Казуліну дазволілі доўгатэрміновае спатканьне з дочкамі

23.04.2008. Тэгі: палітвязьні, Казулін.
Крыніца: Радыё "Рацыя".

Адміністрацыя калоніі “Віцьба-3” дазволіла экс-кандыдату ў прэзідэнты, лідэру Беларускай сацыял-дэмакратычнай партыі (Грамада) Аляксандру Казуліну трохдзённае спатканне з дочкамі, якое пачнецца 3 траўня.

Паводле Вольгі Казулінай, пра тое, што спатканне дазволена, бацька напісаў у лісце.

Яна таксама паведаміла БелаПАН, што накіроўвала начальніку калоніі заяву з просьбай даць доўгатэрміновае спатканне з 26 красавіка.

- Вялікдзень - святы дзень, і мы жадалі правесці яго разам. Адказу на сваю заяву я пакуль не атрымала.

Пры гэтым Вольга адзначыла, што з ліста даведалася пра адмову адміністрацыі калоніі на аналагічны зварот Аляксандра Казуліна.

- Яму паведамілі, што 26 красавіка ўсе памяшканні для спатканняў занятыя.