Фронтаўца Ілю Копыла аштрафавалі на 5 базавых велічыняў

13.05.2008. Тэгі: суды, адміністратыўная справа, штрафы.
Крыніца: Прэс-служба Партыі БНФ.

8 траўня адбылося паседжаньне адміністрацыйнай камісіі Савецкага раёну, якая пакарала вэтэрана Партыі БНФ Ілю Копыла штрафам у памеры 5 базавых велічыняў.

9 траўня гэтага году Іля Піліпавіч расклейваў самаробныя бел-чырвона-белыя сьцяжкі на дрэвах уздоўж ходнікаў па вуліцы Сурганава. Недалёка да станцыі Кульман фронтаўца спынілі чацьвёра міліцыянтаў з аўтаматамі. Ілю Копыла затрымалі і адвялі ў міліцэйскі пастарунак, дзе той правёў дзьве гадзіны. Быў складзены пратакол за парушэньне парадку ўтрыманьня населеных пунктаў.

Зараз Іля Копыл мусіць выплаціць дзяржаве 175 000 рублёў, што для пэнсіянэра вялікая сума.