Навіны за 28 жніўня 2008
Аляксандр Казулiн вылучаны на прэмiю Андрэя Сахарава
Польскiя дэпутаты пачалi працэс вылучэння Аляксандра Казулiна на прэмiю iмя Андрэя Сахарава. Еўрапейскi парламент штогод прызначае гэтую прэмiю за дзейнасць на карысць правоў чалавека.
Прэмія для праваабаронцаў: TULIP2008
Мэта прэміі, заснаванай галяндзкай уладай - прызнаньне асабаў, якія праявілі выключную маральную ўстойлівасьць у абароне і прасоўваньні правоў іншых людзей.
Апазіцыя лічыць адмову ў рэгістрацыі кандыдатаў палітычным рашэннем
У апошні дзень рэгістрацыі кандыдатаў у дэпутаты Палаты прадстаўнікоў акружныя выбаркамы не зарэгістравалі цэлы шэраг дэмакратычных кандыдатаў. Прычыны адмовы ў рэгістрацыі стандартныя: частка подпісаў за іх прызнана несапраўднай, альбо выяўленая незадэклараваная маёмасць. Прадстаўнікі ўладаў кажуць, што іх экспэрты працавалі адказна і сумленна. Апазыцыянеры гавораць, пра палітычную матывацыю адмовы ў рэгістрацыі.
Улады забаранілі мітынг у падтрымку захавання тэрытарыяльнай цэласнасці Грузіі
Мінскі гарадскі выканаўчы камітэт забараніў правядзенне 31 жніўня ў цэнтры сталіцы мітынга супраць ваенных дзеянняў у падтрымку захавання тэрытарыяльнай цэласнасці Грузіі. Заяўку на правядзенне 31 жніўня ў цэнтры Мінска акцыі супраць ваенных дзеянняў у падтрымку захавання тэрытарыяльнай цэласнасці Грузіі падавалі актывісты моладзевага крыла Беларускага народнага фронту.
Гомельшчына: Улады Гомельскай вобласці не адказалі на ліст грамадзянкі
Жыхарка Рэчыцы Алена Агафонава не атрымала адказ ад гомельскіх абласных уладаў на свой ліст с просьбай растлумачыць, чаму яе не ўключылі ў акруговую выбарчую камісію. Заканадаўства прадугледжвае, што адказы на лісты грамадзян павінны быць даны на працягу 2-х тыдняў.
Полацкі рэгіён: Выбар не ва ўсіх. Безальтэрнатыўнымі будуць выбары яшчэ па двух акругах
Па Наваполацкай выбарчай акрузе № 25 і Лепельскай № 23 зарэгістравана па адным кандыдаце – зразумела, што не з апазіцыйных ці незалежных. Так што ў Наваполацку і Лепелі выбары будуць праходзіць як у старыя савецкія часы – з адным “адзіна правільным” кандыдатам.
Юрыя Алейніка і ягонага бацьку затрымалі на мяжы
На памежным пераходзе «Варшаўскі мост» на беларуска-польскай мяжы ў Ю.Алейніка і ягонага бацькі памежнікі знайшлі раздрукоўкі з сайту «Свабоды» ды іншых беларускіх і расейскіх інфармацыйных рэсурсаў. Найбольшую ўвагу прыцягнулі адказы Аляксандра Казуліна ў часе онлайн-канфэрэнцыі на сайце Lenta.ru
Папярэднія вынікі рэгістрацыі кандыдатаў
Рэгістрацыя кандыдатаў у дэпутаты Палаты прадстаўнікоў завяршілася 28-га жніўня. Пакуль даступны толькі папярэднія дадзеныя аб выніках рэгістрацыі.
Рэдактар «Борисовских новостей» складае скаргу ў ЦВК
Сёньня камісія Барысаўскай гарадзкой выбарчай акругі №62 адмовіла ў рэгістрацыі кандыдатам у дэпутаты Палаты Прадстаўнікоў уласьніку і рэдактару недзяржаўнай газэты «Борисовские новости» Анатолю Букасу.
За заклік да байкоту і пратэстаў супраць фальсіфікацый арыштаваны актывіст «Еўрапейскай Беларусі»
Актывіст грамадзянскай кампаніі «Еўрапейская Беларусь» Павел Лукша быў прысуджаны сёння судом Ленінскага раёна Менска да 10 сутак арышта за распаўсюджванне газеты «Выбар», у якой змяшчаліся заклікі да байкоту маючых адбыцца «парламенцкіх выбараў» і пратэстаў супраць магчымых фальсіфікацый вынікаў «выбараў». Суддзя Міхаіл Хома прызнаў Паўла Лукшу вінаватым у парушэнні артыкула 23.34 КААП (заклік да ўдзелу ў несанкцыянаваным мерапрыемстве).
Адмоўлена ў рэгістрацыі Вінцуку Вячорку і Віктару Івашкевічу
Не зарэгістраваны ў якасці кандыдата ў дэпутаты першы намеснік старшыні Партыі БНФ Вінцук Вячорка. Не зарэгістраваны таксама намесьнік старшыні Партыі БНФ Віктар Івашкевіч.
Віцебск: Назіральнікам "забылі" паведаміць пра змены ў часе паседжанняў акруговых камісій
Назіральнікаў "забылі" праінфармаваць пра змены ў часе паседжання камісіі, але не забылі праінфармаваць пра гэта ідэолага адміністрацыі Першамайскага раёна г.Віцебска Мікалая Шлюпакова.
Рэчыца: Праверка подпісаў – у адсутнасць назіральнікаў
У Рэчыцы 27 жніўня прайшло паседжанне акруговай выбарчай камісіі, на якім зарэгістраваныя кандыдаты ў дэпутаты. У папярэднія дні мясцовыя назіральнікі ад дэмакратычных сіл былі пазбаўлены магчымасці прысутнічаць пры праверцы подпісаў за кандыдатаў.
Аршанскі рэгіён: Па два кандыдаты на дэпутацкія крэслы
Сталі вядомыя вынікі рэгістрацыі кандыдатаў у дэпутаты Палаты прадстаўнікоў у Аршанскім рэгіёне.
Мазыр: На двух акругах пяць кандыдатаў
Не прызналі сапраўднымі шмат подпісаў за дзеючага дэпутата Палаты прадстаўнікоў Сяргея Касцяна, але паколькі ён быў вылучаны яшчэ і па партыйнаму пратаколу ад КПБ, то рэгістрацыю ў якасці кандыдата атрымаў.
У Барысаве не зарэгістравалі двух кандыдатаў ад апазіцыі
Сёння раніцай адбыліся паседжанні акруговых выбарчых камісій па дзвюх Барысаўскіх акругах № 62 і 63. У выніку Барысаўская сельская выбарчая акруга №63 застаўся безальтэрнатыўнай. У рэгістрацыі ў якасці кандыдата ў дэпутаты было адмоўлена сябру партыі БНФ Сяргею Салашу, і за дэпутацкі мандат будзе "спаборнічаць" толькі генеральны дырэктар Рэспубліканскага вытворчага ўнітарнага прадпрыемства "Барысаўхлебпрам" Васіль Гур'янаў.
Баранавічы: Кандыдат зарэгістраваны, нягледзячы на парушэнні
Заяву пра асабістую думку ў пісьмовым выглядзе падаў на імя старшыні акруговай выбарчай камісіі № 7 П. Дубоўскага сябра гэтай камісіі Іван Савіцкі, вылучаны ад АГП. Выказваючы асабістую думку, І. Савіцкі падкрэслівае, што праглядаючы падпісныя лісты за кандыдата ад улады Уладзіміра Майсюка, у подпісах і афармленні ён ўбачыў шматлікія парушэнні.
Баранавічы: Акруговая камісія аб’язджае выбаршчыкаў і аказвае ціск на назіральніка
Назіральніца паведаміла, што прадстаўнікі ўлады аб’язджалі людзей, якія паставілі подпісы ў падтрымку А.Пашко і прасілі іх зняць свае подпісы. Людзі на гэта толькі смяяліся, гаворачы – як я здыму свой подпіс, калі я яго паставіў?
Віцебск: Рэгістрацыя кандыдатаў прайшла са стратамі
27 жніўня адбыліся паседжанні акруговых камісій Віцебскай-Чыгуначнай (№19) і Віцебскай-сельскай (№21) выбарчых акруг, на якіх вырашалася пытанне аб рэгістрацыі кандыдатаў у дэпутаты.
Гомель: Не зарэгістраваны ў якасці кандыдата Адам Варанец
27 жніўня акруговыя камісіі Гомельскага рэгіёна зарэгістравалі кандыдатаў у дэпутаты па 8-мі акругах. Не атрымаў рэгістрацыі толькі вылучэнец ад АДС па 37-ай акрузе - Гомель-Сельскі - Адам Варанец. 125 з пададзеных ім подпісаў грамадзян акруговая камісія прызнала несапраўднымі.
Полацк: Зарэгістравалі абодвух
Па Полацкай выбарчай акрузе № 28 на паседжанні акружной камісіі, якое адбылося ў другой палове дня 27 жніўня, зарэгістраваны два кандыдаты – намеснік старшыні віцебскага аблвыканкама Петр Южык і прадстаўнік БСДП (Грамада) Альберт Маркаў.
Газета “Рэспубліка” піярыць Анатоля Глаза
У нумары №153 (4576) газеты “Рэспубліка” за 19.08.2008 г. з’явіўся вялікі, на палову паласы газеты, артыкул “Кадры по-прежнему решают многое”. Гэта інтэрв’ю з прэтэндэнтам у кандыдаты ў дэпутаты па Бабруйскай сельскай выбарчай акрузе №80, намеснікам старшыні Магілёўскага аблвыканкаму Анатолем Глазам.
Мастоўская акруга засталася без апазіцыйнага кандыдата. Выбары будуць безальтэрнатыўныя
27 жніўня ў Вялікай Бераставіцы Гарадзенскай вобласці адбылося паседжанне Мастоўскай акруговай выбарчай камісіі, на якой разглядалася пытанне рэгістрацыі прэтэндэнтаў у кандыдаты ў дэпутаты.
Светлагорск: Кандыдаты зарэгістраваны
У Светлагорску 27 жніўня адбылося паседжанне акруговай выбарчай камісіі, на якім кандыдатамі ў дэпутаты Нацыянальнага сходу зарэгістраваны Сяргей Дайнека і Валянціна Кавалёва.
На Гарадзеншчыне зарэгістраваны кандыдатам у дэпутаты першы прадстаўнік АДС
Сёння раніцай адбылося паседжанне акруговай камісіі Гродзенскай сельскай выбарчай акругі № 52. Кандыдатамі ў дэпутаты сярод трох прэтэндэнтаў зарэгістраваныя старшыня раённай арганізацыі БРСМ Мікалай Гарбачонак і прадстаўнік партыі АГП Віктар Падчыненкаў. А вось былы старшыня Саюзу палякаў на Беларусі, выкладчык Гарадзенскага дзяржаўнага ўніверсітэту імя Янкі Купалы Тадэвуш Кручкоўскі нечакана для многіх незалежных назіральнікаў не зарэгістраваны.
Дэвід Меркел лічыць магчымай адмену санкцыяў ЗША ў адносінах да Беларусі
Намеснік памочніка сакратара Дзярждэпу ЗША па пытаннях Еўропы і Азіі Дэвід Меркел заявіў у інтэрв’ю Еўрарадыё, што ён задаволены сваім візітам у Мінск. Па словах спадара Меркела, зараз галоўным для ЗША з’яўляецца паказаць Беларусі, што яны ўхваляюць вызваленне палітвязняў. Ужо на сустрэчы з прадстаўнікамі ўладаў у Мінску былі абмеркаваныя далейшыя крокі па нармалізацыі беларуска-амерыканскіх адносінаў. Галоўны з іх, лічыць спадар Меркел, - дэмакратычныя выбары.
Кандыдатамі ў дэпутаты сталі 67 сябраў дэмакратычных палітычных партый
Сярод зарэгістраваных кандыдатаў у дэпутаты Палаты прадстаўнікоў аказаліся 92 прадстаўнікі палітычных партый, у тым ліку 67 чалавек - сябраў дэмакратычных палітычных партый.
Менск: Выбаршчыкаў заклікаюць адазваць свае подпісы за Ю. Карэтнікава
Юрый Карэтнікаў, вылучаны кандыдатам у дэпутаты ў Палату прадстаўнікоў па 99-ай Паўднёва-Заходняй выбарчай акрузе, паведаміў, што акруговая камісія заклікае выбаршчыкаў, якія падпісаліся ў яго падтрымку, адазваць свае подпісы.
