Навіны за 31 ліпеня 2008
ЦВК не прыняла да разгляду скаргу на адмову ў рэгістрацыі ініцыятыўнай групы Тацяны Рысевец
Скарга была напісаная ў сувязі з парушэньнямі, а дакладней ціскам на сябраў ініцыятыўнай групы актывісткі. На трох чалавек з 26, якія ўвайшлі ў склад ініцыятыўнай групы, быў аказаны ціск па месцы працы, таму пад пагрозай звальненьня яны былі вымушаныя адклікаць свае подпісы ў пісьмовай форме.
Выбары: “спэцпропускі” ў Палату прадстаўнікоў
ЦВК разгледзеў 9 скаргаў патэнцыйных кандыдатаў у дэпутаты, чые ініцыятыўныя групы не былі зарэгістраваныя. У 2004 годзе такіх скаргаў было болей. Ці стала кампанія больш лібэральнай?
Таццяна Севярынец: «Страх, як бiзун, якiм палохаюць»
Выбарчая кампанiя, якая нядаўна стартавала ў Беларусi, нечаканасцяў не прынесла. У тым сэнсе, што тут усё, як заўжды. Апазiцыйныя кандыдаты знаходзяцца пад пiльнай увагай i моцным прэсiнгам улад ад самага пачатку выбарчай кампанii. Так, у Вiцебску з вялiкiмi перашкодамi ўдалося зарэгiстраваць iнiцыятыўную групу Таццяне Севярынец.
СЯРЖУКА ГУМІНСКАГА ЗЬНЯЛІ З ЦЯГНІКА
У сераду, 30 ліпеня, а палове на восьмую вечара супрацоўнікі міліцыі зьнялі з цягніка аднаго зь лідэраў Аршанскага Маладога Фронту Сяржука Гумінскага, які накіроўваўся ў Шклоў да сябра.
Гродзенцы адмаўляюцца ад мізэрных сацыяльных выплат
Гродзенскім уладам не хапае сродкаў на аказанне адраснай дапамогі насельніцтву. Як высветлілася, сродкаў патрабуецца ў некалькі разоў болей чым запланавана.
Большасць скаргаў засталіся без разгляду
31 ліпеня Цэнтрвыбаркам заслухаў 10 скаргаў незалежных кандыдатаў у дэпутаты і прыняў пастановы аб выкарыстанні дзяржаўных СМІ для перадвыбарчай агітацыі і аб парадку галасавання грамадзян, якія знаходзяцца пад арыштам.
Якой будзе сёлетняя выбарчая кампанія?
Гэтай восеньню ў Беларусі адбудуцца парлямэнцкія выбары. Пакуль выбарчая кампанія на самым пачатку й нічога цікавага не адбываецца. Аднак ужо цяпер экспэрты заўважаюць зьмену падыходу да парлямэнцкіх выбараў, перад усім з боку ўладаў.
У КДБ дапытвалі жонку Яраслава Берніковіча
Пад увагу КДБ трапіла Іна Берніковіч — жонка патэнцыйнага кандыдата ў дэпутаты па Кобрынскай выбарчай акрузе № 12, сябра Партыі БНФ Яраслава Берніковіча, настаўніца хіміі і біялёгіі паводле адукацыі. 31 ліпеня яе распытвалі пра выбухі ў Менску 4 ліпеня.
Разгляд позвы Аляксандра Меха адбудзецца 4 жніўня
31 ліпеня Аляксандар Мех, які вылучаецца кандыдатам на дэпутата па Кобрынскай выбарчай акрузе № 12, атрымаў паведамленьне зь мясцовага суду, што яго пазоў да Кобрынскага ўпраўленьня магістральных газаправодаў будзе разглядацца ў панядзелак, 4 жніўня.
Цэнтарвыбаркам не задаволіў скаргу Зміцера Вінаградава
31 ліпеня ў Цэнтрвыбаркаме былі разгледжаны заявы Зьміцера Вінаградава з Мядзеля. Сп. Вінаградаў абскарджваў адмову ў рэгістрацыі ініцыятыўнай групы і ўчыненні перашкодаў падчас падачы дакументаў.
У Беларусі ўпершыню прагаласуюць арыштаваныя
Выбаршчыкі, якія адбываюць пакараньне ў выглядзе арышту, маюць права галасаваць на выбарах дэпутатаў палаты прадстаўнікоў. Такое тлумачэньне дала Цэнтральная выбарчая камісія на пасяджэньні ў Менску.
Камітэт фінансавых расследаванняў патрабуе дэкларацыі аб даходах
Камітэт фінансавых расследаванняў Магілёўcкай вобласці патрабуе ад апазыцыйных прэтэндэнтаў на дэпутацкія мандаты прадставіць дэкларацыі аб даходах. Позвы з'явіцца ў камітэт ў якасці сведкаў атрымалі каля 10 апазыцыйных актывістаў.
Гародня: Для назіральнікаў праводзяць паказныя паседжаньні
У незалежных назіральнікаў у Гродне складваецца ўражаньне, што для іх акруговыя камісіі праводзяць паказныя паседжаньні. Так, на паседжаньне акруговай камісіі па Гродзенскай цэнтральнай выбарчай акрузе № 50 быў па тэлефоне запрошаны незалежны назіральнік Янка Курчэўскі. Ад самога пачатку ён сутыкнуўся з негатыўнымі адносінамі да яго з боку сяброў камісіі. Асабліва нэрвова яны рэагавалі на беларускую мову. На самым паседжаньні ніякіх важных пытаньняў не абмяркоўвалася. Гучалі толькі агульныя фразы. Праз паўгадзіны назіральніку паведамілі, што паседжаньне скончылася, і яму трэба зыходзіць. Але сябры камісіі не разышліся, і што яны рабілі пасля выдаленьня незалежнага назіральніка, застаецца тайнай.
Гародня: Кіраўніка ініцыятыўнай групы выклікаюць у КДБ
Сёньня, кіраўніку ініцыятыўнай групы па збору подпісаў за Віктара Падчыненкава, які зьбіраецца балатавацца па Гродзенскай сельскай акрузе №52 Уладзіміру Ларыну затэлефанавалі з КДБ і прапанавалі з’явіцца у мясцовае упраўленьне. Прычыны выкліку сілавікі не растлумачылі. Уладзімір Ларын адказаў, што з’явіцца тады, калі атрымае афіцыйную паперу. На гэта сілавікі заявілі, што сёньня ён такую паперу атрымае і заўтра будзе змушаны прыйсьці на допыт.
Некаторыя дэмакраты адмаўляюцца ад удзелу ў выбарах
Грамадскiя актывiсты на Магiлёўшчыне, што балатуюцца не ўпершыню, актыўна рыхтавалiся да выбараў на працягу некалькiх гадоў, арыентуючыся пры гэтым на старыя мапы. Цяпер некаторыя з iх вымушаны змянiць свае планы.
Гародня: Палітычны перасьлед Віктара Сазонава ўзмацняецца
У Гародні працягваецца ціск на Віктара Сазонава, праваабаронцу і грамадскага дзеяча. Сёньня, 31 ліпеня, яго выклікалі на 11 гадзін у Ленінскі РАУС горада Гродна. Выклік у міліцыю зьвязаны з выбухам у Менску у ноч з 3 на 4 ліпеня.
Масты: сяброў ініцыятыўнай групы выклікаюць у КДБ
Двух сяброў ініцыятыўнай групы З.Кухляя выклікаюць у аддзел КДБ у Шчучыне.
Смаргонь: Працягваюцца спробы дыскрэдытацыі прэтэндэнта ў кандыдаты Ірыны Вештард
30 ліпеня ў Смаргоні зьявіліся ілжывыя ўлёткі ад імя кіраўніка ініцыятыўнай групы прэтэндэнта ў кандыдаты Ірыны Вештард – праваабаронцы Аляксандра Дзергачова. Ва ўлётцы гаворыцца: “Моей коллеге поправозащитной деятельности Ирине Вешторд требуется материальная помощь. Ирина Вешторд из-за отсутствия достойных должностей не работает уже 12 лет. Ее деятельность в составе оппозиционной партии А. Козюлина не дает желательных доходов. А Ирине необходимо вести избирательную компанию и стать депутатом, чтобы защищать ваши права. Обращаюсь ко всем гражданам, которым небезразлична судьба страны, сдать в поддержку Ирины Вешторд по 10 тыс. руб. Обращайтесь ко мне по телефону (номер)».
Орша: у дзяржаўных СМІ набірае сілу прыхаваная агітацыя
У Аршанскім рэгіёне ў дзяржаўных СМІ набірае сілу прыхаваная агітацыя за прэтэндэнтаў у кандыдаты ад дзеючай улады. Так, за апошнія дні ў мясцовай "Аршанскай газеце" апублікаваныя два артыкулы дэпутата ПП НС Уладзіміра Жвікова. Аўтар асабліва падкрэслівае значную ролю начальніка Беларускай чыгункі Ўладзіміра Жарэла ў развіцці Аршанскага чыгуначнага вузла. Нагадаем, Уладзімір Жарэла зарэгістраваў ініцыятыўную групу па Аршанскай гарадской акрузе № 26.
Подпісы за афіцыйных вылучэнцаў зьбіраюць на працы
У Рэчыцкай і Хойніцкай выбарчых акругах вядзецца збор подпісаў як за дэмакратычных, так і за “афіцыйных” прэтэндэнтаў, якія жадаюць стаць кандыдатамі ў дэпутаты Палаты прадстаўнікоў. За першых подпісы выбаршчыкаў зьбіраюць па месцы жыхарства. За другіх – і на працоўных месцах.
Баранавічы: Подпісы за прэтэндэнта збіраюць па загаду ідэалагічнага аддзела
Па загаду ідэалагічнага аддзела Баранавіцкага гарвыканкама 22-23.07.2008 г. у школы горада Баранавічы была накіравана тэлефанаграма з прапановай накіраваць па пяць чалавек ад кожнай школы з мэтай збору подпісаў за прэтэндэнта ў кандыдаты ў дэпутаты Палаты прадстаўнікоў Нацыянальнага сходу 4-га скліканьня.
