Аляксандр Мілінкевіч адпушчаны без складання пратакола

18.07.2007. Тэгі: затрыманьні, Мілінкевіч.
Крыніца: Прэс-служба А.В. Казуліна.

Лідэр дэмакратычных сіл Беларусі Аляксандр Мілінкевіч 17 ліпеня пасля высвятлення супрацоўнікамі праваахоўчых органаў абставін яго знаходжання ў памежнай зоне ў Астраўцу адпушчаны без складання пратакола.

Аляксандр Мілінкевіч заявіў міліцыянтам, што згодна беларускага заканадаўства, ён можа знаходзіцца ў памежнай зоне да трох гадзінаў без спецыяльнага дазволу. Палітык таксама адмовіўся даваць любыя тлумачэнні ў прысутнасці чалавека ў цывільным, які не захацеў прад’явіць дакуманты.

Супрацоўнікі міліцыі распытвалі мэты візіту Аляксандра Мілінкевіча, пра людзей, з якімі ён сустракаўся, і да каго прыехаў.

Нагадаем, што лідэр дэмакратычных сіл Беларусі Аляксандр Мілінкевіч быў затрыманы супрацоўнікамі міліцыі і асобамі ў штацкім у Астраўцу каля 18 гадзінаў. Ён знаходзіўся з візітам па гарадах Гродзенскай вобласці, дзе сустракаўся з дэмакратычнымі актывістамі рэгіёну, а таксама з жыхарамі мястэчак.