Навіны за 10 кастрычніка 2008
За 11 гадоў у Беларусі расстралялі больш за 160 чалавек
10 кастрычніка ў Эўропе адзначаюць дзень супроць сьмяротнага пакараньня. Беларусь засталася адзінай у Эўропе краінай, дзе сьмяротнае пакараньне не адмененае і досыць часта ўжываецца. Ці можа Беларусь у хуткім часе адмовіцца ад гэтага віду пакараньня?
Ствараецца фан-клюб "Будзьма свабоднымі!
Беларуская Музычная Альтэрнатыва пачало стварэньне ў межах кампаніі "Будзьма!" (www.budzma.org) фан-клюба беларускай музыкі "Будзьма свабоднымі!". Фан-клюб будзе створаны на базе падпісчыкаў на дыскі "Песьні свабоды", "Не заганяйся!" і іншыя.
Фальсіфікацыя выбараў не зацікавіла пракуратуру
Адказнаму сакратару аргкамітэта па стварэньні БХД Дзянісу Садоўскаму, які быў кандыдатам ў дэпутаты па 103 Масюкоўшчынкай акрузе, пракуратура адмовіла ў разглядзе скаргаў на парушэньні, зафіксаваныя ва ўчастковых камісіях у дзень выбараў.
Выбары – дадатковы штуршок намэнклятурнай прыватызацыі
Нядаўнія парлямэнцкія выбары крытыкуюцца беларускай апазыцыяй перад усім за іх недэмакратычнасьць. Аднак ёсьць і такія меркаваньні, што прызнаньне выбараў Захадам будзе азначаць „дыктатарскую прыватызацыю” ў Беларусі.
Прадпрыемствы «Саюздруку» па-ранейшаму адмаўляюцца распаўсюджваць незалежную прэсу
З просьбай заключыць дамову на распаўсюд рэгіянальнай газеты «Intex-press» праз гандлёвую сетку аддзяленняў УП «Брэстаблсаюздрук» у Баранавічах, Баранавіцкім раёне і Ляхавічах выдавец выдання – ТАА «Выдавецкі дом «Інтэкс-прэс» звярнуўся 9 верасня да кіраўніцтва прадпрыемства.
Прэзідыум палітсавета АДС даў ацэнку мінулай выбарчай кампаніі
Прэзідыум палітсавета Аб'яднаных дэмакратычных сіл на сваім пасяджэнні 9 кастрычніка падвёў вынікі мінулых парламенцкіх выбараў і даў ацэнку выбарчай кампаніі з боку калектыўнай сструктуры апазіцыі.
Рэжысёр «экстрэмісцкага» фільма: «Я разлічваў хіба што на ацэнку журы, але ніяк не суда»
Рэжысёр польскага дакументальнага фільма «Lekcja Bialoruskiego» («Урок беларускай мовы») Міраслаў Дэмбіньскі быў агаломшаны весткай пра тое, што яго твор у Беларусі быў прызнаны экстрэмісцкім матэрыялам і зараз падлягае знішчэнню.
Еўрапарламент выступіў за зніжэнне кошту шэнгенскіх віз для беларусаў
Еўрапарламент прыняў рэзалюцыю па Беларусі. у дакуменце прапаноўваецца аблегчыць працэдуры атрымання шэнгенскіх віз для беларусаў і знізіць іх кошт, а таксама пашырыць падтрымку грамадзянскай супольнасці, незалежным СМІ і Еўрапейскаму гуманітарнаму універсітэту, які знаходзіцца ў выгнанні (у Вільні).
Нобэлеўскую прэмію міру атрымаў былы фінскі прэзыдэнт
Нарвэскі Нобэлеўскі камітэт абвясьціў, што прэмія даецца Ахцісаары "за ягоныя важныя намаганьні ў вырашэньні міжнародных канфліктаў на некалькіх кантынэнтах і цягам больш чым трох дзесяцігодзьдзяў". Сярод іншага, у 2005 годзе Ахцісаары быў пасярэднікам на пасьпяховых перамовах паміж урадам і паўстанцамі ў Інданэзіі. Апошнія гады ён быў спэцыяльным пасланцом ААН у Косаве.
Ваенкамат ізноў судзіцца з Паўлам Наздрой
9 кастрычніка мазырскага актывіста аргкамітэту па стварэньні БХД Паўла Наздру выклікалі ў суд. Ад актывіста патрабуюць выплаты штрафу ў памеры дзвюх базавых велічынь, які даўно быў аплочаны Паўлам. Копія квітанцыі аб аплаце не аказалася падцьверджаньнем для суда.
Шклоў: "чарнавыя" пратаколы?
На паседжаньні Шклоўскай выбарчай камісіі дванаццаць яе сяброў адзначылі дзеяньні свайго калегі Пятра Мігурскага дыскрэдытуючымі працу камісіі. 28 верасьня, у дзень выбараў у палату прадстаўнікоў, Пётар Мігурскі выявіў тры несапраўдныя выніковыя пратаколы участковых камісіяў. Ад сваёй камісіі ён запатрабаваў ануляваць вынікі выбараў па Шклоўскай выбарчай акрузе. Адпаведную заяву ён накіраваў і ў Цэнтарвыбаркам, тая перадаслала яе на разгляд назад у Шклоў.
Учынены напад на салігорскую праваабаронцу
9 кастрычніка ў Салігорску напалі на салігорскую праваабаронцу Яну Палякову. У міліцыі яна атрымала яшчэ адну траўму. Яна Палякова цяпер знаходзіцца дома.
Міхаіл Пастухоў: “Гэта рэпрэсіўны закон”
Як паведамлялася, Палата прадстаўнікоў Нацыянальнага Сходу Беларусі ў чацьвер прыняла ў другім чытаньні законапраект “Аб інфармацыі, інфарматызацыі і абароне інфармацыі”. Паводле міністра сувязі і тэлефанізацыі Мікалая Панцялея, у законапраекце аформлены патрабаваньні да працэсу стварэньня, эксплюатацыі і дзяржаўнай рэгістрацыі інфармацыйных сыстэм.
