Навіны за 19 жніўня 2008
“Выбарчую кампанію можна завяршаць”
Праваабаронцы, якія ўдзельнічаюць у назіраньні за выбарамі, сёньня падзяліліся з журналістамі першымі ацэнкамі выбарчай кампаніі ў Беларусі. Першыя этапы выбарчай кампаніі ў Беларусі многія праваабаронцы, якія вядуць назіраньне за выбарамі, ацэньваюць крытычна. Праваабаронца Валянцін Стэфановіч адзначыў, што прысутнасьць у складзе выбарчых камісій толькі 0,07% прадстаўнікоў дэмакратычных сіл — нават меншая, чым на былых парлямэнцкіх выбарах, якія ў дэмакратычным сьвеце не былі прызнаныя справядлівымі. Да гэтага праваабаронца дадае, што большасьць сяброў камісій — тыя самыя людзі, якія праводзілі выбары 2004 году.
Камісіі створаныя задоўга да 13 жніўня
Участковыя выбарчыя камісіі ў многіх выпадках створаныя задоўга да заканадаўчага тэрміну – 13 жніўня. Пра гэта сведчыць выпадак, пра які распавёў старшыня Беларускага Хельсінскага камітэта Алег Гулак.
Асвятленне выбараў застаецца «традыцыйным»
«Дзяржаўныя медыя працягваюць асвятляць выбарчы працэс паводле надзвычай спрошчанай схемы, гэта значыць, не надаючы ніякай ўвагі іншым (акрамя ЦВК і прэзідэнта) суб’ектам», — адзначаецца ў чарговым бюлетэні БАЖ «Асвятленне парламенцкіх выбараў 2008 г. у беларускіх СМІ», які сёння прэзентаваў медыяэксперт Алесь Анціпенка.
“Дзень Волі”: беларуская прэм’ера 26 жніўня
Наведайце прэм'еру дакументальнага фільму рэжысёра Н. і Уладзіміра Арлова "Дзень Волі", знятага на замову тэлеканалу "Белсат". Стужка паказвае гісторыю Беларускай Народнай Рэспублікі вачыма пісьменніка і гісторыка Уладзімера Арлова, старшыні Рады Беларускай Народнай Рэспублікі Івонкі Сурвілы, журналіста радыё "Свабода" Сяргея Навумчыка.
Незалежныя кандыдаты аб’ядноўваюцца ў Гродна
Незалежныя кандыдаты ў беларускі парламент па Гродзенскай-Занёманскай акрузе аб’ядноўваюць свае намаганні ў барацьбе за дэпутацкі мандат. Аляксандр Васільеў і Сяргей Кузьмянок дамовіліся сёння аб супольных дзеяннях падчас агітацыйнай кампаніі.
20 жніўня адбудзецца прэс-канферэнцыя Аляксандра Казуліна
Як паведаміла прэс-служба палітыка, прэс-канферэнцыя вызваленага палітвязня Аляксандра Казуліна адбудзецца 20 жніўня ўу 11-00 у офісе Партыі БНФ (вул. Машэрава, 8. А) .
Праваабаронца: “Выбары ўжо прадказальныя”
Беларускія праваабаронцы падзяліліся з журналістамі сваімі высновамі з назіраньня за першымі этапамі выбарчага працэсу ў Беларусі: фармаваньнем участковых выбарчых камісій, вылучэньнем кандыдатаў і зборам подпісаў за іх.
Менгарвыканкам лічыць прэс-канфэрэнцыю Казуліна непажаданай
Менскі міжнародны адукацыйны цэнтар IBB адмовіў Аляксандру Казуліну ў правядзеньні прэсавай канфэрэнцыі.
Затрымалі прадстаўнікоў непрызнанага Саюза Палякаў
На беларуска-польскай мяжы затрыманыя прадстаўнікі незарэгістраванага Саюза Палякаў на Беларусі. Як паведаміла Радыё Рацыі Інэс Тодрык: "Ужо на працягу 3-х гадзін мяне разам з кіраўніком гродзенскага адзялення Саюза Палякаў Мячыславам Яскевічам трымаюць на мяжы і мы не можам выехаць у Польшу". За гэты час беларускія мытнікі паўтары гадзіны проста трымалі іх пашпарты нічога не кажучы, а потым пачаўся асабісты дагляд. Апроч гэтага іх прымусілі запоўніць дэкларацыі, хаця гэтага простыя грамадзяце на дадзены момант рабіць не павінны.
Гарадзеншчына: Кандыдату ў дэпутаты не далі магчымасці зарэгістравацца
Учора кандыдат на дэпутацкі мандат па Наваградскай выбарчай акрузе Юры Істомін не змог падаць сабраныя за яго подпісы на рэгістрацыю.
Гародня: Для расклейкі агітацыйных матэрыялаў кандыдатаў у дэпутаты няма месца
Гарадзенскі гарадскі выканаўчы камітэт вызначыў месцы для размяшчэння друкаваных матэрыялаў на рэкламна-інфармацыйных тумбах і стэндах. Паводле гэтага рашэння, прыкладам, у адным з двух раёнаў Гародні, Кастрычніцкім, вызначана толькі чатыры месцы для размяшчэння такой агітацыйнай прадукцыі. Яўна, што кандыдатам у дэпутаты будзе недастаткова выдзеленых стэндаў, каб давесці сваю праграму да выбаршчыка.
Міліцыя сваю віну прызнала
Адвакат праваабронцы, выконваючага абавязкі старшыні Моладзі БНФ Ільлі Богдана атрымаў адказ з Галоўнага упраўленьня унутраных справаў Менгарвыканкаму на сваю скаргу, у якой прасіў правесьці праверку і прыцягнуць да адказнасьці віноўных у незаконным утрыманьні актывіста ў пастарунку.
365 прэтэндэнтаў падалі дакументы на рэгістрацыю кандыдатамі ў дэпутаты
Кандыдатамі ў дэпутаты Палаты прадстаўнікоў вылучыліся 365 грамадзянаў. Пра гэта паведаміў сакратар Цэнтравыбаркаму Мікалай Лазавік.
Менск: Акруговая камісія запатрабавала ад Аляксея Янукевіча адмовіцца ад сваёй пасады па месцы працы
Учора, 18 жніўня, падчас праверкі сапраўднасці подпісаў у Аўтазаводскай акруговай камісіі № 92 ад прэтэндэнта ў кандыдаты Аляксея Янукевіча запатрабавалі напісаць заяву, у якой ён пагаджаецца сыйсці са сваёй пасады па месцы працы ў выпадку абрання яго дэпутатам.
Зноў грамадзяне супраць Менскага гарвыканкаму
Сёньня ў Маскоўскім судзе Менску пачнецца судовы працэс паводле пазову грамадзянаў, якія дамагаюцца вяртаньня льгот у карыстаньні грамадзкім транспартам.
Марцаў: Цяперашніх палітвязняў выпусцяць, але будуць новыя
Палітолаг Пётр Марцаў мяркуе, што ў бліжэйшы час услед за Аляксандрам Казуліным на волю выйдуць астатнія палітвязні, але ніхто не гарантуе, што не з’явяцца новыя. Аднак выпусцілі Казуліна, па меркаванні эксперта Еўрарадыё, не насустрач Захаду, а супраць Расіі, з якой беларускае кіраўніцтва канчаткова перадумала будаваць адзіную дзяржаву.
Сёння місія назіральнікаў АБСЕ пачынае маніторынг выбараў у Беларусі
З 19 жніўня Бюро па дэмакратычных інстытутах i правах чалавека АБСЕ накіруе сваіх доўгатэрміновых назіральнікаў у розныя рэгіёны краіны. Яны распачнуць маніторынг выбарчай кампаніі ў Беларусі. Як паведамілі Еўрарадыё ў Офісе БДІПЧ АБСЕ ў Мінску, у склад доўгатэрміновых назіральнікаў увайшлі 40 чалавек з 22 краін.
Рынкевіч і Вольга Казуліна наведалі прадстаўніцтва Арганізацыі аб’яднаных нацый у Мінску
Прадстаўнік Аляксандра Казуліна Ігар Рынкевіч і дачка палітыка Вольга Казуліна 18 жніўня наведалі прадстаўніцтва Арганізацыі аб’яднаных нацый у Мінску і перадалі свае заўвагі і каментары адносна справы экс-кандыдата ў прэзідэнты.
Кандыдат затрыманы – дакументы не пададзеныя
Каля 15-й гадзіны 18 жніўня сябра аргкамітэта па стварэньні БХД Аляксей Александровіч быў затрыманы міліцыяй, што пазбавіла апошняй магчымасьці падаць дакуманты на рэгістрацыю яго кандыдатам ў дэпутаты па 23-яй Лепельскай акрузе.
У палітвязня Андрэя Кіма значна пагоршыліся ўмовы ўтрымання
У палітзняволенага Андрэя Кіма, які адбывае пакаранне ў Бабруйскай калоніі К-2, значна пагоршыліся ўмовы ўтрымання, ён амаль ізаляваны. Пра гэта Андрэй напісаў у лісце да сваёй дзяўчыны. Для маці Андрэя навіна стала шакіруючай.
Статкевіча не зарэгіструюць кандыдатам у дэпутаты з-за судзімасці
Цэнтрвыбаркам не зарэгіструе кандыдатам у дэпутаты лідэра Беларускай сацыял-дэмакратычнай партыі (Народная Грамада) Міколу Статкевіча. Як паведаміў сакратар Цэнтрвыбаркаму Мікалай Лазавік, гэта звязана з тым, што палітык меў судзімасць.
«Свабодны тэатр» абшукалі на мяжы: прозвішчы акцёраў занеслі ў «чорны спіс»
Трупа «Свабоднага тэатру» за апошнія суткі двойчы падвергнулася скурпулёзнаму ператрусу супрацоўнікамі беларускай мытні.
Фармаванне ўчастковых выбарчых камісій
У адпаведнасці з арт. 28 Выбарчага кодэксу Рэспублікі Беларусь, падрыхтоўку і правядзенне выбараў дэпутатаў Палаты прадстаўнікоў забяспечваюць акруговыя і ўчастковыя выбарчыя камісіі.
Менск: Інфармацыя хаваецца нават ад сяброў акруговых камісіяў
8 жніўня мы паведамлялі пра адзін з фактаў выкарыстання адміністрацыйнага рэсурса падчас збору подпісаў педагогамі. Сведчаннем таму стала аб'ява з просьбай "подойти с паспортом к Гречухиной Н.С.", адрасаванай да членаў працоўнага калектыва аднаго з дзіцячых садкоў Кастрычніцкага раёна. Спроба высветліць, ці з'яўляецца Грачухіна Н. С. сябрам ініцыятыўнай групы кагосьці з вылучэнцаў, скончылася няўдала.
