Суд адмовіў Зьмітру Бародку ва ўзбуджэньні грамадзянскай справы па факту зьнішчэньня сьцягоў Еўразьвязу
27.02.2008.
Тэгі: суды, Еўразьвяз, адмова, сімволіка.
Дэмакратычны актывіст з Барысава Зьміцер Бародка атрымаў вызначэньне суду Партызанскага раёну Менску на сваю іскавую заяву, у якой прасіў прызнаць неправамоцнымі дзеяньні супрацоўнікаў міліцыі, якія перад правядзеньнем Еўрапейскага маршу правялі незаконны вобыск, канфіскавалі 96 сьцягоў Еўразьвязу і потым зьнішчылі.
У вызначэньні суду напісана, што заява Зьмітра Бародкі не падлягае разгляду па прычыне непадлегласьці, і прапанавана зьвярнуцца ў пракуратуру.
Нагадаем, 96 сьцягоў Еўразьвязу былі канфіскаваныя ў кастрычніку мінулага года напярэдадні Еўрапейскага Маршу з кватэры сябра Зьмітра Бародкі, актывіста апазіцыі Леаніда Навіцкага, а самі яны перад акцыяй былі прэвентыўна арыштаваныя на 15 сутак.
Пазьней Зьміцер Бародка зьвярнуўся са скаргай аб незаконнай канфіскацыі еўрапейскай сімволікі ў Партызанскі РУУС і атрымаў адказ за подпісам начальніка А.С. Гайдукевіча, у якім паведамлялася: «Ваша заява разгледжаная, праверка па ёй спыненая, атрыбутыка, …. зьнішчаная. У выпадку нязгоды з прынятым рашэньнем Вы маеце права звярнуцца ў суд», што ён і зрабіў.
Навіны па тэме
16.05.2008 Полацак: штраф за расьцяжку “Свабоду палітвязьням”
16.05.2008 У Салігорску аштрафавалі Мілінкевіча
15.05.2008 Гомельскі абласны суд падтрымаў забарону пікета
15.05.2008 Арыштаваны аўтар кнігі пра трагедыю Дражна
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
