За погляды выпускніка пазбавілі чырвонага дыплома

10.06.2008. Тэгі: Малады Фронт, перасьлед, дыскрымінацыя.
Крыніца: Хартыя'97.

Актывіста “Маладога фронту” Змітра Сакалова, лепшага выпускніка Полацкага ліцэю, пазбавілі чырвонага дыплома з-за ягоных палітычных перакананьняў. Пасля суду за акцыю з расьцяжкай "Свабоду палітвязьням!" на галоўнай плошчы горада, Полацкі ліцэй наведалі супрацоўнікі КДБ, паведамляе прэс-служба МФ.

"Прадстаўнікі КДБ размаўлялі пра мяне з намесьнікам дырэктара па выхаваўчай працы Бараноўскай Святланай Аляксандраўнай. Яны хацелі атрымаць агульную характарыстыку, цікавіліся маімі паводзінамі, пасьпяховасьцю ў вучобе, палітычнымі перакананьнямі, пасьля чаго намесьніка дырэктара папракалі ў тым, што яна няправільна выхоўвае моладзь" – кажа Зьміцер.

Зміцер Сакалоў зьяўляецца лепшым у групе па вучобе і да візыта прадстаўнікоў КДБ быў адзіным прытэндэнтам на чырвоны дыплём. Аднак пасьля гэтага візыту педагагічны калектыў вырашыў не ісьці на канфлікт са спэцслужбамі і пазбавіў выпускніка чырвонага дыплёма. Разам з тым выкладчыкі параілі вучню нікуды не "умешвацца " да заканчэньня ліцэя.