14 сакавіка ў Мінску на Кастрыніцкай плошчы адбудзецца акцыя ў падтрымку палітвязьняў!
14.03.2005.
7 сакавіка вязень Сумленьня Міхаіл Марыніч перанёс інсульт. На дадзены момант былы міністр знешнеэканамічных сувязяў, Надзвычайны і Паўнамоцны амбасадар Рэспублікі Беларусь Міхаіл Марыніч знаходзіцца ў медыцынскай частцы калоніі №8 у Воршы. Да гэтага часу сынам Марыніча адмаўляюць у спатканьні з бацькам. Стан здароўя палітвязьня патрабуе неадкладнай шпіталізацыі і паўнавартаснага медыцынскага абсьледваньня – у калоніі інсульт ня лечаць! За кратамі застаюцца лідэры беларускіх прадпрымальнікаў Валер Леванеўскі і Аляксандр Васіл’еў, за арганізацыю страйку, што адбыўся на пачатку сакавіка на рынках Беларусі пад вартай знаходзіцца Анатоль Шумчанка.Сваякі і сябры зьняволеных заклікаюць усіх сумленных людзей прыйсьці сёньня а 18.00 на Кастрычніцкую плошчу Менску, каб запатрабаваць ад уладаў вызваленьня беларускіх палітвязьняў.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
