Тыдзень пад знакам Змітра Дашкевіча

19.07.2007. Тэгі: Малады Фронт, акцыі, палітвязьні, Дашкевіч, правы асуджаных.

20 ліпеня Змітру Дашкевічу - лідэру Маладога Фронту і непахіснаму моладзеваму актывісту спаўняецца 26 год. Нагадаем, што асуджаны 1 лістапада 2006 года на паўтара гады пазбаўлення свабоды, Зміцер адбывае пакараньне у калоніі агульнага рэжыму ў Шклове. Арганізацыя «Міжнародная амністыя» прызнала моладзевага актывіста вязнем сумлення.

Учора адбылася прэс-канферэнцыя ў офісе партыі БНФ, прысвечаная Зміцеру Дашкевічу. Як паведамілі кіраўнікі рэспубліканскай праваабарончай арганізацыі «Беларускі Хельсінкскі камітэт» і «Праваабарончага альянсу”, гэтыя аб’яднаньні звярнуліся ў Чырвоны Крыж з просьбай у рамках кампетэнцыі гэтай арганізацыі дамагчыся захавання правоў палітзняволенага Змітра Дашкевіча.

А сёньня, 19 ліпеня, стартуе аўтапрабег салідарнасьці, прымеркаваны да дня народзінаў зьняволенага лідэра Маладога Фронту Зьмітра Дашкевіча. Як паведамляе прэсавая служба “Маладога фронту”, аб 11-й гадзіне ад аўтобуснай станцыі «Дружная» аўтамабілі накіруюцца праз гарады, дзе зараз адбываецца крымінальны перасьлед актывістаў Маладога Фронту. У акцыі плануюць браць удзел дзясяткі актывістаў і вядомых палітыкаў, сярод якіх Павал Севярынец, Іна Кулей, Барыс Гарэцкі. Удзельнікі аўтапрабегу маюць намер праехаць праз Баранавічы, Нясьвіж, Салігорск, Магілеў і фінішыраваць пад сьценамі Шклоўскай калоніі.

Дэмакратычная моладзь напрацягу тыдня рыхтавала і адпраўляла паштоўкі-віншаваньні на адрас зняволенага лідэра. А актывісты “малодафронтаўцы” падпісалі калектыўнае віншаваньне з днём народзінаў, якое плануюць перадаць Змітру Дашкевічу