У Віцебску і Полацку пачалі працаваць першыя грамадскія юрыдычныя прыёмныя.

14.02.2008. Тэгі: грамадства, сацыяльная сфэра.
Крыніца: Народныя навіны Віцебска.

Яны дзейнічаюць пры юрыдычных факультэтах Віцебскага і Полацкага дзяржаўных універсітэтаў. Малазабяспечаныя грамадзяне могуць атрымаць тут бесплатную прававую дапамогу, якую двойчы на тыдзень аказваюць студэнты старэйшых курсаў на чале са сваімі выкладчыкамі-юрыстамі.

Найбольшая колькасць пытанняў у наведвальнікаў узнікае ў сувязі з працоўным, жыллёвым і сямейным заканадаўствамі. Грамадскія прыёмныя займаюцца юрыдычнай асветай і ніякім чынам не замяняюць дзейнасць адвакатскіх кантор.

У бліжэйшыя дні студэнцкая служба прававой дапамогі адкрыецца ў Наваполацку пры гарадскім Цэнтры прававой інфармацыі. Акрамя таго, аддзел прававога забеспячэння па працы са зваротамі грамадзян Віцебскага аблвыканкама плануе адкрыць віртуальную грамадскую юрыдычную прыёмную на афіцыйным сайце аблвыканкама.