КДБ аднавіла справу гомельскага актывіста А.Цянюты

19.12.2007. Тэгі: Малады Фронт, крымінальная справа.
Крыніца: Радыё «Свабода».

Пра гэта Андрусю Цянюце паведамілі ў лісьце з пракуратуры Гомеля. Маладзёвага актывіста падазраюць ва ўдзеле ў незарэгістраванай арганізацыі.

Гэтая справа цягнецца з верасьня. КДБ падазрае некалькіх маладзёвых актывістаў. Ад Андруся Цянуты сьледчыя ў тым ліку патрабавалі прайсьці псыхіятрычную экспэртызу. Паколькі некаторыя з падазроных з’ехалі за мяжу, месяц таму справу прыпынілі.

“Чаму аднавілі справу 14-га сьнежня, невядома. Можа, гэта неяк зьвязана з тым, што ў той дзень з Беларусі з’ехаў расейскі прэзыдэнт Уладзімер Пуцін? У любым выпадку мы расцэньваем гэта як новы крок да рэпрэсіяў”, -- пракамэнтаваў падзею маладзёвы лідэр Павал Севярынец.