Валадарка не прымае лекі для Парсюкевіча
30.04.2008.
Тэгі: палітвязьні, умовы ўтрыманьня.
Крыніца: Прэс-служба А.Мілінкевіча.
Адміністрацыя Валадаркі тлумачыць гэта тым, што адбыўся суд і вязня ў хуткім часе перавядуць у калонію.
– Начальніца медсанчасткі адмовілася прыняць лекі ад сэрца, супакойваючыя прэпараты і вітаміны для Сяргея Парсюкевіча. Сваю адмову супрацоўніца СІЗА патлумачыла тым, што пасля прысуду цягам 2-х тыдняў зняволенага мусяць перавесці ў калонію. Медык пагадзілася прыняць толькі 2 пакункі таблетак ад астмы, каб папярэдзіць магчымыя прыступы хваробы, – распавёў актывіст Руху Карэн Акопаў, які рабіў перадачу.
Адвакатка Вера Страмкоўская каментуе дзеянні супрацоўніцы СІЗА наступным чынам :
– Паколькі Сяргей Парсюкевіч падаў касацыйную скаргу на вырак Маскоўскага суду, яго знаходжанне ў СІЗА насамрэч можа падоўжыцца. На гэтай падставе супрацоўнкі Валадаркі павінны былі прыняць усе неабходныя для вязня лекі.
Бліжэйшым часам адвакатка намерана наведаць палітзняволенага Парсюкевіча ў СІЗА.
Навіны па тэме
15.05.2008 Андрэй Клiмаў: «За мяжой стан майго здароўя толькi пагоршыўся»
12.05.2008 Сяргею Парсюкевічу неабходна аперацыя
12.05.2008 Адзін дзень у сям’і палітвязьня Аляксандра Казуліна
08.05.2008 Аплаціць галадоўку!
08.05.2008 Вячаслаў Сіўчык: "Умовы ў ізалятары - нечалавечыя"
Дадаць камэнтар
Камэнтары
Камэнтароў да гэтага артыкулу няма
