Навіны за 1 верасьня 2008
Гомельшчына: Восем чалавек адмовіліся ад сяброўства ў акруговых камісіях
1 верасня ў Прэзідыўм Гомельскага абласнога і гарадскога Савету дэпутатаў, а таксама ў Гомельскі аблвыканкам і гарвыканкам былі накіраваныя заявы сяброў акруговых камісій, вылучаных ад палітычных суб'ектаў АДС, аб адмове далей працаваць у іх.
Светлагорск: Паказваюць па тэлебачанні, ды не ўсіх…
У Светлагорску кандыдата “ад улады” Валянціну Кавалёву зноў паказалі па тэлевізары. Раней, на этапе збору подпісаў за вылучэнне кандыдатаў, пра В. Кавалёву быў рэпартаж на тэлеканале “Лад”. Тутэйшага дэмакратычнага кандыдата – Сяргея Дайнеку – афіцыйныя сродкі масавай інфармацыі не паказваюць.
Менск: Выбаршчыкі пісьмова пацвердзілі сапраўднасць сваіх подпісаў за Юрыя Карэтнікава
Юрый Картнікаў сустрэўся з некаторымі з выбаршчыкаў, чые подпісы былі забракаваныя. Усе яны пацвердзілі, што сапраўды падпісваліся ў ягоную падтрымку, уласнаручна прастаўляючы дату. Ю. Карэтнікаў папрасіў іх пісьмова выкласці гэтыя пацверджанні. Сабраныя заявы разам са скаргай накіраваў іх у Цэнтральную камісію для абскарджання.
Хрысціянскія-дэмакраты здымуць сваіх кандыдатаў у дэпутаты
Сябры аргкамітэта па стварэнні грамадскага аб'яднання "Беларуская хрысціянская дэмакратыя" здымуць сваіх кандыдатаў з перадвыбарчай кампаніі да 23 верасня.
Назіральнік ад СНД не ведае пра Карму і Рагачоў
Каардынатар місіі назіральнікаў СНД па Гомельскай вобласці Іван Катлабай 29 жніўня заявіў журналістам, што ў Гомельскай вобласці “няма ніводнай акругі, дзе будзе адсутнічаць канкурэнцыя паміж кандыдатамі ў дэпутаты, а гэта значыць, што ў выбаршчыкаў будзе выбар”. Ні тое І. Катлабай кепска разабраўся з геаграфіяй Гомельшчыны, ні тое не валодае інфармацыяй. Таму што ў Рагачоўскай выбарчай акрузе сітуацыя як раз адваротная: тут зарэгістраваны ўсяго адзін кандыдат.
Барысаў: Салаш атрымаў адпіску
Сяргей Салаш, які звярнуўся ў акруговую камісію па Барысаўскай сельскай выбарчай акрузе №63 з патрабаваннем азнаёміць яго з матэрыяламі праверкі сапраўднасці подпісаў грамадзян, на падставе якой яму адмовілі ў рэгістрацыі кандыдатам у дэпутаты Палаты прадстаўнікоў Нацыянальнага сходу РБ, атрымаў афіцыйны адказ.
Збітую міліцыянтамі праваабаронцу Яну Палякову адпусцілі
Праваабаронца Яна Палякова, якая 31 жніўня была затрыманая і збітая ў Салігорску міліцыянтамі, выйшла на волю. Пра гэта Еўрарадыё распавёў праваабаронца Алег Воўчак:
Верасень: ізноў адлічэньні
Актывісту Полацкай філіі "Маладога Фронту" Міколу Дземідзенку паведамілі, што ён будзе адлічаны з гістарычнага факультэту Полацкага дзяржаўнага ўнівэрсытэту. Як распавёў Мікола, выключыць яго плянуюць за нібыта ня зданы іспыт. "Іспыт я здаў яшчэ на пачатку лета падчас апошняй сэсіі, - кажа М.Дземідзенка. – Але па дадзенай дысцыпліне ў мяне заўсёды былі вышэйшыя адзнакі, таму 6 ці 7 балаў мяне не задавальнялі, і выкладчык дазволіў мне пераздаць іспыт у жніўні".
Жлобін: сцэнар з "запасным" кандыдатам не атрымаўся
Уладзімір Батан і Валерый Рыбчанка зарэгістраваны кандыдатамі ў дэпутаты. Першага з іх лічаць праўладным, другога – дэмакратычным.
2 верасьня адбудзецца прэзентацыя дакладу «Умовы ўтрыманьня пад вартай у Рэспубліцы Беларусь»
Прэзентацыя дакладу, падрыхтаванага Міжнароднай федэрацыяй правоў чалавека (FIDH) з дапамогай беларускіх праваабаронцаў, адбудзецца 2 верасьня ў Менску аб 11 гадзіне на Управе Партыі БНФ. У ёй прымуць удзел генеральны сакратар FIDH Луіс Гійерма Перэз, віцэ-прэзідэнт FIDH Алесь Бяляцкі, юрыст і правабаронца Валянцін Стэфановіч, а таксама былыя палітвязьні.
Капыль: Па рашэнні пракуратуры павінен быць заменены 21 сябра ўчастковых камісій
У кожнай з васьмі ўчастковых камісій з парушэннямі былі вылучаны і зацверджаны ад двух да чатырох сяброў камісій, а гэта агулам 21 сябра ўчастковых камісій. Усе ўказаныя прадстаўнікі камісій былі вылучаны ад працоўных калектываў, сябраміі якіх яны не з'яўляюцца.
