Навіны за 8 жніўня 2008
Ціск на актывістаў Партыі БНФ
Кандыдат у дэпутаты ад Партыі БНФ і адзінага сьпісу АДС па Паўднёва-Заходняй выбарчай акрузе № 99 Юрась Карэтнікаў учора, 7 жніўня, падаў сьпіс зь 50 чалавек, якія зьяўляюцца сябрамі Партыі БНФ, у склад участковай камсіі Паўднёва-Заходняй выбарчай акругі № 99 у Менску.
Прычына звальнення – распаўсюд газеты «Товарищ»?
Актывіст ПКБ Васіль Мамкін, звольнены з ААТ «Электраапаратура», дзе адпрацаваў больш за 25 гадоў, звярнуўся ў суд Чыгуначнага раёна Гомеля з зыскам да кіраўніцтва прадпрыемства. Сп. Мамкін лічыць звальненне незаконным і патрабуе з адказчыка 10 мільёнаў рублёў за маральную шкоду.
Супрацоўнікі пажарнай службы забаранілі вешаць карціны ў сядзібе Партыі БНФ
8 жніўня ў сядзібу Партыі БНФ прыйшлі з праверкаю супрацоўнікі пажарнай службы Савецкага раёну. Пасьля праверкі памяшканьняў яны прад'явілі шэраг заўваг сакратарам Управы Партыі БНФ.
Затрыманне за раздачу «Народнай волі»
У Брэсце 7 жніўня на пэўны час міліцыя затрымала двух грамадскіх актывістаў, што раздавалі мінакам апошні нумар недзяржаўнай газеты «Народная воля».
Паўла Кур’яновіча арыштавалі на 15 сутак
Актывіста кампаніі “Еўрапейская Беларусь” Паўла Кур’яновіча арыштавалі ў судзе Маскоўскага раёну на 15 сутак. Паўла затрымалі ўчора ўвечары разам з шасьцю актывістамі незарэгістраванай арганізацыі “Малады фронт” падчас штурму офісу моладзевай арганізацыі.
Тыдзень выбарчай кампаніі: падзеі і абагульненні
Кампанія па выбарах дэпутатаў Палаты прадстаўнікоў Нацыянальнага сходу Рэспублікі Беларусь у самым разгары. Пасля таго, як былі зарэгістраваныя ініцыятыўныя групы, пачаўся збор подпісаў за прэтэнтэнтаў у кандыдаты. Пры гэтым прэтэндэнты, якіх падтрымлівае ўлада, і незалежныя альбо прадстаўнікі апазіцыйных партыяў апынуліся ў такіх розных умовах працы, што толькі і застаецца, што “шукаць адрозненні”...
Эколягі просяць адмяніць веснавое паляваньне
Міжнародныя эколягі зьвярнуліся да прэзыдэнта Аляксандра Лукашэнкі з просьбаю вярнуць шэрага гуся ў Чырвоную кнігу й забараніць веснавое паляваньне на птушак. Захады ў гэтым напрамку ўжо здаўна робіць аб’яднаньне „Ахова птушак Бацькаўшчына”. Дырэктар арганізацыі Віктар Фянчук адзначае, што іх прапанова сустракаецца са зразуменьнем у грамадзтве, сярод чынавенства, а нават сярод некаторых паляўнікоў.
КДБ правёў ператрус у пастара
Як паведамiлi “Народнай волi”ў аргкамiтэце па стварэннi партыi беларуская хрысцiянская дэмакратыя, супрацоўнiкi КДБ зрабiлi ператрус у доме баптысцкага пастара, сябра аргкамiтэта БХД Эрнэста Сабiлы ў Асiповiчах.
Камунальшчыкі падалі ў суд на Івана Крука
Астравецкае прадпрыемства жыльлёва-камунальнай гаспадаркі зьвярнулася ў суд з пазовам супраць былога палітвязьня. Камунальшчыкі патрабуюць прызнаць несапраўднымі скаргі Івана Крука ў кантралюючыя арганізацыі. Яны лічаць, што скаргі зьневажаюць іхную дзелавую рэпутацыю.
«Ці пойдзе апазіцыя на байкот выбараў, калі ўлада і надалей будзе парушаць яе правы?»
На гэтае пытанне адказваюць самі палітыкі.
Астравец: “неверагодная хуткасць” пры вылучэнні ва ўчастковыя камісіі
1 жніўня Варнянская пярвічная арганізацыя АГП падала заяву на уключэнне сваіх сяброў у тры ўчастковыя выбарчыя камісіі. 5 жніўня адпаведную заяву на ўключэнне ў склад 4 выбарчых камісій зрабіла і Астравецкая пярвічка АГП. 7 жніўня заяву ад групы грамадзянаў на уключэнне ў склад Варнянскай участковай выбарчай камісіі №48 падаў кіраўнік мясцовай пярвічнай арганізацыі АГП Мікалай Уласевіч.
Гомель: вылучэнец апазыцыі пазьбег бойкі, але ня штрафу
У Гомелі на прыпынку грамадзкага транспарту ля заводу вымяральных прыбораў невядомыя асобы спрабавалі завязаць бойку з прэтэндэнтам на дэпутацкі мандат у Цэнтральнай выбарчай акрузе № 33, грамадзкім актывістам Зьмітром Гусаковым.
Бабруйск: “Знаёмства з людзьмі” ці сустрэчы з выбаршчыкамі?
Намеснік старшыні Магілёўскага аблвыканкама Анатоль Глаз, які збіраецца вылучацца па Бабруйскай сельскай акрузе, пачаў “працаваць з электаратам” яшчэ да рэгістрацыі кандыдатам.
Менск: Адміністратыўны рэсурс: спосаб адзін, варыяцыі розныя
Удзел адміністрацый арганізацый у зборы подпісаў, прымус персаналу ставіць подпісы за прэтэндэнтаў у кандыдаты ад улады – даволі распаўсюджаныя парушэнні на цяперашнім этапе выбарчай кампаніі. Гэта адзначаюць і назіральнікі, і сябры ініцыятыўных групаў іншых прэтэндэнтаў, і выбаршчыкі. Аднак розныя прыхільнікі гэтага “папулярнага” шляху запаўнення падпісных лістоў выкарыстоўваюць розныя формы звароту да электарату.
Віцебск: Уладзімір Андрэйчанка выкарыстоўвае службовае становішча ў інтарэсах абрання дэпутатам
7 жніўня газеты Віцебскіх органаў улады вышлі з велічэзнымі інтэрв’ю і фотаздымкамі прэтэндэнтаў у дэпутаты Палаты прадстаўнікоў чацвёртага склікання: -- газета "Витьбичи" з Віктарам Аўчыннікавым -- прэтэндэнтам па Віцебскай-Чкалаўскай акрузе №18 (Першамайскі раён); -- абласныя "Народное слово" і "Вiцебскi рабочы"- з Уладзімірам Андрэйчанкам – прэтэндэнтам па Глыбоцкай акрузе №22 (Глыбоцкі, Докшыцкі, Ушацкі раёны).
Гомель: СМІ піяраць прэтэндэнта ад улады сінхронна
7 жніўня рэгіянальныя дзяржаўныя газеты Гомеля апублікавалі інтэрв’ю з Таццянай Філімончык - прэтэндэнтам на дэпутацкі мандат па 35-ай акрузе. А 5 жніўня мясцовае аддзяленне тэлеканала “ЛАД” паказала сюжэт з гэтай жа гераіняй.
Светлагорск: Назіральнік не зарэгістраваны з-за выпраўленай лічбы
Намеснік старшыні Светлагорскай акруговай выбарчай камісіі Уладзімір Кукар не прыняў заяву ад 33 грамадзян аб накіраванні назіральніка ў гэтую камісію. Прычынай сталася тое, што ў дакуменце была выпраўлена адна лічба.
Брэст: Такія сябры акруговых камісіяў патрэбныя ўладам
Праваабаронца Уладзімір Малей звярнуўся ў ЦВК, Берасцейскі аблвыканкам і прэзідыум абласного Савета дэпутатаў з заявамі, у якіх патрабаваў выключэння са складу Мухавецкай акруговай выбарчай камісіі № 4 яе сябра Аляксандра Францэвіча. Прычына? Той на мінулых парламенцкіх выбарах не дапусціў да канчатковага падліку бюлетэняў і выніковых пратаколаў сябру камісіі У.Карпінчыка, на якога ўсклаў гэтыя абавязкі сакратар камісіі.
Гомель: бібліятэкі рыхтуюцца да выбараў
У гомельскіх бібліятэках з'явіліся кніжна-інфармацыйныя выставы, прысвечаныя маючым адбыцца выбарам. Журналіст дзяржаўнай газеты «Гомельские ведомости» Ларыса Оліна гаворыць, што такім чынам “гарадскія бібліятэкі рыхтуюцца да выбараў у Палату прадстаўнікоў Нацыянальнага сходу РБ”.
Брэст: актыўная “справаздачнасць” дэпутата Вялічкі
Зарэгістраваўшы сваю ініцыятыўную групу, дзеючы дэпутат Алег Вялічка заявіў пра свой намер зноў заняць дэпутацкае месца. Былы галоўны ўрач Берасцейскай гарадской бальніцы хуткай дапамогі, старшыня камісіі па ахове здароўя Палаты прадстаўнікоў Алег Вялічка актывізаваў сваю “справаздачнасць перад выбаршчыкамі”.
Бог iм суддзя!
У гарадскiм пасёлку Ружаны мясцовыя ўлады i супрацоўнiкi КДБ, напэўна, самi сталi вырашаць, каму адпяваць нябожчыкаў. У рэдакцыю i да Аляксандра Лукашэнкi звярнулiся праваслаўныя вернiкi з гарадскога пасёлка Ружаны Брэсцкай вобласцi i расказалi гiсторыю, якая днямi адбылася не без удзелу мясцовых улад i КДБ. Гiсторыя насамрэч незвычайная…
Амбасада ЗША ўздымае пытанне аб стане Зельцэра ў МЗС Беларусі
У амбасадзе ЗША ў Менску пракаментавалі прэс-цэнтру Хартыі’97 сытуацыю з амерыканскім адвакатам у Менску Эмануілам Зельцэрам. «Нам вядома з паведамленняў прэсы аб стане здароўя Эмануіла Зельцэра. І мы ўзнялі гэтае пытанне ў Міністэрстве замежных справаў Беларусі», - паведамілі ў амбасадзе ЗША.
Гродзенская міліцыя вярнула газэты і папрасіла прабачэньня
Супрацоўнікі Ленінскага РАУС Гродна 8 жніўня вярнулі 600 асобнікаў газеты "Народная воля", якія былі канфіскаваны 5 жніўня ў членаў Аб'яднанай грамадзянскай партыі, калі тыя збіралі подпісы за рэгістрацыю свайго кандыдата на выбарах. Як паведаміў БелаПАН кіраўнік абласной арганізацыі АГП Юрый Істомін, у РАУС прынеслі прабачэнні за непрафесійныя дзеянні сваіх супрацоўнікаў.
На Акрэсьціна - трое маладзёнаў
У ізалятары часовага ўтрыманьня на вуліцы Акрэсьціна знаходзяцца лідэр незарэгістраванай арганізацыі “Малады Фронт” Зьміцер Дашкевіч і ягоны намесьнік Артур Фінькевіч, а таксама актывіст “Эўрапейскай Беларусі” Павал Кур’яновіч.
