Адкрыты ліст да беларускіх уладаў

28.03.2008. Тэгі: праваабаронцы, заявы.

Аляксандру Лукашэнку,

Прэзыдэнту Рэспублікі Беларусь

Леаніду Мальцаву,

Міністру абароны Рэспублікі Беларусь

Рыгору Васілевічу,

Генеральнаму Пракурору Рэспублікі Беларусь

Валянціну Сукала,

Старшыні Вярхоўнага Суда Рэспублікі Беларусь

Парыж-Мінск, 26 сакавіка 2008-03-28

Адкрыты ліст да беларускіх уладаў

Праваабарончы цэнтр “Вясна” і Міжнародная Федэрацыя Правоў Чалавека (FIDH) даведаліся пра пачатак працэсу над моладзевай актывісткай Кацярынай Салаўёвай у Полацкім гарадскім судзе. 28 сьнежня 2007 году Кацярына Салаўёва была прызнаная падазраванай у па крымінальная справе, узбуджанай па арт. 193.1 Крымінальнага кодэксу – “арганізацыя дзейнасьці незарэгістраванага грамадскага аб’яднаньня” і ўдзеле ў моладзевай арганізацыі “Малады Фронт”.

Па атрыманай намі інфармацыі, Кацярына Салаўёва – 20-гадовая моладзевая актывістка з Лепеля (Віцебская вобласць), падвяргалася пастаяннаму ўціску напрацягу апошніх месяцаў. Двойчы была адлічаная з 2 курсу гісторыка-філалагічнага факультэту Полацкага дзяржаўнага універсітэту. Першы раз -- у пачатку сьнежня 2007 году, аднак пад ціскам грамадзкасьці была адноўленая праз некалькі дзён пасьля выключэньня. 23 студзеня 2008 года была другі раз адлічаная з універсітэту за фармулёўкай “акадэмічная непаспяховасць” (не была дапушчаная да зімовай сесіі).

Салаўёва і раней падвяргалася перасьледу. У студэнцкім інтернаце, дзе жыла Кацярына Салаўёва было праведзена некалькі вобыскаў. Кацярына Салаўёва двойчы прыцягвалася да адміністратыўнай адказнасці. Першы раз,10 верасня 2007 году – за ўдзел у акцыі салідарнасці з моладзевым актывістам Яраславам Грышчэнем, над якім адбываўся крымінальны працэс па абвінавачанні па арт. 193.1 Крымінальнага кодэксу – удзеле ў незарэгістраванай арганізацыі “Малады Фронт”. 26 лістапада 2007 году Кацярына Салаўёва была затрыманая па падозранні ў нанясенні графіці «Малады фронт не спыніць!» на полацкі гарвыканкам. Дапытвалася ў межах узбуджанай па гэтай падзеі крымінальнай справе па арт. 370 Крымінальнага кодэксу – “знявага дзяржаўных сімвалаў” (пазней гэтая крымінальная справа была спыненая). У абодвух выпадках Салаўёва была прыцягнутая да адміністратыўнай адказнасьці ў выглядзе штрафа; у другім выпадку штраф склаў болей за 500 даляраў.

Выпадак Кацярыны Салаўёвай яскрава дэманструе павелічэньне рэспрэсій супраць грамадзянскай супольнасьці. FIDH і Вясна асуджаюць перасьлед грамадскіх актывістаў беларускімі ўладамі. Рэпрэсіі ўжываюцца ў сфэры аказаньня адукацыйных ппаслуг, якія мусяць заставацца незалежнымі ад палітычных фактараў.

Мы патрабуем аднавіць Салаўёву ў якасьці студэнткі Полацкага універсітэта і ніякім чынам не ствараць ёй перашкодаў у атрыманьні адукацыі. Вышэйзгаданыя дзеяньні скіраваныя выключна на пакараньне актывісткі за яе грамадскую дзейнасьць. Мы патрабуем ад беларускіх і полацкіх ўладаў справядлівага і незалежнага суда над сп. Салаўёвай, а таксама яе фізычнай і псыхалягічнай недатыкальнасьці ў любым выпадку. Таксама, FIDH і Вясна патрабуюць спыніць перасьлед усіх грамадскіх актывістаў і праваабаронцаў у Беларусі, і, у любых абставінах, даць ім магчымасьць працаваць і атрымліваць адукацыю без нематываваных перашкодаў.

Таксама, FIDH і Вясна заклікаюць вас, у любых абставінах, паважаць правы чалавека і асноўныя свабоды, асабліва свабоду выказваньня і незалежнасьці судовай улады, згодна Дэклярацыі Правоў Чалавека, Канстытуцыяй Рэспублікі Беларусь, і міжнароднымі і Эўрапейскімі актамі, ратыфікаванымі Рэспублікай Беларусь

Сохэйр Белхасэн

Прэзідэнт Міжнароднай Федэрацыі Правоў Чалавека