Мастоўскага дэмакратычнага актывіста Алеся Зарэмбюка абвінавачваюць у арганізацыі несанкцыянаванага мітынгу і пагражаюць судом.
10.12.2007.
Тэгі: перасьлед, моладзевы актывіст, пракуратура.
Крыніца: Радыё "Рацыя".
Мітынгам пракуратура Мастоў лічыць сустрэчу Аляксандра Мілінкевіча з жыхарамі райцэнтра 4 лістапада.
Алесь Зарэмбюк паведаміў Рацыі, што сёння яму патэлефанаваў старшы інспектар аддзелу аховы правапарадку Мастоўскага РАУса Аляксандр Данільчык і прасіў прыйсці ў РАУС. Міліцыянт патлумачыў, што насіў тлумачальную Зарэмбюка ў пракуратуру, дзе загадалі скласці пратакол з далейшай перадачай у суд. Актывіста абвінавачваюць у арганізацыі несанкцыянаванага мітынгу. Алесь Зарэмбюк адмовіўся ісці ў РАУС без позвы.
Нагадаем, 4 снежня супрацоўнікі мастоўскай міліцыі па запыце пракуратуры правялі допыт сябра руху «За свабоду» Алеся Зарэмбюка адносна сустрэчы Аляксандра Мілінкевіча з жыхарамі горада. Пракуратура спрабавала даць прававую адзнаку дзеянням Мілінкевіча падчас сустрэчы. Тады Данільчык паведаміў Зарэмбюку пра тое, што, хутчэй за ўсё, у супрацоўнікаў праваахоўных органаў узнікне да яго шэраг пытанняў, бо ён актыўна займаецца палітычнай дзейнасцю.
Навіны па тэме
04.12.2008 На моладзевага актывіста завялі справу за «ўхіленне ад прызыву»
04.12.2008 На кватэру да праваабаронцы з’явіліся з вобшукам
03.12.2008 Аляксандар Сілкоў чакае рашэння па сваёй справе (адноўлена)
03.12.2008 Актывіст нечакана даведаўся, што знаходзіцца ў вышуку
03.12.2008 Перасьлед апазыцыянэраў працягваецца
Дадаць камэнтар
Камэнтары
Камэнтароў да гэтага артыкулу няма
