Прысуд Аляксандру Данілеўскаму – 180 гадзінаў грамадскіх работ

07.12.2007. Тэгі: крымінальная справа, моладзевы актывіст.

180 гадзінаў грамадскіх работ у выглядзе крымінальнага пакараньня атрымаў студэнт першага курсу ЕГУ з Віцебску Аляксандар Данілеўскі. Сёньня, пасьля тыднёвага разгляду сутнасьці крымінальнай справы, суддзя суду Першамайскага раёна Віцебска Алена Шарэц прызнала яго вінаватым у парушэньні часткі 1 артыкула 380 Крымінальнага Кодэксу Рэспублікі Беларусь (падробка, выраб, выкарыстаньне або распаўсюд падробных дакументаў, штампаў, пячатак бланкаў).

Гісторыя гэтая пачалася яшчэ летам, калі моладзевы актывіст прымаў актыўны ўдзел у акцыях пратэсту каля будынка суду ў Віцебску. Тады ён быў пакараны адміністрацыйным судом і выключаны з Віцебскага дзяржуніверсітэту. Верагодна, каб пазбегнуць выключэньня, юнак вымушаны быў бараніцца з дапамогай медыцынскай даведкі, якую суд палічыў падробкай.