Суд у Лагойску пасьля Бітлз Фэста

09.06.2008. Тэгі: адміністратыўная справа, сімволіка.

Сёньня ў Лагойску адбудзецца суд над Віталем Ізотавым, якога затрымалі за выкарыстаньне нацыянальнай сымболікі на Бітлз Фэсьце 7 чэрвеня. Яго абвінавачваюць у парушэньні артыкула 17.1 КаАП (дробнае хуліганства). Але хлопцу можа пагражаць і крымінальная адказнасьць - ягоная справа перададзеная ў пракуратуру, якая дасьць прававую ацэнку наконт наяўнасці у справе крымінальнага злачынства і магчымага абвінавачваньня ў зьбіцьці міліцыянта. Пад час фэсту супрацоўнікі міліцыі некалькі разоў выкарыстоўвалі грубую фізічную сілу, каб перашкодзіць моладзі ўзняць нацыянальныя сьцягі. Суд будзе праходзіць у Лагойску у другой палове дня.

На жаль, жорсткае стаўленьне да фактаў выкарыстаньня нацыянальнай сімволікі пад час канцэртаў ды іншых культурніцкіх мерапыемстваў набывае масавы характар. Зусім нядаўна ў Городні быў пакараны грашовым штрафам мясцовы актывіст і праваабаронца Віктар Сазонаў, які на канцэрце польскага гурта узняў нацыянальны сьцяг.