Крымінальная справа Яраслава Грышчэні падоўжаная яшчэ на 2 месяцы

10.07.2007. Тэгі: Малады Фронт, крымінальная справа.
Крыніца: «Наша Ніва».

Учора моладзевы актывіст Яраслаў Грышчэня позваю выклікаўся ў баранавіцкую раённую пракуратуру. Сьледчая Юлія Аскальдовіч паведаміла хлопцу, што ягоная крымінальная справа падоўжана яшчэ на два месяцы. Яраслава падазраюць у парушэньні артыкулу 193 КК «Дзейнасьць ад імя незарэгістраванай арганізацыі». У пятніцу ў суд перадалі аналягічную справу Івана Шылы, салігорца найхутчэй будуць судзіць у жніўні.

Таксама сёньня сьледчая Аскальдовіч сказала Грышчэню, каб праз два дні ён прайшоў псыханэўралягічную экспэртызу. У сераду Яраслаў, сапраўды, зьбіраецца ісьці ў баранавіцкі псыханэўралягічны дыспансэр на праверку.

Сёньня на ўправе БНФ мае адбыцца прэсавая канферэнцыя Івана Шылы і ЯраславаГрышчэні. Пачатак у 11-00