1 сакавіка па нявысветленых прычынах не было запiсана тэлевыступленне кандыдата ў дэпутаты, лідара групы “Рэспубліка” Валерыя Фралова
02.03.2005.
Сам палiтык лiчыць, што такiм чынам яго ацэнзуравалi.У адпаведнасцi з Выбарчым кодэксам, кожны кандыдат у дэпутаты мае права на тэлевiзiйнае выступленне. Два кандыдаты – дэпутат гарсавета Сяргей Антусевiч i рэктар Гродзенскага дзяржаўнага універсітэта Сяргей Маскевiч запiсалi свае выступы 25-га лютага. Яшчэ адзiн кандыдат, дырэктар каледжа бытавога абслугоўвання насельнiцтва Васiль Мiхно, адмовiўся ад права выступiць на тэлебачаннi.
– Я быў у рэдакцыi ў прызначаны час, каб запiсаць свой выступ. Гэта было дамоўлена раней, але сёння, па незразумелых прычынах, мне не далi выступiць на тэлебачаннi. У прамове я хацеў данесцi да сваiх выбарцаў маё стаўленне да сённяшняй акцыi прадпрымальнiкаў. Мяне гэтага пазбавiлi, – абураецца былы лiдэр дэпутацкай фракцыi “Рэспублiка” генерал Валерый Фралоў.
Нi ў прыёмнай, нi ў аддзеле выпуску праграмаў тэлерадыёкампанii “Гродна” нiхто не здолеў даць ПАГОНI адказ на пытанне, чаму сёння не быў запiсаны вiдэа-зварот кандыдата ў дэпутаты Валерыя Фралова.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
