Супрацоўнікі міліцыі і КДБ робяць ператрус на кватэры актывіста незарэгістраванай арганізацыі “Малады фронт” Кірыла Атаманчыка ў Жлобіне.

18.09.2007. Тэгі: Малады Фронт, крымінальная справа, перасьлед.
Крыніца: Радыё «Свабода».

Кірыл паведаміў, што супрацоўнік міліцыі ў цывільным патлумачыў яму - ператрус робіцца ў межах крымінальнай справы, распачатай КДБ супраць актывістаў “Маладога фронту” за ўдзел у незарэгістраванай арганізацыі.

Гэта другі ператрус і другая крымінальная справа ў Гомельскім рэгіёне. Цягам сутак міліцыянты зрабілі ператрус на кватэры яшчэ аднаго маладафронтаўца - Арсенія Ягорчанкі ў Сьветлагорску. Актывісты “Маладога Фронту” лічаць, што пасьля судоў у Менску, Менскай вобласьці і Баранавічах спрацоўнікі КДБ “узяліся” за гомельскіх рэгіянальных актывістаў “Маладога Фронту”.

Крымінальныя справы супраць гомельскіх рэгіянальных актывістаў адкрылі рахунак на другі дзясятак крымінальных справаў супраць маладафронтаўцаў.

Дадаць камэнтар

Камэнтары