Навіны за 13 кастрычніка 2008
Эўропа здымае табу
Эўразьвяз прыпыніў візавыя санкцыі ў дачыненьні да Лукашэнкі і «некаторых ягоных набліжаных», паведамляе Франс прэс. У чорным сьпісе засталіся толькі чацьвёра фігурантаў мэмарандуму Пургурыдэса ды кіраўніца Цэнтравыбаркаму.
КДБ вярнула Радыё Рацыі канфіскаваную тэхніку
Сёлета 27 сакавіка а 8.30 у мінскі офіс Радыё Рацыя прыйшлі супрацоўнікі КДБ, якія наладзілі ператрус, пасля чаго была канфіскаваная тэхніка радыё.
Пяць чыноўнікаў застаюцца неўязнымі ў ЭЗ
Шэйман, Навумаў, Паўлічэнка, Сівакоў і Ярмошына застаюцца неўязнымі ў Эўрапейскі Зьвяз.
Настаўнікаў не пускалі ў Горадню
У Горадні 11 кастрычніка зьбіралі настаўнікаў польскай мовы з вобласьці, а таксама зь некаторых іншых гарадоў краіны. З гэтай нагоды адбылася імша ў Брыгіцкім касьцёле і афіцыйная частка ў рэстарацыі “Гродна”, дзе ўручалі дыплёмы, а затым быў канцэрт. Мерапрыемства арганізавалі Генконсульства РП у Горадні, грамадзкая арганізацыя “Мацеж школьна” і Саюзу палякаў на чале з А.Борыс.
Па справе выбуху дапытваюць нават дзяцей
9-гадовага жыхара вёскі Верамейкі, што на Чэрыкаўшчыне, Яўгена Герасімава выклікалі ў міліцыю. Выклік - у сувязі з расьсьледаваньнем справы выбуху ў Менску 4 ліпеня. У позьве пазначана “зьявіцца ў Чэрыкаўскі аддзел міліцыі па пытаньнях адпрацоўкі асобаў на датычнасьць да выбуху”.
