Моладзевую актывістку Кацярыну Салаўёву абвінавачваюць у крымінальных злачынствах
28.11.2007.
Тэгі: крымінальная справа, моладзевы актывіст, графіці.
Крыніца: Радыё «Свабода».
Паводле пратаколу затрыманьня, дзяўчыну абвінавацілі ў пашкоджаньні дзяржаўнай маёмасьці. Сёньня ёй інкрымінавалі яшчэ два артыкулы Крымінальнага кодэксу: удзел у незарэгістраванай арганізацыі (арт.193) і зьнявага дзяржаўнай сымболікі (арт.139). Апошняе абвінавачаньне зьвязана з падзеямі 30 кастрычніка, калі нехта падзер на шматкі дзяржаўны сьцяг РБ, які вісеў над будынкам полацкай пракуратуры. Па факту зьнявагі дзяржсымболікі была заведзеная крымінальная справа, і цяпер у гэтым учынку абвінавачваюць Кацярыну Салаўёву.
Супрацоўнікі КДБ правялі сёньня ў пакоі студэнцкага інтэрнату, дзе жыве Кацярына, ператрус, і знайшлі балёнчыкі з фарбаю. Пасьля экспэртызы высьветліцца, ці рабіліся гэтай фарбай палітычныя графіці, што зьявіліся апошнім часам ў Полацку.
Заўтра дзяўчыну мусяць чарговым разам выклікаць у міліцыю.
Кацярыне Салаўёвай 19 гадоў. Яна вучыцца на 2-м курсе гісторыка-філялягічнага факультэту Полацкага дзяржунівэрсытэту.
Навіны па тэме
25.08.2008 Ігара Рынкевіча дапыталі ў справе выбуха ў Мінску
13.08.2008 Пацярпелым па справе аб “жывым шчыце” не выплацілі кампенсацыі і страхоўкі
12.08.2008 Віцебск: Андрэю Левінаву пагражаюць узбуджэннем крымінальнай справы
08.08.2008 Паўла Кур’яновіча арыштавалі на 15 сутак
07.08.2008 Па справе лістоў РНА ў Віцебску пачаліся допыты журналістаў
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма









