Дзеяньні ашмянскіх мытнікаў і супрацоўнікаў КДБ абскардзіць у судзе лідэр моладзі партыі БНФ Алесь Каліта
03.08.2007.
Тэгі: моладзь БНФ, КДБ, зыскі.
Моладзевы лідэр Алесь Каліта падрыхтаваў зыск у суд аб спагнаньні з супрацоўнікаў ашмянскай мытні і КДБ матэрыяльнага ўрону, які актывіст панёс па прычыне наўмыснага пашкоджаньня ноутбука.
Як стала вядома ПЦ “Вясна”, яшчэ напрыканцы студзеня ў Алеся Каліты пры перасячэньні літоўскай мяжы быў часова сканфіскаваны ноўтбук для правядзеньня следчых дзеяньняў. Больш чым паўгода Каліта дамагаўся вярнуць сваю маёмасьць і ў выніку атрымаў цалкам пашкоджаны кампутар. Ён звярнуўся да экспертаў, які пасля дыягностыкі падлічылі нанесены ўрон у суме 321 тысяча рублёў.
Як паведаміў праваабаронцам Алесь Каліта, “аніякім экспертным заключэньнем ня можна вымераць маральны ўрон, які быў нанесены дзеяньнямі службоўцаў. Да таго ж незваротна загінула каштоўная інфармацыя, якая месцілася ў памяці ноўтбука. Аднак спадзяваньняў на іх кампенсацыю няма. Вярнуць хаця б матэрыяльныя выдаткі на рамонт тэхнікі”.
Навіны па тэме
20.11.2008 Жонку праваабаронцы выклікаюць у КДБ
18.11.2008 Затрыманыя ў Мінску актывісты "Моладзі БНФ" адпушчаны
13.11.2008 Гарадзенскіх актывістаў АГП запалохвае КДБ?
31.10.2008 КДБ пераходзіць да пагрозаў
31.10.2008 Распачатая кампанія "Мабільная сувязь па-беларуску"
Дадаць камэнтар
Камэнтары
Камэнтароў да гэтага артыкулу няма
