Генпракуратура вынесла А.Лябедзьку вуснае папярэджаньне

18.09.2007. Тэгі: пракуратура, свабода слова, папярэджаньне.
Крыніца: Радыё «Свабода».

Сёньня раніцай лідэр АГП Анатоль Лябедзька зьявіўся ў Генэральную пракуратуру. Прадстаўнік пракуратуры спадар Радзівонаў вынес яму вуснае папярэджаньне.

Гэтае пакараньне вынесенае за камэнтары палітыка для вэб-сайту “Белорусский партизан” і газэты “Народная воля”, якія тычацца прыпыненьня на паўгода дзейнасьці Партыі камуністаў Беларускай.

У інтэрвію “Радыё “Свабода” А.Лябедзька адзначыў: "Я даў пісьмовыя тлумачэньні, дзе яшчэ раз засьведчыў сваю пазыцыю – я лічу, што ў Беларусі дагэтуль няма незалежнай судовай сыстэмы. Гэта мая грамадзянская пазыцыя і пазыцыя дэпутата парлямэнту, які разагналі. І я маю права на такую пазыцыю, на такія ацэнкі".