Павал Севярынец будзе слухаць радыё ў ізалятары часовага затрыманьня

27.08.2007. Тэгі: Севярынец, правы асуджаных.

Павал Севярынец будзе слухаць радыё ў ізалятары часовага затрыманьня

27 жніўня начальнік упраўленьня міліцыі Ленінскага раёну Берасьця Юрый Карпінчык згадзіўся перадаць у камэру Паўла Севярынца кароткахвалевы радыёпрымач. Нагадаем, такое права пакараныя адміністратыўным арыштам маюць згодна з часткай 3 артыкула 18.7 Працэсуальна-выканаўчага кодэксу РБ.

Гэта стала магчымым дзякуючы пісьмоваму звароту праваабаронцы Уладзімера Вялічкіна і мясцовага актывіста Уладзімера Малея, якія зьвярнуліся ва ўпраўленьне міліцыі і пракуратуру з патрабаваньнем забясьпечыць палітвязьня магчымасьцю чытаць прэсу і слухаць радыё.

Сёньня дадзена распараджэньне, каб адміністрацыя ізалятара прыняла радыёпрымач для павала Севярынца. Як паведаміў Уладзімер Вялічкін, Павал атрымае сучасны прымач, па якім можна будзе слухаць радыёперадачы.