20 сакавіка спадарожнікавае тэлебачаньне пакажа “Плошчу” Хашчавацкага

12.03.2008. Тэгі: грамадства, свабода слова.

На спадарожнікавым еўрапейскім тэлеканале “Arcoiris Tv” 20 сакавіка будзе паказаны фільм Юрыя Хашчавацкага “Плошча”. Як стала вядома ПЦ “Вясна”, пачатак трансляцыі ў 22-15 па мясцовым часе.

Юры Хашчавацкі – вядомы беларускі кінадакументаліст. Аўтар каля 30 фільмаў. Адна з найбольш вядомых стужак рэжысёра: фільм-сатыра «Звычайны прэзідэнт». Фільм «Плошча» апавядае аб падзеях ў Менску ў сакавіку 2006 года, калі ў Беларусі прайшлі масавыя акцыі пратэсту супраць фальсіфікацый вынікаў выбараў Прэзідэнта. Прэзентацыі гэтай кінастужкі з поспехам прайшлі у многіх еўрапейскіх краінах.

Дадзеныя спадарожніка: Hotbird 7a - 13° est, транспондэр18 , частата 11.541, вертыкальнай палярызацыі (V), FEQ: 5/6, SR: 22.000