Навіны за 5 лютага 2010
У камісіях відавочны гендэрны перакос
У складзе тэрытарыяльных выбарчых камісій Менскай вобласці пераважную большасць складаюць жанчыны - 82 працэнты.
Менск: Ад АГП у тэрытарыяльныя камісіі вылучыліся вядомыя людзі
Аб’яднаная грамадзянская партыя падала заяўкі на ўваход у склад дзевяці тэрытарыяльных выбарчых камісій Мінска вядомых і знакамітых людзей.
Салігорск: “Шляхі” супрацоўнікаў выканкаму ў камісію
Але калі ведаць месцы працы такіх вылучэнцаў (а гэтага не паведамляецца ў газеце), то акажацца, што некаторыя з іх, як той жа Якімовіч Міхаіл, працуюць у Салігорскім райвыканкаме, як і вылучэнка ад БРСМ Вярыга Святлана.
Барысаўскую раённую камісію ўзначаліў супрацоўнік выканкаму
Як і меркавалася, узначалілі камісію неаднаразова правераныя ў самых розных выбарчых кампаніях людзі. Старшынёй абраны намеснік начальніка аддзела адукацыі Барысаўскага райвыканкама Мікалай Зелянкевіч (вылучыўся шляхам збору подпісаў грамадзянаў), а сакратаром - бібліятэкар сярэдняй школы №11 гораду Таццяна Стасава.
Баранавічы: Войска як альтэрнатыва ўдзелу ў выбарах
Выбарчая актыўнасць маладога сябра БХД Аляксея Марозава нечакана зацікавіла Баранавіцкі ваенны аб’яднаны камісарыят. Як лічыць сам Аляксей Марозаў ён можа хутка апынуцца ў беларускім войску, бо яму ўжо неаднаразова тэлефанавалі з ваекамату.
Міліцыянты разагналі пікет у Талочыне
Жыхар Талочына Мікола Пятрушэнка паведаміў “Свабодзе”, што міліцыянты разагналі пікет жыхароў гораду, якія пратэставалі супраць бязьдзеяньня мясцовых уладаў.
Асамблея НДА: У Эўранэсце мусяць быць прадстаўленыя ня толькі палітычныя партыі
Кіраўніцтва Асамблеі НДА лічаць, што ў міжпарлямэнцкай структуры Эўранэст мусяць быць прадстаўленыя ня толькі палітычныя партыі, але і суб’екты грамадзянскай супольнасьці.
Светлагорская раённая камісія: склад ранейшы, вылучэнне – “па-новаму”
Каб укамплектаваць 1/3 частку членаў выбарчай камісіі “ад грамадскіх арганізацый”, у Светлагорскую раённую камісію такім спосабам уключылі нават намесніка старшыні райвыканкама па ідэалогіі. Усяго ў камісіі трое супрацоўнікаў райвыканкама: двое астатніх вылучыліся "шляхам збору подпісаў".
“Народную волю” аштрафавалі за Белсат
700 тысяч штрафу мусіць заплаціць газэта “Народная воля” за анонс новага сэзону на тэлеканале “Белсат”. Такое рашэньне прыняў суд Ленінскага раёну Менску 4 лютага, прызнаўшы выданьне вінаватым у парушэньні Закону "Аб рэкляме".
Маладафронтаўца Івана Стасюка трымаюць за кратамі
Актывіст “Маладога фронту” Іван Стасюк знаходзіцца ў Берасьцейскім ізалятары часовага ўтрыманьня.
ПАРЭ вітае стварэнне ў парламенце Беларусі рабочай групы па пытанні смяротнага пакарання
Старшыня Парламенцкай асамблеі Рады Еўропы (ПАРЭ) Мевлют Чавушоглу вітае стварэнне ў беларускім парламенце рабочай групы па пытаннях прымянення смяротнага пакарання ў якасці меры пакарання.
