Навіны за 1 кастрычніка 2008
Стартавала кампанія «Будзьма!». БАЖ далучаецца да ініцыятывы
З 1 кастрычніка стартавала агульнабеларуская кампанія «Будзьма!», ініцыятарамі якой выступілі шэраг недзяржаўных арганізацый і грамадскіх ініцыятыў, што займаюцца прамоцыяй беларускай культуры, традыцый і мовы.
Салігорскія маладафронтаўцы пакараныя за антываенны пікет
Камісія па справах непаўналетніх вынесла папярэджаньне 16-ці гадоваму ўдзельніку акцыі каля расейскай амбасады 11 жніўня Ільлю Шылу і пакарала штрафам у 875 тыс. бел. руб (415 даляраў) ягонага брата Івана. Раней за удзел у мірнай акцыі супраць расейскага вайсковага ўварваньня былі пакараны актывісты Маладога Фронту Людзьвіся Атакулава і Андрусь Тычына.
Кандыдата ў дэпутаты ад БНФ забралі ў войска ў дзень «выбараў»
Дэмакратычнаму кандыдату Віталю Каратышу не далі магчымасці дачакацца вынікаў галасавання па Лунінецкай выбарчай акрузе № 13. Вайсковец тэрміновай службы для ўдзелу ў выбарах атрымаў адпачынак і павінен быў вярнуцца ў частку ў панядзелак, але раніцай у нядзелю Каратыша выклікалі ў ваенкамат і адправілі ў войска.
Літоўскім тэлежурналістам дагэтуль не вярнулі касету з запісам Дня Волі
Беларуская міліцыя да гэтага часу не вярнула відэакасету з запісам вулічнай дэманстрацыі ў Мінску з нагоды Дня Волі, адабраную сёлета 25 сакавіка ў акрэдытаванай здымачнай групы Літоўскай нацыянальнай тэлерадыёкампаніі (LRT). Беларускі бок ніяк не адрэагаваў і на афіцыйнае патрабаванне кіраўніцтва LRT кампенсаваць выдаткі на рамонт відэакамеры, зламанай у момант затрымання журналістаў LRT Руты Рыбачаўскене і Ёнаса Грышконіса.
Цуды ў скрынках у Слоніме
Паважанаму ў сваім горадзе доктару Івану Шэгу (БНФ) пратаколы даюць больш за 30% галасоў. Дзіва ў іншым: на адзіным участку ў горадзе, дзе ў камісію змог патрапіць прадстаўнік Шэгі, апазыцыянэр атрымаў перамогу. А вось на ўсіх астатніх — старшыня райвыканкаму Мечыслаў Касьцюк.
Для Мінкульту «Тутэйшыя» — праява шавінізму
Упраўленне рэгістрацыі і класіфікацыі кіна- і відэапрадукцыі пры Міністэрстве культуры адмовіла ў рэгістрацыі тэлеспектаклю «Тутэйшыя», знятага на замову тэлеканалу «Белсат».
ЗША могуць адмяніць санкцыі ў дачыненні беларускіх прадпрыемстваў
У бліжэйшы час ЗША могуць адмяніць санкцыі ў адносінах некаторых беларускіх прадпрыемстваў. Такое меркаванне выказаў часовы павераны ў справах ЗША ў Беларусі Джонатан Мур.
У дамы састарэлых – чэргі
Сёньня адзначаецца Міжнародны дзень пажылых людзей. Паводле афіцыйнай статыстыкі, у Беларусі сёньня дзейнічаюць 22 дамы-інтэрнаты для састарэлых і інвалідаў. Там жывуць больш як 5 тысяч чалавек.
На "Белвесьце" – масавы выхад з афіцыйнага прафсаюзу
Прычынай стала незадавальненьне працоўных, зь якіх адміністрацыя прадпрыемства спрабуе спагнаць грошы за нястачу.
Незалежны прафсаюз судзіцца з райвыканкамам
Учора ў Рэчыцкім раённым судзе распачаты папярэдні разгляд пазову незалежнага Беларускага прафсаюзу радыёэлектроннай прамысловасьці да мясцовага райвыканкаму. Апошні адмовіўся паставіць на ўлік створаную тут раённую прафсаюзную суполку.
Аляксандр Чыгір будзе адбываць пакаранне ў ізалятары часовага ўтрымання
Сёння, 1 кастрычніка, бабруйскаму грамадскаму актывісту Аляксандру Чыгіру давядзецца адправіцца ў ІЧУ (ізалятар часовага ўтрымання), каб адбыць вынесенае судом пакаранне – 10 сутак арышту.
Назіральнікі ў Светлагорску: выбары нельга лічыць дэмакратычнымі
Мясцовыя незалежныя назіральнікі зрабілі выснову, што ў Светлагорскай выбарчай акрузе выбары ў Палату прадстаўнікоў не былі свабоднымі і дэмакратычнымі.
Жлобінскія назіральнікі не прызналі прайшоўшыя выбары дэмакратычнымі
Выбары ў Жлобінскай выбарчай акрузе не былі дэмакратычнымі і свабоднымі – такія высновы зрабілі мясцовыя незалежныя назіральнікі.
