Журналіст Яраслаў Сьцешык арыштаваны на 5 сутак

19.05.2008. Тэгі: адміністратыўная справа, арышт, свабода слова.
Крыніца: Прэс-служба БАЖ.

На 5 сутак адміністратыўнага арышту асуджаны пазаштатны карэспандэнт газеты «Наша Ніва» Яраслаў Сцешык. Такое рашэнне прыняў суд Цэнтральнага раёна Мінска 16 траўня, прызнаўшы Я. Сцешыка вінаватым у нецэнзурнай лаянцы ў грамадскім месцы (арт. 17.1 КаАП — дробнае хуліганства).

15 траўня Я. Сцешык знаходзіўся ў месцы правядзення вулічнага апытання, якое ладзілі ўдзельнікаў моладзевага руху «Бунт» каля гандлёвага дому «На Нямізе». Сам жуналіст у судзе паведаміў, што ён толькі фатаграфаваў гэтую акцыю, і што супрацоўнікі міліцыі пагражалі яму «непрыемнасцямі» з-за таго, што ён здымае іх твары.