаў ад АБСЕ і СНД будуць запрашацца на парытэтнай аснове
Місіі назіральнікаў ад АБСЕ і СНД будуць запрашацца на парытэтнай аснове. Пра гэта Рацыі паведаміў сакратар Цэнтрвыбаркаму Мікалай Лазавік. Паводле яго словаў, плануецца, што першыя міжнародныя назіральнікі прыедуць у Беларусь у сярэдзіне жніўня.
Зарэгістравана ініцыятыўная група Леаніда Аўтухова
Акруговая камісія разглядзела першаю заяву, якую падаў старшыня Гарадоцкай арганізацыі Партыі БНФ, актывіст Руху Леанід Аўтухоў, і цалкам задаволіла яе. 21 ліпеня адбылося паседжанне акруговай камісіі па Віцебскай сельскай акрузе па выбарах у Палату прадстаўнікоў. Камісія разглядзела першаю заяву, якую падаў старшыня Гарадоцкай арганізацыі Партыі БНФ Леанід Аўтухоў. Заява пададзена у адпаведнасці з патрабаваннямі Выбарчага кодэксу і не выклікала пытанняў у выбарчай камісіі.
Ператрус у штаб-кватэры Маладога Фронту
Cупрацоўнікі Камітэту дзяржаўнай бясьпекі і міліцыі увечары 21 ліпеня ўварваліся ў менскую штаб-кватэру незарэгістраванай арганізацыі Малады Фронт, як толькі скончылася паседжаньне ўправы гэтай арганізацыі. Пра гэта Радыё Свабода паведаміла намесьніца старшыні Маладога Фронту Наста Палажанка.
