У Бярэсці працягваюць затрымліваць моладзь

27.08.2007. Тэгі: адміністратыўная справа, затрыманьні, моладзевы актывіст.
Крыніца: Прэс-служба «Маладога Фронту».

Тры актывісты Руху “За Свабоду” былі затрыманыя ў Брэсце за расклейку ўлётак “Свабода Паўлу Севярынцу”.

Андрэй Шарэнда, Юля Пашко, Міхал Іллін ў нядзелю ўначы былі дастаўлены супрацоўнікамі міліцыі ў Ленінскі РАУС Брэста. Пасля трохгадзіннага ўтрымання ў аддзяленні міліцыі, дагляду асабістых рэчаў, складання пратаколаў і канфіскацыі друкаваных матэрыялаў актывістаў адпусцілі. На наступным тыдні іх чакае суд.

Нагадаем, што 19 жніўня ў Брэсце было затрымана каля 40 актывістаў дэмакратычнага руху, сярод якіх затрыманы сёння ўначы Андрэй Шарэнда, прысутных на прэзентацыі кнігі Паўла Севярынца “Лісты з лесу”. Паўла Севярынца пакаралі 15 суткамі адміністрацыйнага арышту. Астатніх затрыманых яшчэ чакае суд.

Па інфармацыі "Руха за свабоду".