Міністэрства юстыцыі настойвае на ліквідацыі партыі камуністаў

09.01.2008. Тэгі: партыя, ліквідацыя, Мінюст, Вярхоўны суд.
Крыніца: «Наша Ніва».

Міністэрства юстыцыі падало пазоў у Вярхоўны суд аб ліквідацыі Партыі камуністаў Беларускай. У пазове адзначаецца, што нават пасля пісьмовых папярэджанняў, камуністы працягвалі парушаць заканадаўства.

2 жніўня Вярхоўны суд прыпыніў дзейнасць ПКБ тэрмінам на шэсць месяцаў, аднак, як мяркуе Міністэрства юстыцыі, партыя за гэты перыяд рабіла дзеянні, якія ёй былі забароненыя заканадаўствам.

У прыватнасці, ПКБ ставіцца ў правіну ўваходжанне ў аргкамітэт па правядзенні “Еўрапейскага маршу”, а таксама падпісанне 30 жніўня дамовы пра прынцыпы ўдзелу ў парламенцкіх выбарах. Яшчэ ПКБ ставіцца ў віну актыўная міжнароднай дзейнасці: удзел Сяргея Вазняка ў кастрычніку ў канферэнцыі Партыі еўрапейскіх левых у Кішынёве, а Сяргея Калякіна – у з’ездзе Партыі еўрапейскіх левых у Празе.