Навіны за 12 жніўня 2008
Баранавічы: акруговая камісія не ўгледзела датэрміновай агітацыі за Ваньковіча
Назіральнік Карней Пятровіч атрымаў адказ на свой запыт ад старшыні акруговай выбарчай камісіі Баранавіцкай-Заходняй выбарчай акругі № 5 А.Русенчыка.
Be Free: Свабода пад дажджом і сонцам
Фэстываль у Львове справіўся са сваёй задачай: па‑над усім панаваў дух разьняволенасьці і непасрэднасьці, які ў Беларусі часткова даводзілася адчуваць хіба на сярэднявечных фэстах у Наваградку. Са сцэны гучалі песьні на беларукай украінскай, польскай, расейскай ды францускай мовах. Канцэрты прыцягнулі ўвагу самай рознай публікі — ад старых бабуляў, да вясельных параў і маладых бацькоў зь дзецьмі. Гледачоў не напалохаў нават моцны дождж у першы дзень.
Бабруйск: прэтэндэнтку ў кандыдаты выклікалі ў КДБ па справе выбухаў у Менску
"Мяне выклікалі ў КДБ, бо я “супраць улады, і таму падазраюся”, так мне там сказалі, - распавядае Алена Мядзведзева, вылучэнка ў кандыдаты. – Са мной размаўлялі падпалкоўнік Алег Ахрэменка і намеснік начальніка Бабруйскага КДБ Сяргей Землякоў. Паказвалі мне карцінкі, фотаробаты, на якіх намаляваны мужчыны. Я ім кажу: вам што, пашпарт паказаць, ці спраўку прынесці, што я жанчына?! Патом пачалі цікавіцца, ці ўмею я страляць, бо ў мяне муж – ваенны".
Маладзечна: схаваная агітацыя
«Молодечненская газета» у нумары 62 (11356) ад 9 жніўня 2008 г. друкуе на сваіх старонках у рубрыцы "актуальнае інтэрв'ю" гутарку з прэтэндэнтам у кандыдаты Мікалаем Жгуном. Мікалай Жгун з'яўляецца дырэктарам установы адукацыі "Маладзечанскі дзяржаўны політэхнічны каледж", і ў адзначанам інтэв'ю усялякім чынам усхваляюцца ягоныя дасягненні на гэтай пасадзе.
Вілейка: Першая заява аб вылучэнні ў кандыдаты
Першую заяву аб вылучэнні ў кандыдаты ў Вілейскую акруговую камісію падаў Ігар Азоравіч Спільнічэнка – галоўны ўрач Вілейскай цэнтральнай раённай бальніцы, загадчык Вілейскага тэрытарыяльнага медыцынскага аб’яднання. Яго ініцыятыўная група здала ў камісію каля 1800 подпісаў.
Андрэя Левінава звольнілі з працы
Сёння, 12 жніўня, кіраўніцтва ОУС адміністрацыі Чыгуначнага раёна г. Віцебску азнаёміла прэтэндэнта на вылучэнне кандыдатам у дэпутаты ППНС РБ па Віцебскай-Чыгуначнай выбарчай акрузе № 19 Андрэя Левінава з рашэннем начальніка УУС Віцебскага Аблвыканкама палкоўніка міліцыі Фармагея аб звальненні з органаў унутраных спраў. У гэты ж самы дзень быў падпісаны загад і Левінава звольнілі з міліцыі.
Рэгістрацыя ініцыятыўных груп: падагульненьне
Вылучэнне кандыдата ў дэпутаты Палаты прадстаўнікоў Нацыянальнага сходу Рэспублікі Беларусь можа ажыццяўляцца шляхам збору подпісаў выбаршчыкаў у адпаведнасці з існуючым заканадаўствам (арт. 65 ВК) групай грамадзян (ініцыятыўнай групай) у колькасці не менш за 10 чалавек. Спіс членаў ініцыятыўнай групы, у якім указаны яе кіраўнік, разам з заявай аб рэгістрацыі групы падаецца ў акруговую выбарчую камісію не пазней, чым за 65 дзён да выбараў. Указаныя дакументы падае асоба, якая мае намер вылучыцца кандыдатам у дэпутаты. Спіс павінен утрымліваць наступныя звесткі: для асобы, якая мае намер вылучыцца кандыдатам у дэпутаты, - прозвішча, імя, імя па бацьку, дата нараджэння, прафесія, пасада (занятак), месца працы, месца жыхарства, партыйнасць; для кіраўніка ініцыятыўнай групы і кожнага яе члена - прозвішча, імя, імя па бацьку, дата нараджэння, месца жыхарства.
Фэст “Рок па вакацыях” адраджаецца
Адзін з буйных беларускіх рок-фэстываляў, што праводзіўся ў сярэдзіне 90-х сёлета адраджаецца пасля 12-гадовага перапынку.
Ва ўсіх абласцях Беларусі пачалі працаваць аддзяленні штаба місіі назіральнікаў ад СНД
12 жніўня ва ўсіх абласцях Беларусі пачалі працаваць аддзяленні штаба місіі назіральнікаў ад СНД на выбарах дэпутатаў Палаты прадстаўнікоў Нацыянальнага сходу.
Гародня: Выбаршчыкам даюць жорсткія інструкцыі
Па інфармацыі сябраў ініцыятыўнай групы незалежнага кандыдата Сяргея Кузьмянка па Гродзенскай-Занёманскай акрузе па многіх дамах прайшліся прадстаўнікі ўлады, якія настойліва раілі падпісвацца і пазней галасаваць за праўладнага кандыдата, цяперашняга дэпутата Палаты прадстаўнікоў Сяргея Камянецкага. Пра гэта заявілі, ў прыватнасці жыхары шматпавярховых дамоў па вуліцы Кабяка-12-корпус 1, і Кабяка-12-корпус 2. Па словах сябраў ініцыятыўнай групы Сяргея Кузьмянка, ў гэтых дамах многія з людзей папросту баяліся падпісвацца за незалежнага кандыдата, расказваючы, што ім далі жорсткія інструкцыі.
У пракуратуру накіраваная справа на маладафронтаўца
На актывіста Салігорскай філіі Маладога Фронту Ільлю Шылу заведзена праверка па факце зьбіцьця супрацоўніка міліцыі падчас маладафронтаўскай акцыі каля расейскай амбасады 11 жніўня.
Віцебск: Андрэю Левінаву пагражаюць узбуджэннем крымінальнай справы
Як паведамлялася раней, сёння, 12 жніўня, кіраўніцтва ОУС адміністрацыі Чыгуначнага раёна г. Віцебску азнаёміла прэтэндэнта на вылучэнне кандыдатам у дэпутаты ППНС РБ па Віцебскай-Чыгуначнай выбарчай акрузе № 19 Андрэя Левінава з рашэннем начальніка УУС Віцебскага Аблвыканкама палкоўніка міліцыі Фармагея аб звальненні з органаў унутраных спраў.
У Шклове будуць судзіць журналіста
Cёньня Шклоўскі раённы суд пачне разгляд крымінальнай справы супраць выдаўца незалежнай газэты “Шклоўскія навіны” Аляксандра Шчарбака.
Віцебск: Сябры камісій не могуць разабрацца, якія ўчасткі адносяцца да іх выбарчай акругі
Гарадская газета "Витьбичи" (№85) ад 26 ліпеня 2008 года апублікавала спіс участкаў для галасавання па выбарах дэпутатаў Палаты прадстаўнікоў Нацыянальнага сходу Рэспублікі Беларусь не па выбарчых акругах, а па адміністрацыйна-тэрытарыяльнаму дзяленню горада (па раёнах). Пры гэтым да выбаршчыкаў не даведзены кіравальны склад акруговых выбарчых камісій. Відавочна, што не ўсе сябры акруговых выбарчых камісій могуць разабрацца, якія ўчасткі адносяцца да іх выбарчай акругі.
У Віцебску зафіксаваныя парушэнні выбарчага заканадаўства
Згодна з ч. 1 арт. 74 Выбарчага кодэкса Рэспублікі Беларусь кандыдаты ў дэпутаты Палаты прадстаўнікоў Нацыянальнага сходу з моманту іх рэгістрацыі маюць роўнае права выступаць на перадвыбарных і іншых сходах, нарадах, паседжаннях, у друку, па дзяржаўным радыё і тэлебачанні.
Светлагорск: Камісія нарэшце прыняла заяву аб назіральніку
У Светлагорскай акруговай выбарчай камісіі 11 жніўня прынята заява грамадзян аб накіраванні туды ў якасці назіральніка прадстаўніка дэмакратычных сіл Вадзіма Болбаса. Нагадаем, што на мінулым тыдні намеснік старшыні камісіі Уладзімір Кукар не прыняў заяву з-за адной выпраўленай лічбы.
Віцебск: Вылучэнцу ў кандыдаты прапанавалі вырабіць падпісныя лісты за кошт... уласных сродкаў
11 жніўня Андрэй Левінаў, які вылучаецца кандыдатам у дэпутаты Палаты прадстаўнікоў Нацыянальнага сходу Рэспублікі Беларусь па Віцебскай-Чыгуначнай выбарчай акрузе №19, атрымаў адмову ў выдачы падпісных лістоў для збору подпісаў выбаршчыкаў. Яму прапанавалі вырабіць копіі падпісных лістоў за кошт... уласных сродкаў.
Салігорск: Замест адказу назіральнік атрымаў "адпіску"
Як паведамлялася раней, назіральнік ад РПГА "БХК" Леанід Андрэевіч Мархотка не быў дапушчаны на сумеснае паседжанне Менскага абласнога выканаўчага камітэта і Прэзідыума Менскага абласнога Савета дэпутатаў па фармаванні акруговых выбарчых камісій па выбарах у Палату прадстаўнікоў Нацыянальнага сходу Рэспублікі Беларусь. Пасля гэтага Л.А. Мархотка напісаў скаргу ў кнізе заўвагаў і прапаноў на незаконныя дзеянні намесніка старшыні Мінаблвыканкама В.А. Гурыновіча, якія выказаліся ў парушэнні ч.1 арт.13 Выбарчага Кодэкса Рэспублікі Беларусь.
Віцебск: Прэтэндэнт на вылучэнне кандыдатам у дэпутаты Андрэй Левінаў звольнены з працы
12 жніўня ў 9.15 кіраўніцтва ОУС адміністрацыі Чыгуначнага раёна г. Віцебску азнаёміла прэтэндэнта на вылучэнне кандыдатам у дэпутаты ППНС РБ па Віцебскай-Чыгуначнай выбарчай акрузе № 19 Андрэя Левінава з рашэннем начальніка УУС Віцебскага Аблвыканкама палкоўніка міліцыі Фармагея: звольніць з органаў унутраных спраў.
10 сутак арышту - Людвісі Атакулавай
У Цэнтральным судзе Менска завяршыўся судовы працэс па справе актывісткі Людвісі Атакулавай. Яе затрымалі 11 жніўня каля амбасады Расіі пад час акцыіі салідарнасьці з народам Грузіі. Яе абвінавацілі ў незаконным пікетаваньні і прысудзілі да арышту на 10 сутак.
Кіраўнік офіса АБСЕ наведаў у калоніі Аляксандра Казуліна
Кіраўнік Офіса АБСЕ у Мінску Ханс-Ёхен Шмідт наведаў палітвязня Аляксандра Казуліна, які адбывае пакаранне ў папраўчай калоніі ў Віцебску.
Журналісту Валерыя Шчукіну адмовілі ў інфармацыі пра патэнцыйных кандыдатаў
У дзвюх акруговых выбарчых камісіях у Віцебску адмовілі ў прадстаўленні інфармацыі журналісту Валерыю Шчукіну. Паводле спадара Шчукіна, абнародаванне гэтых фактаў паспрыяла змене стаўлення да яго.
Ва ўчастковыя выбарчыя камісіі вылучана 73 653 чалавекі
ЦВК падвяла вынікі кампаніі па вылучэнні сябраў участковых выбарчых камісіяў. Найбольш прэтэндэнтаў вылучаюцца самастойна, каля траціны вылучылі працоўныя калектывы, а палітычныя партыі – 1,72%.
Астравец: сяброў АГП ва ўчастковыя камісіі не ўключаюць
Кіраўнік Астравецкай пярвічнай арганізацыі АГП Мікалай Уласевіч 11 жніўня у 11.00 наведаў акружную камісію з мэтай даведацца пра хаду фармавання участковых выбарчых камісій. Сп. Уласевіч папрасіў паглядзець пратаколы вылучэння ў склад камісій і журнал рэгістрацыі заяваў. Але загадчык арганізацыйнага адзела Астравецкага райвыканкаму Галіна Махневіч адмовіла яму ў гэтым.
Бабруйск: сябры ініцыятыўных груп праўладных кандыдатаў вучаць выбаршыкаў, як ставіць подпісы
Сябры ініцыятыўных груп ад незалежных вылучэнцаў у кандыдаты ў дэпутаты сутыкнуліся з новай праблемай. Падчас збору подпісаў выбаршчыкі, якія прагаласавалі па месцу працы за праўладных вылучэнцаў, адмаўляюцца ставіць подпісы за незалежных. “Нам сказалі, што мы маем права пакінуць толькі адзін подпіс, а калі падпішамся за вас, то гэта будзе супраць закона”, - адказвалі людзі зборшчыкам подпісаў. Сябры ініцыятыўных груп адзначаюць, што пераўпэўніць людзей у тым, што яны могуць падпісацца за ўсіх, хто вылучаецца па іх акрузе амаль немагчыма.
"Малады фронт" пікетаваў амбасаду Расеі
Некалькі актывістаў незарэгістраванай арганізацыі "Малады Фронт" правялі пікет каля амбасады Расеі ў Менску. Яны трымалі расьцяжкі «Адна шостая частка Зямлі – няўжо гэтага мала?» і «Спыніць агрэсію!»
Гомельская вобласць: Старшыня Хойніцкай камісіі: «Факты немагчыма праверыць»
Леанід Судаленка, які вылучаецца кандыдатам у дэпутаты па Хойніцкай выбарчай акрузе (Гомельская вобласць), атрымаў адказ на заяву аб парушэнні заканадаўства з боку тых, хто збірае подпісы за вылучэнне кандыдатам у дэпутаты саветніка старшыні Гомельскага аблвыканкама Георгія Дашкевіча. У адказе старшыня акруговай выбарчай камісіі Віктар Васькевіч напісаў, што прыведзеныя ў заяве факты “немагчыма праверыць”.
Вярхоўны суд пакінуў у сіле рашэньне Мінюста аб адмове ў рэгістрацыі сацыяльнага грамадзкага аб'яднаньня "Беларуская хрысьціянская дэмакратыя" (БХД)
Па словах сябра аргкамітэта па стварэнні БХД Дзяніса Садоўскага, падчас судовага паседжання 12 жніўня прадстаўнік Мінюста зняў прэтэнзіі да прапісаных у статуце мэтаў, задач і метадаў арганізацыі, аднак працягваў настойваць на наяўнасці тэхнічных памылак пры падачы дакументаў на рэгістрацыю. "Усе тэхнічныя памылкі можна вырашыць у працоўным парадку, але Вярхоўны суд не даў часу на іх выпраўленне і адмовіў нам у задавальненні скаргі", — сказаў Д.Садоўскі ў інтэрв'ю БелаПАН.
Падаткавікі прэсуюць дачку палітвязня Казуліна
Органы фінансавых расследаванняў маюць прэтэнзіі да малодшай дачкі палітвязня Аляксандра Казуліна Юліі. Падаткавікі жадаюць прымусіць Юлію даць справаздачу аб ейных прыбытках за некалькі мінулых гадоў. Дачка Казуліна мае намер абскардзіць дадзенае рашэнне ў пракуратуры гораду Менску.
Магілёў: прэзентаваныя вынікі маніторынга СМІ па выбарчай тэматыцы
У Магілёве на сустрэчы з журналістамі былі прадстаўлены вынікі маніторынга СМІ падчас выбарчай кампаніі, якое здзяйсняе ГА “Беларуская асацыяцыя журналістаў”. Маніторынг праводзіцца адносна 19 дзяржаўных і недзяржаўных сродкаў масавай інфармацыі, сярод якіх прадстаўлены як газеты і інтэрнэт-сайты, так і каналы тэлебачання і радыё.
